News

Format: 24.11.2017
Format: 24.11.2017

AppAdviser dad imedias

24. mars 2017 / /

Il post da cussegliaziun per meds digitals en scola ed en l’instrucziun da la FHNW, imedias, prenda sut la marella en ses AppAdviser differentas apps pedagogicas ch’èn adattadas per l’instrucziun. Las apps èn vegnidas testadas e valitadas, però na po la survista mai esser cumpletta.

www.imedias.ch

Forum furmaziun digitalisaziun

21. mars 2017 / /

Il Forum furmaziun digitalisaziun s’occupa da trais accents principals da la digitalisaziun: persunalisar l’emprender, sviluppar cumpetenzas e crear midaments. Sia pagina-web infurmescha dad occurrenzas, avra discussiuns e mussa svilups en la digitalisaziun ed en l’inclusiun da l’instrucziun.

www.forumbd.de

E-Tutorial tar Python

15. mars 2017 /

La ETH da Turitg organisescha in e-tutorial sco curs per instruir a scolas medias. I na dovra nagina enconuschientscha da basa. Il curs è vegni concepì per studentas e students da la scienza, è dentant er adattà sco perfecziunament da persunas d’instrucziun. Il curs porscha trais moduls.

www.et.ethz.ch

Roboter emprenda da far dumondas intelligentas

9. mars 2017 /

Scienzads da l’universitad americana da Brown han sviluppà in algoritmus che fa dumandar anc ina giada ils roboters sch’els n'han betg chapì. Da las respostas po il sistem trair ina conclusiun intelligenta. Uschia daventa il roboter in meglier assistent perquai ch’el è abel da chapir cumonds.

www.pressetext.com

Furmaziun (professiunala) 4.0

9. mars 2017 / /

Christoph Schmitt s’occupa en nossa rubrica «Insight Berufsbildung» cun la digitalisaziun en la furmaziun. Tar el na stat betg la tecnica en il focus, mabain vul el infurmar co ch’ina nova cultura en las instituziuns da furmaziun pudess gidar a crear la transfurmaziun digitala.

Insight Berufsbildung

Ghemar per cumbatter debits

7. mars 2017 / /

Cun il gieu didactic «FinanceMission Heroes» s’engaschanl’Associaziun tetgala svizra da magistras e magisters MCH/LCH, SER e las bancas chantunalas svizras cuminaivlamain per augmentar la cumpetenza da finanzas dals giuvenils. Qua emprendan ils giuvenils ils princips da l’economia.

financemissionheroes.ch

Digitalisaziun en la furmaziun professiunala

4. mars 2017 /

Dacurt han ils users da la plattafurma berufsbildung2030.ch votà davart l’impurtanza da megatrends: tenor ils participants da la votaziun è la digitalisaziun il megatrend il pli impurtant che ha la pli gronda influenza sin la furmaziun professiunala.

berufsbildung2030.ch

BYOD per la scola professiunala

27. favrer 2017 / /

La EHB porscha a las persunas d’instrucziun da las scolas professiunalas ina retscha da curs per daventar fit en la tecnologia per in’instrucziun cun BYOD. L’emprima occurrenza ils 6 d’avrigl sa deditgescha a documentaziuns e preschentaziuns cun tablets e smartphones.

www.ehb.swiss

Computers vegnan utilisads pauc

23. favrer 2017 / /

Tenor il nov studi KIM (medias en la vita quotidiana d’uffants) han mo dus da tschintg uffants tranter 6 e 13 onns gia lavurà ina giada al computer en las scolas tudestgas. Però utiliseschan els lur computers per far ils pensums, scriver messadis e guardar videos sur YouTube.

www.mpfs.de

Cussegl federal vul stgaffir normas per E-ID

22. favrer 2017 / /

Contracts-online vegnan stipulads sin basa da fidanza. Il Cussegl federal vul perquai stgaffir cundiziuns da basa legalas ed organisatoricas per uschia renconuscher l’identitad electronica ed ils offerents. La procedura da consultaziun davart la E-ID è averta.

www.admin.ch

Studi MINT

22. favrer 2017 / /

La ETH/SFP Turitg fa in studi a lung temp cun var 350 scolas svizras per meglierar l’instrucziun da la scienza natirala. Il studi MINT examinescha las enconuschientschas acquistadas durant las emprimas classas e la moda e maniera d’utilisar questa savida en il stgalim aut.

www.educ.ethz.ch

Informatica obligatorica al gimnasi?

