Newsletter 10/2007
Newsletter educa.ch - distribuziun 10/2007
CTII - Center svizzer da tecnologias d'infurmaziun en l'instrucziun
Newsletter da mintga dus mais tar la furmaziun
- Tgi sa zuppa davos il ‘pseudo'?
La campagna en lingua tudestga e franzosa da la polizia da Friburg sa drizza a giuvenils tranter 12 e 16 onns. La finamira è dad evitar acts da violenza sexuala e da render attent a privels cun las novas medias da communicaziun.
http://www.t-ki.ch/index_de.html
- Nova pagina dad economia
‘Iconomix.ch' è il nov project da la banca naziunala per l'instrucziun d'economia sin il stgalim secundar II. Ins chatta bunas infurmaziuns davart l'economia, concepts, materialias d'instrucziun, gieus ed ideas novas per l'instrucziun.
http://www.iconomix.ch
- Barat da plazza per l'onn da scola 08/09
Il barat svizzer da giuventetgna intermediescha scolasts e scolastas interessads da medem u sumegliant stgalim da scola e da roms. L'idea è da sa participar ad in barat da la plazza sco era d'albiert durant in onn da scola. Termin: 30.11.2007.
http://www.echanges.ch/de/lehrpersonen/stellentausch.php
- Website per l'instrucziun d'istorgia
La nova website ‘culturas muslimas' è vegnida creada en ina collavuraziun tranter universitads tudestgas ed austriacas. Ella resguarda differents champs dal mintgadi muslim per l'instrucziun d'istorgia sin il stgalim primar e secundar I e II.
http://www.1001-idee.eu/index.php
- ‘Harry Potter' concurrenza da leger
La fundaziun ‘leger' nizzegia la fevra dal cudesch Harry Potter per in'acziun communala da promover la lectura. Scolars e scolaras da la Germania, da l'Austria e da la Svizra da la 6avla fin la 9avla classa pon sa participar.
http://www.stiftunglesen.de/leseturnier/
- Ina regiun - ina biblioteca
Dapi intgins mais èsi realisà: In portal d'internet per las bibliotecas da la Surselva. In e scadin duai avair access da chasa anora a la purschida da las bibliotecas regiunalas.
http://www.bibliotecas-surselva.ch/Home.7.0.html?&L=1
- Rumantsch Grischun
RTR (radio e televisiun rumantscha) ha mess ensemen in dossier pertutgant il Rumantsch Grischun. Ins chatta bunas infurmaziuns da basa, interessants referats, datotecas visualas ed auditivas.
http://www.rtr.ch/rtr/index.html?siteSect=20216
- SRG SSR idéé suisse: Armada
Dapi la fundaziun l'onn 1931 ha la SRG SSR idéé suisse arcunà millis documents visuals ed auditivs. ‘L'armada en midament' è il nov dossier che mussa ch'il svilup social è era adina in svilup politic. Uschia sto l'armada adina puspè s'adattar.
http://www.ideesuisse.ch/5.0.html
- SWITCH Junior Web Award lantschà da nov
Passa 100 classas han creà ina website a chaschun dal ‘Junior Web Award'. Segund ina retschertga tar las persunas d'instrucziun recumondan passa 80% la concurrenza. Ils 17 d'october 2007 va la concurrenza en la segunda runda.
http://www.juniorwebaward.ch
- Newsticker EducETH
Il portal d'emprender e d'instruir EducETH edescha in nov newsticker didactic, il qual po vegnir abonà per mail e per differents roms. Actualmain é la purschida dals newstickers restrenschida sin ils roms biologia, chemia, fisica e matematica.
http://www.educ.ethz.ch/newsticker
Il newsletter cumpara mintga dus mais ed è gratuit.
Abunar/desdir newsletter
http://www.educa.ch/dyn/100649.asp
News educa online
http://www.educa.ch/dyn/113086.htm
Il cuntegn dal newsletter è protegì tenor ils dretgs d'autur. Artitgels pon dentant vegnir utilisads cun l'indicaziun da la funtauna.
Redacziun newsletter educa.ch
Yvonne Gienal
y.gienal@educa.ch
http://www.educa.ch
