Edulog

News

Play to learn

26.02.20 / Occurrenza

Il forum spezialisà «Play to learn» sa deditgescha ils 28 da mars 2020 a Baden al tema da las medias audiovisualas en la furmaziun. Divers referats e workshops da Augmented Reality (AR) mussan novas perspectivas, ideas creativas e concepts per la furmaziun.

www.play-to-learn.ch

Digital Education Pioneers

21.02.20 / Societad d'infurmaziun / Cumpetenza da medias

Per far strada a projects d’instruir e d’emprender digitals sustegna la Fundaziun Gebert Rüf projects per il stgalim primar e secundar I. Iniziativas innovativas sco bottom-up ni cooperaziuns cun partenaris externs vegnan promovidas spezialmain. Tschertgà vegn la scola dal futur.

www.grstiftung.ch

Furmaziun professiunala 2030: divers projects

17.02.20 / Furmaziun professiunala

Cun lur iniziativa «Furmaziun professiunala 2030» s’engaschan ils partenaris da la furmaziun professiunala per las sfidas da l’avegnir. A partir dal cumenzament da l’iniziativa 2018 èn gia 26 projects vegnids lantschads, da quels plirs en la domena da la transfurmaziun digitala.

sbfi.admin.ch

OER – Criteris da qualitad

14.02.20 / Publicaziun / Internaziunal

Il terz Whitepaper da l’European Schoolnet s’adressa a persunas ed instituziun che vulan sviluppar referenzas davart resursas d’emprender e d’instruir. Ulteriuramain duain las persunas d’instrucziun vegnir sustegnidas e promovidas d’utilisar meds digitals ed OER en l’instrucziun.

lre.eun.org

Magazin spezialisà per scolas en il mund digital

13.02.20 / Good Practice / Publicaziun

Il magazin spezialisà Plan BD infurmescha davart strategias e models futuristics per scolas en in mund digital. Expertas ed experts da la pratica, da la scienza e da la societad preschentan sper buns exempels er cussegls concrets per crear ils process necessaris per dumagnar la midada.

www.forumbd.de

JAMESfocus «Utilisaziun da medias e sanadad»

12.02.20 / Publicaziun

La plipart dals giuvenils èn da buna sanadad. Malgrà quai suffreschan blers da mal il chau e mal il dies, blers sa sentan stanchel ed han problems da concentraziun. Ils scienziads presuman in connex tranter l’utilisaziun da medias ed aspects da sanadad.

www.zhaw.ch

Dapli news

Agenda

INTED

02.03.20 - 04.03.20 / Valencia, Spagna

Conferenza

INTES è ina da las pli grondas conferenzas internaziunalas da la furmaziun per docents, perscrutaders e persunas dal fatg dal sectur da la furmaziun. L’occurrenza è ina plattafurma per far networking cun partenaris internaziunals e per preschentar projects innovativs.

iated.org

DETAGLS

Lingua d’occurenza: Englais
Stgalim d'instrucziun: Independet dal stgalim

Didactica sin via digitala

04.03.20 / Cuira

Dieta

La dieta examinescha tranter autras las dumondas suandantas: co utilisar a moda effizienta las medias en classa, tge rolla ha la persuna d’instrucziun e tge sto vegnir resguardà sch’ins dovra medias en classa.

www.bgs-chur.ch

DETAGLS

Lingua d’occurenza: Tudestg
Stgalim d'instrucziun: Independet dal stgalim
Termin d'annunzia: 30.01.20

swisstopo: tschertga da stgazis

15.03.20 / online

Concurrenza da scola

swisstopo porscha ina concurrenza online davart ils temas chastels, fortezzas e ruinas existentas en Svizra. La mira è da mussar las numerusas applicaziuns pussaivlas da geodatas e d’encuraschar ils giuvens da 10 a 15 onns da las utilisar.

www.schatz-karte.ch

DETAGLS

Lingua d’occurenza: Tudestg, Franzos, Talian
Stgalim d'instrucziun: 5. e 6. onn da scola, 3. ciclus (7. fin il 9. onn scolar)
Fin da participaziun:: 15.03.20

SWiSE Di d’innovaziun

21.03.20 / Turitg

Dieta

Persunas d’instrucziun han la pussaivladad dad empruvar or sequenzas d’instrucziun en ils atelier «da la pratica per la pratica». Differents referats ed impuls didactics davart ecologia, tecnica ed autras tematicas scientificas vegnan preschentads.

swise.ch

DETAGLS

Lingua d’occurenza: Tudestg
Stgalim d'instrucziun: Scola obligatorica , Scola post-obligatorica

Dis d’informatica 2020

23.03.20 - 28.03.20 / Turitg

Di tematic

Ils Dis d’informatica vegnan organisads da eZürich, ina rait da cooperaziun da passa 100 interpresas da la citad e dal chantun da Turitg. Ellas avran lur portas e dattan uschia in’invista en il mund fascinant da l’informatica. Il program sin la pagina-web vegn actualisads cuntinuadamain.

informatiktage.ch

DETAGLS

Lingua d’occurenza: Tudestg
Stgalim d'instrucziun: Independet dal stgalim

Dapli occurrenzas

Infurmaziun

Logo SEFRI

Logo EDK

Services

Support