16. favrer 2017 /

La CDEP ha lantschà ina consultaziun cun la dumonda sch’il rom informatica duai esser obligatorics per tut las scolaras e tut ils scolars dal gimnasi. A medem temp è stà elavurà in emprim plan d’instrucziun general per quest rom. La decisiun da la CDEP è previsa per l’october 2017.

www.edk.ch

Furmaziun 4.0 – il futur da l’emprender

14. favrer 2017 / / /

Quant enavant è la furmaziun professiunala superiura e la furmaziun da creschids pertutgada da la quarta revoluziun industriala? È la digitalisaziun omnipreschenta mo in hype u ston ils acturs propi s’occupar da quest trend? A la dieta a Son Gagl datti las respostas latiers.

www.zbw.ch

Uffants ed internet

14. favrer 2017 / / /

Tenor in nov studi davart l’internet da l’Unicef è in utilisader da tras in uffant. 53% dals giuvens interrogads èn conscients dals privels existents en l’internet. En cas da problems sa drizzan els plitost a persunas da la medema vegliadetgna che a creschids.

www.unicef.org

Instrucziun digitala dependa dals scolasts

11. favrer 2017 /

Il success da la digitalisaziun en l’instrucziun dependi da las persunas d’instrucziun, scriva la gasetta austriaca «der Standard». Perquai saja ina buna furmaziun da scolasts evidenta. Quella garanteschi da nizzegiar medias en l’instrucziun a moda buna e raschunaivla.

www.derstandard.at

Cyber Security

8. favrer 2017 / /

Sin la pagina-web da SATW pon persunas d’instrucziun da scolas professiunalas e da gimnasis ch’instrueschan informatica, fisica e matematica, telechargiar gratuitamain quatter retschas da lecziuns davart il tema segirezza en l’internet cun mintgamai introducziuns ed unitads d’approfundaziun.

www.satw.ch

Di da trend europeic

6. favrer 2017 / /

L’Institut Gottlieb Duttweiler envida ils 15 da mars 2017 tar il di da trend europeic «Leben zwischen Cloud und Location» a Rüschlikon. Persunas spezialisadas discutan co che nossa relaziun tar lieus e spazis vegn a sa midar e cun tge consequenzas che l’economia e nossa societad ha da far quint.

gdi.ch

LOM-CH uss en las trais linguas

30. schaner 2017 /

A partir dal december 2016 è il standard da datas LOM-CH proponì e coordinà da l’agentura spezialisada educa.ch er disponibel en talian. El porscha la pussaivladad da descriver resursas electronicas d’emprender e d’instruir adaptà als basegns dal sistem da furmaziun svizzer.

www.educa.ch

Safer Internet Day

27. schaner 2017 / /

La Cumissiun europeica organisescha mintga onn ils 7 da favrer il Safer Internet Day, quest onn sut il motto «Be the change: Unite for a better internet». Klicksafe publitgescha quest di in manual cun exempels da good practice sut il titel «Was tun bei (Cyber)Mobbing?»

www.klicksafe.de

Collavuraziun tranter Confederaziun e chantuns

25. schaner 2017 / /

A partir dal 1. da favrer 2017 va en vigur la Lescha federala davart la cooperaziun tranter la Confederaziun ed ils chantuns en la furmaziun svizra (BiZG). La giunta da coordinaziun en la furmaziun (KoA Digi) coordinescha las mesiras tranter Confederaziun, chantuns e partenaris.

www.educa.ch

Syndicate content

Job