News

Format: 22.05.2018
Format: 22.05.2018

BarCamp: MINT en la furmaziun futura

18. matg 2018 / /

Il BarCamp dals 30.11. als 2.12.2018 a Malbun (FL) porscha a persunas spezialisadas sco er a persunas d’instrucziun la pussaivladad da sa barattar davart il tema MINT. Auter che tar ina conferenza classica n’è il program concret dal BarCamp betg cler, mabain vegn gist decidì al lieu.

barcamptools.eu

Furmaziun professiunala e la digitalisaziun

11. matg 2018 / /

La nova ediziun da «skilled», il magazin da l’Institut federal da scola auta per la furmaziun professiunala (IFFP), metta il focus sin la transfurmaziun digitala. Ella tratta, tranter auter, las cumpetenzas futuras necessarias e las novas tecnologias en la furmaziun professiunala.

www.ehb.swiss

ZH: Lexicon davart protecziun da datas

9. matg 2018 /

L’incumbensà per dumondas da protecziun da datas dal chantun da Turitg ha surlavurà cumplettamain il lexicon davart la protecziun da datas en las scola populara. Cun resguardar las experientschas actualas or da la pratica mussa il lexicon soluziuns per persunas d’instrucziun e direcziuns da scola.

dsb.zh.ch

Science on Stage

8. matg 2018 / /

Organisà da Science on Stage Switzerland pon persunas d’instrucziun MINT da tut ils stgalims inoltrar projects da scola che vegnan alura preschentads al festival a Winterthur. Ils quatter megliers projects vegnan envidads a Portugal l’atun 2019. Il termin d’annunzia è ils 30 da settember 2018.

naturwissenschaften.ch

Strategia svizra E-Government

8. matg 2018 / /

La cumissiun directiva è s’exprimida davart la strategia svizra da l’administraziun E-Government a partir dal 2020. Ella ha definì tschintg champs d’acziun per sviluppar la futura strategia digitala per las administraziuns.

www.admin.ch

LOM-CH unterstützt Barrierefreiheit

6. matg 2018 /

Dapi dacurt empermetta il profil d’applicaziun LOM-CH da tschiffar metadatas ch’infurmeschan davart l’accessibilitad senza barrieras da resursas d’emprender e d’instruir. Uschia promova l’Agentura spezialisada educa.ch l’egualitad da las schanzas dals meds d’instrucziun en l’internet.

www.educa.ch

LP 21 GR: Medias ed informatica

5. matg 2018 / /

Per il proxim onn da scola vegn introducì en las scolas il Plan d'instrucziun 21 GR. Spezialmain en il sectur «Medias ed informatica» èsi impurtant per las scolas da sa preparar bain sin las sfidas che spetgan. Ils ultims mais ha il chantun perquai accumpagnà las scolas cun ina vasta purschida.

www.gr.ch

«Tüftlerin.ch» envida a Tavau

1. matg 2018 /

En lavuratoris spezialisads, passentan las mattatschas tranter 10 e 12 onns in suentermezdi en in’interpresa industriala. Ellas utiliseschan guaffens ed emprendan er da lavurar sin maschinas. Il project «Tüftlerin.ch» ha la finamira da dar a las mattatschas in’invista en ils champs da MINT.

www.tuefteln.ch

Lavurs repetitivas vegnan computers a surpigliar

28. avrigl 2018 / / /

A chaschun dal forum da patruns grischuns han expertas ed experts discutà davart schanzas e privels da la digitalisaziun. Uschia tema bain inqual lavurant u patrun che lur mastergns vegnian remplazzads da roboters u maschinas. Quai betg, dentant possia veramain esser ch'il mastergn sa midia in zic.

www.rtr.ch

Concurrenza First Lego League

26. avrigl 2018 / / /

En Svizra mancan inschigneras e scienziads. First Lego League s’engascha per la promoziun da la generaziun giuvna en il sectur da la scienza e cumbinescha savida e plaschair. La concurrenza mundiala da giuvenils tranter 9 e 16 onns ha lieu ils 24 da november 2018 a la SAP GR a Cuira.

