Paginas rumantschas
Qua chattais Vus ina schelta da paginas rumantschas che pon esser utilas per l'instrucziun.
Pledari grond
Pledari grond è in dicziunari online che pussibilitescha da laschar translatar pleds dal rumantsch (rumantsch grischun) en tudestg ed il cuntrari. Ins chatta era tut ils verbs e lur conjugaziuns.
Rumantsch grischun: Chattà - banca da links
Tar questa pagina da web chattais vus numerus material en rumantsch grischun. Il material n'è betg mo nizzaivel per la scola. Per mintga vegliadetgna chatt'ins temas multifars. Il chantun Grischun realisescha ed actualisescha questa pagina.
Texts rg per iPad e E-reader
chattà.ch renda accessibel cuntegns per iPad ed e-book-reader. I sa tracta da lecturas en il format epub. Plinavant cumpiglia la purschida in magazin en pdf. Quel preschenta mintgamai ina selecziun da differents artitgels en chattà.ch. Questas purschidas vegnan actualisadas mintga mais.
Lectura rumantsch Grischun
Questa banca da datas accessibla online preschenta lecturas per las scolas primaras cun rumantsch grischun, 4.-6. classa. Ils texts vegnan preschentads en gruppas dal gener (verset, text documentar e.a.). Il commentari è accessibel be cun pled-clav.
Lectura rumantsch sursilvan
Tar questa pagina da web chattais vus blers texts da tut gener per las classas primaras (5 e 6avla). Ils texts da basa èn scrits en rumantsch sursilvan. Ins chatta fegls da lavur e commentaris didactics. Era ideal per il stgalim superiur.
Simsalabim
La pagina interactiva da Simsalabim è ina pagina per uffants e geniturs. Qua chattais Vus chanzuns e versets, gieus interactivs, ideas per passatemp e bler auter.
Minisguard
Minisguard è l’emissiun d'infurmaziun en la televisiun rumantsch per uffants. Quai mintga sonda, las 17.40 sin SF 1 u la dumengia, las 17.15 sin SF 1. Plinavant vegn il Minisguard repetì la sonda saira, las 18.00 e las 19.05 sin SF info. Qua pudais Vus guardar tut las emissiun anc ina giada.
RTR Radiotelevisiun Svizra Rumantscha
RTR ha in grond e vast program che porscha ina u l'autra contribuziun per tut las gruppas d'interess sco era fitg bleras tematicas interessantas per la scola.
Cuors romontsch Sursilvan
Ins po vesair la broschura dal curs da rumantsch sursilvan virtualmain. Il curs da rumantsch ha lieu las davosas duas emnas da fanadur a Laax en Casa Caltgera e dependenzas.
Mes Pledaris
MesPledaris è in dicziunari online che pussibilitescha da laschar translatar pleds dal rumantsch (idioms + rumantsch grischun) en l'englais, tudestg, franzos e talian ed il cuntrari.
Dicziunari Rumantsch Grischun
L'Institut dal Dicziunari Rumantsch Grischun (DRG) publitgescha il pli grond vocabulari dals Rumantschs. Quest cuntegna l'entir stgazi da pleds documentà a partir dal 16avel tschientaner fin al di dad oz, inclusiv la lingua discurrida.
Rumantsch.ch
rumantsch online è in project communabel da la Lia Rumantscha e da Pro Svizra Rumantscha. Sia finamira è da render accessiblas globalmain infurmaziuns davart la lingua rumantscha e sias instituziuns cun far diever da la tecnica da infurmaziun e telecommunicaziun moderna.
Punts - la gasetta giuvna
Punts è la gasetta giuvna rumantscha per tut las regiuns. Ils texts èn scrits per rumantsch grischun ed ils tschintg idioms.
Giuventetgna rumantscha
La GiuRu (Giuventetgna Rumantscha) porscha a tai sco giuvenil raps, communicaziun ed agid da planisaziun e realisaziun per tes project da giuvenils rumantsch. La finamira da la GiuRu è da promover contacts tranter giuvenils da las differentas regiuns rumantschas e dad autras minoritads internaziunalas.
www.ch.ch
www.ch.ch è ina plattafurma d'orientaziun che maina Vus tar las administraziuns svizras sin nivel federal, chantunal e communal. www.ch.ch dat infurmaziuns curtas davart proceduras usitadas e collia Vus cun l'administraziun, la quala Vus tschertgais.
Uniun dals Grischs
L'Uniun dals Grischs ha la finamira da promouver, mantegnair e defender la lingua e tut ils bains culturals dal pievel rumantsch ladin. Ils territoris principals d'acziun da l'UdG èn l'Engiadina Bassa, l'Engiadin'Ota, la Val Müstair e Bravuogn.
Lexicon Istoric Retic (LIR)
Il Lexicon Istoric Retic (LIR) è l'emprim lexicon tematic da la Svizra rumantscha. Il LIR cuntegna artitgels davart lieus, biografias, famiglias e tematicas specificas. El ha damai il medem concept sco il «Historisches Lexikon der Schweiz» (HLS).
Dis da litteratura Domat
L'intent principal da l'Uniun litteratura rumantscha (ULR) è la promoziun da la litteratura rumantscha davent dal lectorat professiunal enfin a la vendita da cudeschs. En spezialmain s’engascha l’URL: per realisar ils Dis da litteratura, per edir la revista Litteratura e per sustegnair prelecziuns.
Lia Rumantscha
Lingua e cultura stgaffeschan identitad e simboliseschan ragischs. Ellas èn in’impurtanta basa per il svilup persunal da mintga uman. En l’avegnir vul la Lia focussar pli fitg ils acturs inizials da la promoziun da la lingua rumantscha: las famiglias e la scola.
Chasa editura rumantscha
La Chasa Editura Rumantscha è sustenida da la Pro Helvetia, dal Chantun Grischun e da la Lia Rumantscha. Tut tenor ils manuscrits inoltrads edescha la Chasa Editura Rumantscha publicaziuns en ils idioms da scrittira ed en rumantsch grischun.
CCM
L’intent da la furmaziun Regiun Surselva è da garantir in sistem da furmaziun persistent ed effizient. Cun curs, referats, scolaziun e furmaziun duai la Surselva vegnir posiziunada sco lieu attractiv. CCM è l’organisatur da blers curs cun diversa tematica en la regiun.
Uniun rumantsch grischun
L’Uniun Rumantsch Grischun (URG) ha la finamira da promover il rumantsch grischun cun tranter auter era publitgar cudeschs. Ils cudeschs porschan a scolas la pussaivladad da duvrar il rumantsch grischun en scola cun leger quels da cuminanza.
Chantun Grischun
La pagina d'internet dal Chantun Grischun sepreschenta natiralmain era en rumantsch. Qua chattas ti il link direct tar questa pagina che preschenta era tematicas actualas en rumantsch.
