News

Format: 20.11.2017
Format: 20.11.2017

Sprachen – Langues – Lingue

31. october 2017 / /

La nova pagina-web «Sprachen» metta a disposiziun material da las linguas uffizialas e d’englais. Exempels per l’instrucziun da linguas good practice vegnan cumplettads dad in instrument d’autoevaluaziun per las persunas d’instrucziun. Quest instrument è vegnì creà da la SAP SG.

sprachen.educa.ch

Informatica als gimnasis

30. october 2017 /

La CDEP s’exprima en favur da l’introducziun da l’instrucziun obligatorica da l’informatica als gimnasis e metta sin via la revisiun da la basa legala concernenta. Durant lur assamblea annuala ha ella er approvà il nov plan d’instrucziun per l’informatica en las scolas gimnasialas.

www.edk.ch

Informatica en scola

30. october 2017 /

La fundaziun Bertelsmann ha publitgà in’intervista cun il perscrutader da la furmaziuns professer dr. Herzig. El pledescha per ina confruntaziun cun l’informatica nua ch’ins astga sapientivamain er tschertgar novas vias. Però – dovran las persunas d’instrucziun ina furmaziun d’informaticher?

digitalisierung-bildung.de

La digitalisaziun n’ha betg midà la giuventetgna

27. october 2017 /

Tenor il studi naziunal da giuventetgna «ch-x» han ils «Digital Natives» per il pli valurs tradiziunalas sco las generaziuns precedentas. Var 86% dals interrogads van almain 1 giada al di en l’internet, 40% fan gieus da video almain ina giada ad emna.

www.chx.ch

SELFIE: fasa da pilot per l’instrument

24. october 2017 / /

La Cumissiun europeica ha sviluppà in nov guaffen d’autoevaluaziun SELFIE. Las scolas duain formular plans per il futur, realisar atgnas fermezzas e deblezzas ed integrar tut ils acturs. Quest tool vegn da preschent examinà en 400 scolas en l’Europa e duai ir online a l’entschatta da l’onn 2018.

www.schooleducationgateway.eu

Digitalisaziun en la mediaziun culturala

24. october 2017 / /

Mediaziun culturala Svizra e la Chasa d’art electronic Basilea organiseschan cuminaivlamain ina dieta ils 17 da november a Basilea. La mira è da sa barattar davart las pussaivladads digitalas en la mediaziun culturala. Il focus vegn mess sin in’accordanza tranter analog e digital.

http://www.kultur-vermittlung.ch

Mini-Moocs per uffants

23. october 2017 /

Il Life Science Zurich Learning Center ha telechargià sin sia pagina-web filmins didactics da las scienzas natiralas per il stgalim primar. Quests uschenumnads Mini-Moocs èn films d’emprender animads tar differents temas che duran duas fin trais minutas.

www.lifescience-learningcenter.uzh.ch

Dialog «Svizra digitala»

19. october 2017 / /

Il tema principal da la conferenza naziunala dals 20 da november a Bienna è la strategia «Svizra digitala». Il workshop «Furmaziun en l’economia ed en la societad digitala» elavura las pussaivladads che quella midada porta. In blog serva sco preparaziun.

www.digitaldialog.swiss

Di digital svizzer

16. october 2017 /

Mardi, ils 21 da november ha lieu l’emprim Di digital svizzer. Las staziuns da Turitg, Genevra, Lugano e Cuira èn il punct da partenza per passa 80 manifestaziun gratuitas. Passa 40 interpresas ed instituziun preschentan cuminaivlamain schanzas ed innovaziuns digitalas.

digitaltag.swiss

Il gimnasi digital

11. october 2017 / /

Il commentari da la NZZ s’occupa da las sfidas ch’ina scola gimnasiala sto dumagnar. In punct evident saja che la vita n’è betg pli da superar senza cumpetenzas digitalas. Perquai ston las scolas er ir quella via digitala, er sche las directivas n’èn da preschent betg uschè cleras.