www.phgr.ch

Big Data

24. avrigl 2018 / / /

Big Data è la gronda fatschenta cun infurmaziuns. Il Minisguard less savair pertge che quest «Big Data» è uschè impurtant e tge datas che nus tradin senza savair. Infurmaziuns persunalas valan tuttina bler sco daners per firmas che fan reclama.

www.rtr.ch

Studi: Digitalisaziun en la furmaziun supplementara

23. avrigl 2018 / /

Er en la furmaziun supplementara è la digitalisaziun arrivada, quai è il facit dal studi da la Scola auta da pedagogia da Turitg en collavuraziun cun la Federaziun svizra per la furmaziun supplementara. La preschientscha dals participants stat però per 90% da las 338 instituziuns en il center.

alice.ch

2 livels al MINT-Camp GR 2018

17. avrigl 2018 / /

Ils students da la Scola auta da pedagogia GR pon gia dapi tschintg onns emprender dad ir enturn cun uffants ed ils uffants vegnan gia fitg baud en contact cun professiuns da MINT. Per 20 uffants ch'eran gia l'onn passà al MINT-Camp datti uss il nivel 2.

www.rtr.ch

AlpConnectar

13. avrigl 2018 / /

Il program da barat naziunal sustegnì da Movetio - AlpConnectar - utilisescha las tecnologias digitalas per emprender linguas. Cun agid da tablets, da conferenzas da video ed cun arcuns da cloud sa communitgeschan classas primaras da differentas regiuns linguisticas.

www.movetia.ch

App per l’egualitad da las schlattainas

11. avrigl 2018 / /

L’associaziun Plan international ha sviluppà Sheboard, in’applicaziun da tastatura per Android. Cun simpels inputs vul l’app influenzar a moda positiva la moda e maniera da scriver davart mattatschas e dunnas. Questa app è disponibla unicamain en englais.

play.google.com

easyvote - magra participaziun politica

11. avrigl 2018 /

Las conclusiuns da l'ultim monitoring politic dad easyvote da la Fedaraziun svizra dal parlament da giuventetgna mussa cleramain che las medias han purtà in midament enorm. Davart temas politics s’infurmescha la giuventetgna pauc ed ella mussa ulteriuramain in problem da confidenza en la politica.

www.easyvote.ch

Glisch verda per la Federaziun dals servetschs d’identitad

5. avrigl 2018 / / /

Ils 22 da mars ha l’assamblea plenara da la CDEP approvà il concept detaglià per realisar FIDES. L’agentura spezialisada educa.ch ha elavurà quest concept e vegn ad implementar la fasa da svilup. Il zercladur 2019 vegn la CDEP a decider definitivamain sur da l’andament da FIDES.

edudoc.ch

FinanceMission

1. avrigl 2018 /

Quest gieu educativ vul promover las scolaras ed ils scolars da 13 a 15 onns da s'occupar a moda responsabla cun daners. Sco eroxs sviluppeschan ils giugaders cumpetenzas durablas pertutgant finanzas. Sper il gieu stattan a disposiziun material didactic ed in carnet da lavur per ils scolars.

financemission.ch

i-CAMP: Camp d’informatica a Flem

26. mars 2018 /

Cun sustegn ed accumpagnament da docents e students da la SPF e da la SAPGR pon 60 uffants e giuvenils emprender da programmar. «i-CAMPs Flem» porschan in curs emnil concentrà per scolars da la terza fin la novavla classa durant la stad 2018.

www.phgr.ch

Mobile Stories

26. mars 2018 / /

Per la segunda giada lantscha SRG SSR ina concurrenza da Mobile Stories per giuvnas e giuvens tranter 15 e 24 onns. Las producziuns duain esser low-cost ed integrar tipics elements da mobile-devices (filter, emojis, etc.). Il termin per inoltrar il project è ils 20 da matg 2018.

www.srgd.ch

Syndicate content

Job