Bildungsorganisation_rm
DossierMINT_rm

News

Center didactic rumantsch vegn annullà

24.05.18 / educa.ch / Resursa didactica

En consequenza da la nova orientaziun dad educa.ch vegn la banca da datas CEDID schliada a partir dals 31 da fanadur 2018. Tenor cunvegna cun las Conferenzas rumantschas vegnan las datas arcunadas tar la Lia Rumantscha. Nus recumandain dad arcunar las datas giavischadas sin Voss computer local.

instrucziun.educa.ch

Medias – vardad u manzegnas

22.05.18 / Resursa didactica / Cumpetenza da medias

éducation21 propona sin sia pagina-web resursas didacticas davart il tema da novitads falladas. Infurmaziuns da basa per las persunas d’instrucziun e propostas concretas per promover las cumpetenzas medialas da tut ils acturs en l’ambient scolastic che daventa pli e pli digital.

www.education21.ch

Science Me!

21.05.18 / Concurrenza da scola / MINT

La concurrenza europeica Science Me! vegn organisada durant la Notg da la scienza ils 8 e 9 da fanadur a Genevra. Il princip da la concurrenza è simpel: mintga team da 2 persunas fa ina preschentaziun da 10 minutas. Il public ed ina giuria d’experts tschernan las victuras u ils victurs.

scienceme.unige.ch

BarCamp: MINT en la furmaziun futura

18.05.18 / Occurrenza / Internaziunal

Il BarCamp dals 30.11. als 2.12.2018 a Malbun (FL) porscha a persunas spezialisadas sco er a persunas d’instrucziun la pussaivladad da sa barattar davart il tema MINT. Auter che tar ina conferenza classica n’è il program concret dal BarCamp betg cler, mabain vegn gist decidì al lieu.

barcamptools.eu

Furmaziun professiunala e la digitalisaziun

11.05.18 / Furmaziun professiunala / Cumpetenza da medias

La nova ediziun da «skilled», il magazin da l’Institut federal da scola auta per la furmaziun professiunala (IFFP), metta il focus sin la transfurmaziun digitala. Ella tratta, tranter auter, las cumpetenzas futuras necessarias e las novas tecnologias en la furmaziun professiunala.

www.ehb.swiss

ZH: Lexicon davart protecziun da datas

09.05.18 / Publicaziun

L’incumbensà per dumondas da protecziun da datas dal chantun da Turitg ha surlavurà cumplettamain il lexicon davart la protecziun da datas en las scola populara. Cun resguardar las experientschas actualas or da la pratica mussa il lexicon soluziuns per persunas d’instrucziun e direcziuns da scola.

dsb.zh.ch

Dapli news

Agenda

Open Data Student Award

31.05.18 / entira Svizra

Concurrenza da scola

opendata.ch realisescha l’emprima concurrenza per studentas e students da las universitads svizras u per tals che han terminà ils studis ils ultims trais onns. Ils participants inoltreschan ina lavur u in studi nua ch’els han utilisà open data u open government data.

opendata.ch

DETAGLS

Lingua d’occurenza: Tudestg, Franzos, Englais
Stgalim d'instrucziun: Stgalim terziar, Independet dal stgalim
Termin per trametter la documentaziun: 31.05.18

Dis d’informatica 2018

01.06.18 - 02.06.18 / Turitg

Di tematic

Ils Dis d’informatica vegnan organisads da eZürich, ina rait da cooperaziun da passa 100 interpresas da la citad e dal chantun da Turitg. Ellas avran lur portas e dattan uschia in’invista en il mund fascinant da l’informatica. Il program sin la pagina-web vegn actualisads cuntinuadamain.

informatiktage.ch

DETAGLS

Lingua d’occurenza: Tudestg
Stgalim d'instrucziun: Independet dal stgalim

3. Congress internaziunal da la furmaziun professiunala

06.06.18 - 08.06.18 / Winterthur

Conferenza / Lavuratori

Quest congress metta il focus sin las midadas tecnologicas e digitalas en la furmaziun professiunala e guarda sin las sfidas che sa resultan ordlonder. El serva sco plattafurma da dialog e sa drizza ad in public internaziunal dal champ da la furmaziun, da la politica e da l’economia.

vpet-congress.ch

DETAGLS

Lingua d’occurenza: Tudestg, Franzos, Englais
Stgalim d'instrucziun: Scuola da la furmaziun professiunala

AlpConnectar

30.06.18 / entira Svizra

Lavuratori

Il program da barat naziunal sustegnì da Movetio, AlpConnectar utilisescha las tecnologias digitalas per emprender linguas. Cun agid da tablets, da conferenzas da video ed cun arcuns da cloud sa communitgeschan classas primaras da differentas regiuns linguisticas.

www.movetia.ch

DETAGLS

Lingua d’occurenza: Tudestg, Franzos, Talian, Rumantsch
Stgalim d'instrucziun: 2. ciclus (3. fin il 6. onn scolar)
Termin d'inscripziun: 30.06.18

EDULEARN 18

02.07.18 - 04.07.18 / Palma da Mallorca, Spagna

Conferenza

Per la dieschavla ediziun reunescha la Conferenza internaziunala davart la furmaziun e las novas tecnologias d’emprender (EDULEARN) dapli che 800 experts e scienziads da var 800 pajais. Ella als empermetta da preschentar ils programs e las resursas educativas las pli innovativas.

iated.org

DETAGLS

Lingua d’occurenza: Englais
Stgalim d'instrucziun: Independet dal stgalim

Dapli occurrenzas

Infurmaziun

Logo SEFRI

Logo EDK

Job