News
Dieta d’experts ICT e furmaziun: s’inscriver uss
29. zercladur 2018 / educa.ch / Occurrenza
Con aut è il potenzial d’innovaziun da las datas en la furmaziun? Co pon ins las nizzegiar cun profit e tuttina garantir la protecziun da las datas? Prendai part a la discussiun a chaschun da la dieta d’experts ICT che ha lieu ils 8 da november a Berna. A partir d’immediat pon ins s’inscriver.
Swissdidac 2018
29. zercladur 2018 / educa.ch / Occurrenza
A la Swissdidac dals 7 als 9 da november preschentan las agenturas spezialisadas IFES, Movetia, ZEM CES ed educa.ch communablamain lur servetschs e products. Passa 300 expositurs svizzers e d’auters pajais preschentan lur innovaziuns, offreschan workshops e mussan il futur da la scola.
Save the Date: Dieta d’experts ICT e furmaziun
25. matg 2018 / educa.ch / Occurrenza
La dieta d’experts ICT ha lieu quest onn ils 8 da november a chaschun da la Swissdidac a Berna. Il tema principal da questa ediziun è la politica da datas en la domena da la furmaziun. Il program detaglià ed ulteriuras infurmaziuns vegnan communitgads la stad.
Center didactic rumantsch vegn annullà
24. matg 2018 / educa.ch / Resursa didactica
En consequenza da la nova orientaziun dad educa.ch vegn la banca da datas CEDID schliada a partir dals 31 da fanadur 2018. Tenor cunvegna cun las Conferenzas rumantschas vegnan las datas arcunadas tar la Lia Rumantscha. Nus recumandain dad arcunar las datas giavischadas sin Voss computer local.
LOM-CH - accessibilitad senza barrieras
6. matg 2018 / educa.ch
Dapi dacurt empermetta il profil d’applicaziun LOM-CH da tschiffar metadatas ch’infurmeschan davart l’accessibilitad senza barrieras da resursas d’emprender e d’instruir. Uschia promova l’Agentura spezialisada educa.ch l’egualitad da las schanzas dals meds d’instrucziun en l’internet.
Glisch verda per la Federaziun dals servetschs d’identitad
5. avrigl 2018 / Identitad digitala / educa.ch / Publicaziun
Ils 22 da mars ha l’assamblea plenara da la CDEP approvà il concept detaglià per realisar FIDES. L’agentura spezialisada educa.ch ha elavurà quest concept e vegn ad implementar la fasa da svilup. Il zercladur 2019 vegn la CDEP a decider definitivamain sur da l’andament da FIDES.
Di da la rait remplazza e²change 2018
25. schaner 2018 / educa.ch / Occurrenza
educanet² va novas vias per il futur. Per quest motiv vegn l’occurrenza e²change remplazzada cun ina dieta da la rait che offra discussiuns davart il svilup e l’avegnir da la plattafurma. Responsabels or da la pratica, da l’administraziun e da la politica vegnan envidads.
Bellas festas
22. december 2017 / educa.ch
educa.ch giavischa a las utilisadras ed als utilisaders legraivlas, calmas e bellas festas da Nadal ed in nov onn plain da success. Nus As engraziain per l’interess e la confidenza che nus avain dastgà resentir danovamain durant l’onn passà.
Center didactic rumantsch vegn annullà
30. november 2017 / educa.ch / Resursa didactica
En consequenza da la nova orientaziun dad educa.ch vegn la banca da datas CEDID schliada a partir da la mesadad dal 2018. Tenor cunvegna cun las Conferenzas rumantschas vegnan las datas arcunadas tar la Lia Rumantscha. En in proxim pass vegnan ils documents publitgads sin in nov portal.
Concept general FIDES
14. november 2017 / Identitad digitala / educa.ch
A chaschun da lur radunanza annuala ha la CDEP adaptà il concept general FIDES (Federaziun da servetschs d’identitad) e decidì en il medem temp da precisar las modalitads da lavur e da finanziaziun da la federaziun. L’agenzia spezialisada educa.ch ha l’incumbensa d’etablir in concept detaglià.
Colloqui ICT e furmaziun
11. settember 2017 / educa.ch / Publicaziun
«Think big, start small, act fast – transfurmaziun digitala en la furmaziun pretenda leadership» è stà il moto dal colloqui dals 22 d’avust a Berna. Ils videos da las conferenzas en il plenum, la discussiun da podium sco er las preschentaziuns èn disponiblas sin la pagina-web.