ww.nzz.ch

Digitalisaziun en la furmaziun

5. october 2017 / /

La dieta dal Center da furmaziun per la sanadad ed ils fatgs socials (cfss/bgs) a Cuira dals 3 da favrer 2018 guarda sin las sfidas per il sistem da furmaziun tras la digitalisaziun. Co sa mida l’instrucziun? Tge influenza han OER e tge cumpetenzas da basa ston ils uffants dumagnar?

www.bgs-chur.ch

Cura ch’ils roboters arrivan

5. october 2017 / /

L’ultim studi d’Avenir Suisse mussa che la «Robokalypse», in’acquisiziun da jobs tras maschinas intelligentas, na vegn betg a succeder en Svizra. La digitalisaziun è in svilup constant che n’eliminescha betg plazzas da lavur, però mida ella las cundiziuns da basa e creescha uschè novas plazzas.

www.avenir-suisse.ch

KommSchau17: segir u privlus?

26. settember 2017 /

Il tema da las occurrenzas KommSchau da quest onn dals 15 e dals 22 da november guarda sin la segirezza da las datas en las scolas. Quant simpel èsi d’attatgar l’infrastructura digitala da las scolas? Tge po la scola far per segirar las datas da lur scolaras e scolars?

www.imedias.ch

Esser online cun segiranza per uffants?

18. settember 2017 / /

Il nov artitgel dal blog «Digitalisaziun en la furmaziun» da la Fundaziun Bertelsmann s’occupa dal tema «Medias digitalas per uffants dal stgalim primar: esser online cun segiranza per uffants». Co dumognan geniturs e persunas d’instrucziun il sbagat tranter segiranza e mirveglias dals uffants?

digitalisierung-bildung.de

Revisiun da la lescha per la protecziun da datas

18. settember 2017 /

Il Cussegl federal ha preschentà la revisiun totala da la lescha per la protecziun da datas. Ina da sias intenziuns è d’armonisar il dretg svizzer cun ils standards da protecziun da l’UE e dal Cussegl europeic e da garantir in transfer liber da datas tranter interpresas svizras ed europeicas.

www.bj.admin.ch

Economia 4.0 : effects per la furmaziun

13. settember 2017 / /

Al colloqui 2017 dad educa.ch è Markus Koch, Deloitte AG, s’exprimì davart l’economia 4.0 e sias perspectivas e consequenzas per la domena da la furmaziun. Per «Insight Berufsbildung» guarda el en detagl sin la furmaziun professiunala e dat cussegls per l’instrucziun.

Insight Berufsbildung

bugnplay.ch 2018

13. settember 2017 /

L’inscripziun per la concurrenza digitala per giuvenils tranter 8 e 20 onns è averta fin ils 31 da schaner 2018. Las scolaras ed ils scolars svizzers pon proponer, sulet u en gruppa, in project en la domena da gieus digitals, animaziun, code, robotica u multimedia.

bugnplay.ch

Premi per concept d’emprender da Soloturn

12. settember 2017 /

Igl ICT Education and Training Award è vegnì surdà per il concept d’emprender da Soloturn. Cun quest concept vegn introducì la furmaziun dad ICT en la scola populara. El è vegnì elavurà da la SASNV/FHNW en collavuraziun cun l’Uffizi per la scola populara dal chantun da Soloturn.

www.fhnw.ch

Studi: consequenzas da la digitalisaziun

12. settember 2017 / /

Sarah Genner da l’Universitad da las scienzas applitgadas Turitg ZHAW, ha examinà l’influenza da la digitalisaziun sin uffants e giuvenils per la Cumissiun federala per l’uffanza e la giuventetgna. Stress tras las medias socialas è in punct principal dal rapport.

www.ekkj.admin.ch

Colloqui ICT e furmaziun

11. settember 2017 / /

«Think big, start small, act fast – transfurmaziun digitala en la furmaziun pretenda leadership» è stà il moto dal colloqui dals 22 d’avust a Berna. Ils videos da las conferenzas en il plenum, la discussiun da podium sco er las preschentaziuns èn disponiblas sin la pagina-web.

www.educa.ch

Syndicate content

Job