DossierMINT_rm

News

«Parlo un’altra lingua, ma ti capisco»

12.02.18 / Concurrenza da scola / Cumpetenza da medias

La Fundaziun Coscienza Svizzera organisescha ina concurrenza davart la plurilinguitad per las classas dal stgalim secundar I. Las scolaras ed ils scolars duain trametter fin ils 2 da mars 2018 in manuscrit. Sche quel gudogna survegnan els ils meds per realisar in film curt durant l’onn 2018.

www.parlounaltralingua.ch

Set mesiras per la scola dal futur

12.02.18 / Publicaziun / Cumpetenza da medias

Il nov dossier politic d'economiesuisse enumerescha set pussaivladads co ch’il sistem da furmaziun svizzer po dumagnar la transfurmaziun digitala. Sin stgalim primar duessan per exempel ils roms matematica e lingua vegnir instruids per gronda part a moda digitala.

www.economiesuisse.ch

Nov studi davart cyberviolenza

06.02.18 / Publicaziun / Internaziunal

Dapli che la mesadad dals uffants tranter 8 e 12 onns suffrescha d’almain in problem da cyberviolenza. Quai è in dals resultats da la retschertga tar passa 34’000 uffants en 29 pajais manà tras dal DQ (Digital Intelligence) Institute e dal Forum economic mundial.

www.weforum.org

Offertas extrascolasticas MINT en Svizra

05.02.18 / MINT

La Svizra ha in manco da spezialists en ils champs da la tecnica e da l’informatica. Il rapport da Swiss Academies Communications dat ina survista ed analisa da las purschidas extrascolaras MINT. E formulescha er recumandaziuns d’acziun.

naturwissenschaften.ch

E-learning-App «Babulins»

01.02.18 / Ambient d'emprender digital / Resursa didactica / Rumantsch

Per promover ch'uffants tranter 3 e 6 onns emprendan rumantsch a moda simpla, ha la Lia Rumantscha sviluppà cun 08Eins la app «Babulins». Ensemen cun Luisa e Nic, Brutus e Lupo ed ils ulteriurs commembers da la famiglia Babulin, pon ils pitschens scuvrir divers munds dal mintgadi.

www.itbusiness.ch

Programmar enstagl da studegiar

31.01.18 / Furmaziun cuntinuada

DigitalSwitzerland porscha workshops da programmar da trais uras per scolastas e scolasts. Fin l’avrigl duain magisters da passa 100 scolas da tut ils stgalims e da tut las quatter regiuns linguisticas survegnir in’invista en la programmaziun, en l’atgna scola u er online.

workshop.ict-scouts.ch

Dapli news

Agenda

didacta 2018

20.02.18 - 24.02.18 / Messe, Hannover, Germania

Fiera

Questa fiera internaziunala che s’occupa da l’emprender per vita duranta en tut las domenas da la furmaziun metta quest onn ses focus sin las novas tecnologias e l’effect da las tecnologias digitalas sin la furmaziun.

www.didacta-hannover.de

DETAGLS

Lingua d’occurenza: Tudestg, Englais
Stgalim d'instrucziun: Independet dal stgalim

2. Scuntrada svizra «Rait da cumpetenza da medias»

01.03.18 / Welle 7 (staziun extrada West), Berna

Dieta

L’occurrenza da Giuventetgna e medias sa drizza a persunas spezialisadas che lavuran cun la giuventetgna en la protecziun e la promoziun da cumpetenzas da medias. Ils temas vegnan a sa focusar sin la prevenziun encunter la radicalisaziun en la rait sco er il studi MIKE 2017 davart il diever da medias d’uffants tranter 6 e 12 onns.

www.jugendundmedien.ch

DETAGLS

Lingua d’occurenza: Tudestg, Franzos
Stgalim d'instrucziun: Independet dal stgalim
Termin d'annunzia: 12.02.18

NZZ X.Days 2018

21.03.18 - 22.03.18 / Victoria-Jungfrau Grand Hotel, Interlaken

Dieta

La reuniun da la NZZ empermetta als participants da discutar davart novas tecnologias, strategias e schanzas da la transfurmaziun digitala. L’onn passà han passa 100 persunas da la politica e da l’economia prendì part a questa reuniun a Losanna.

www.nzz-xdays.com

DETAGLS

Lingua d’occurenza: Tudestg, Englais
Stgalim d'instrucziun: Independet dal stgalim

7. Forum svizzer da la furmaziun

22.03.18 / Pfalzkeller, Son Gagl

Dieta

Sut il motto «maschina vs. uman – e la furmaziun?» discutescha la Scola auta spezialisada da Son Gagl schebain las maschinas vegnian ina giada a stgatschar ils umans e tge cumpetenzas ch’èn necessarias per il futur. Co sa midan las pretensiuns vi da la furmaziun? La visita a la occurrenza è gratuita.

www.fhsg.ch

DETAGLS

Lingua d’occurenza: Tudestg
Stgalim d'instrucziun: Independet dal stgalim
Termin d'annunzia: 16.03.18

Learning Innovation Conference

17.04.18 - 18.04.18 / Messe Zürich, Turitg

Dieta

La dieta internaziunala s’occupa da l’emprender digital e collaborativ en noss mund da grondas midadas. Per questa raschun preschenta ella novas metodas d’emprender e d’instruir ch’èn per part anc en la fasa d’emprova.

www.learning-innovation.ch

DETAGLS

Lingua d’occurenza: Englais
Stgalim d'instrucziun: Independet dal stgalim

Dapli occurrenzas

Infurmaziun

Logo SEFRI

Logo EDK

Job