News

Format: 18.10.2017
Format: 18.10.2017

Lecziuns privatas sin Youtube

28. november 2016 / /

Sin Youtube vegnan adina dapli furmas ed ideas mussadas co che lecziuns privatas pon vegnir creadas. Latiers dattan giuvenils cussegls en agens videos d’emprender e quai per prest tut ils roms da scola. Videos curts èn fitg populars ed han l’avantatg ch’els pon vegnir guardads adina e dapertut.

www.wired.de

CEDID: Dal graun tar il paun

26. november 2016 /

En il CEDID chattan ins danovamain fegls da lavur areguard graun e paun. Cun graficas e dissegns pon ils uffants sa deditgar al tema: istorgia dal paun, impurtantas sorts da grauns, proverbis e locuziuns, semnar e racoltar etc. Ils fegls en sursilvan èn adattads per il stgalim primar.

instrucziun.educa.ch

Ranking ICT: la Svizra sin il 4. Plaz

25. november 2016 / /

La «Internationale Fernmeldeunion» ha publitgà l’ ICT Development Index da quest onn, nua che la Svizra è posiziunada sin il quart rang. Questa rangaziun tegna quint a plirs indicaturs da svilup sco per exempel l’access a las tecnologias modernas sco er la furmaziun e las cumpetenzas d’ICT.

www.itmagazine.ch

Studi JIM 2016

22. november 2016 / /

Ils emprims resultats da quest studi davart l’utilisaziun da medias da giuvenils tranter 12 e 19 onns en Germania è vegnida publitgada: 95% dovran regularmain WhatsApp per communitgar e Facebook perda adina dapli users. Il diever da las plattafurmas da social media mida cun la vegliadetgna.

www.mpfs.de

Workshop da construir roboters

16. november 2016 / / /

En Svizra mancan inschigneras e scienziads. First lego league s’engascha per la promoziun da la generaziun giuvna en il sectur da la scienza e cumbinescha savida e plaschair. Il workshop da roboters duai fascinar ils uffants da 6 a 16 onns ed ha lieu ils 26 da november 2016 a la SAPGR a Cuira.

phgr.ch

Worlddidac Award per «MoneyFit»

11. november 2016 /

En il rom dals Swiss Education Days, ha PostFinance retschiert in Worlddidac Award per sia purschida da material didactic innovativ e persistent. La plattafurma online Moneyfit gida a sviluppar sin trais differents nivels las cumpetenzas finanzialas dals uffants e giuvenils tranter 9 e 19 onns.

moneyfit.postfinance.ch

Studi JAMES 2016

9. november 2016 / /

Tenor il resultat da questa retschertga davart l’utilisaziun da medias tar la giuventetgna svizra, realisada mintga dus onns da la ZHAW, è il temp d’utilisaziun da l’Internet s’augmentà per l’emprima giada dapi 2010. Per emna èn ils giuvenils online durant 2h30, la fin d’emna durant 3h40.

www.zhaw.ch

Test per profis da medias

7. november 2016 /

Pro Juventute preschenta in test da medias per la 3. fin la 8. classa. Il test da classificaziun mesira la savida da medias da las scolaras e dals scolars e propona cuntegns per l’instrucziun. Da preschent exista il test mo en tudestg, a partir da la primavaira 2017 er en franzos e talian.

medienprofis-test.projuventute.ch

Il trend tar microlearning

4. november 2016 / /

L’ediziun tudestga da CheckPoint eLearning s’occupa dal trend tar microlearning. Ils experts da Learning Delphi da MMB dattan respostas davart il futur da l’emprender cun «retschas da lecziuns che basan sin videos en il stil da YouTube». L’artitgel guarda sin l’origin ed il niz da quest trend.

www.checkpoint-elearning.de

Nova presidenta da la CDEP

28. october 2016 /

La Conferenza svizra da las directuras e dals directurs chantunals da l'educaziun publica ha elegì ina nova presidenta. Suenter Christoph Eymann è Silvia Steiner, cussegliera guvernativa da Turitg, la nova presidenta da la conferenza. Susanne Hardmeier vegn nova secretaria generala da la CDEP.

www.edk.ch

Olimpiada svizra d’informatica 2017

28. october 2016 /

Ils pensums da la concurrenza èn uss online. Ils giuvenils passiunads pon metter sin emprova lur cumpetenza da programmar e trametter lur soluziuns fin ils 30 da november al team da l’olimpiada. Workshops per interessads vegnan organisads a Losanna, Berna e Turitg.

soi.ch

Top 200 Tools for Learning 2016

27. october 2016 /

Jane Hart dal Centre for Learning and Performance Technologies ha enumerà ils «Top 200 Tools for Learning 2016». La glista datti a partir da l’onn 2007 ed ins vegn a savair tge guaffens digitals, tge process da lavurar, d’emprender e da barat che simplifitgeschan la lavur en la rait.

www.c4lpt.co.uk

Concurrenza da medias e robotica 2017

25. october 2016 /

Uffants e giuvenils tranter 8 e 20 onns pon inoltrar projects individuals, da gruppa u da classa che s’occupan en moda creativa cun medias e tecnologias novas. I vegn tschertgà innovaziun ed originalitad! Fin ils 31 da schaner 2017 pon ins s’inscriver a la concurrenza.

www.bugnplay.ch

Emprima scuntrada «Rait cumpetenza da medias»

25. october 2016 /

Sco cuntinuaziun dal program Giuventetgna e medias e per manar vinavant in barat dals acturs che promovan cumpetenzas da medias en Svizra, iniziescha l’Uffizi federal d'assicuranzas socialas (UFAS) ina «Rait cumpetenza da medias Svizra». L‘emprim inscunter ha lieu ils 24 da november a Berna.

www.jugendundmedien.ch

educa.ch a l’arena da Swisscom

24. october 2016 / /

En il rom dals Swiss Education Days vegn educa.ch a s’occupar cun l’identitad digitala durant la dieta da spezialists CTII sco er en l’arena da Swisscom. Segirtad, promoziun da las cumpetenzas medialas, exempels Good Practice ed Open Educational Resources stattan en il focus.

sfib.educa.ch

Furmaziun professiunala e digitalisaziun en scola

20. october 2016 /

Jörg Aebischer è manader da l’associaziun naziunala «ICT-Berufsbildung Schweiz». En nossa rubrica Insight dat el scleriment davart la digitalisaziun en scola e ses effect sin nossa societad. Ultra da quai dat el cussegls co che la scola pudess reagir a moda commensurada.

Insight Berufsbildung

Syndicate content

Job