News

Format: 18.10.2017
Format: 18.10.2017

Collavuraziun tranter Confederaziun e chantuns

25. schaner 2017 / /

A partir dal 1. da favrer 2017 va en vigur la Lescha federala davart la cooperaziun tranter la Confederaziun ed ils chantuns en la furmaziun svizra (BiZG). La giunta da coordinaziun en la furmaziun (KoA Digi) coordinescha las mesiras tranter Confederaziun, chantuns e partenaris.

www.educa.ch

Education Digital

24. schaner 2017 / / /

Questa nova plattafurma è in’iniziativa naziunala da digitalswitzerland cun la mira da sustegnair interpresas svizras en il sectur digital. Education Digital porscha ina survista transparenta davart scolaziuns e furmaziuns cuntinuadas da partenaris privats e publics.

www.educationdigital.ch

Furmaziun digitala envers l’onn 2025

19. schaner 2017 / /

LEARNTEC ha incaricà in studi che mussa co ch’il progress tecnologic influenza l’emprender. Il pli impurtant element saja la cumpetenza digitala da las persunas d’instrucziun. In’ulteriura sfida saja ils meds finanzials – senza finanzas, nagina tecnologia en stanza da scola.

www.bildungaktuell.at

In mez tschientaner da pedagogia da medias

12. schaner 2017 / /

En ses blog s’occupa Jean-Claude Domenjoz da l’experientscha fatga cun l’integraziun dad ICT en l’instrucziun per tut ils scolars e tut las scolaras da la Svizra franzosa. Dapi 1967 è pedagogia da medias in rom obligatoric en il plan d’instrucziun da Genevra.

www.hebdo.ch (franzos)

Cundiziuns per in’economia digitalisada

12. schaner 2017 /

Il Cussegl federal ha approvà il rapport davart las cundiziuns da basa per in’economia digitalisada nua ch’i vegn prognostitgà che la dumonda da cumpetenzas dad ICT vegn a s’augmentar. Fin il zercladur 2017 vegn elavurà in rapport davart las pretensiuns al sistem da furmaziun.

www.admin.ch

Perscripziuns UE per protecziun da datas

12. schaner 2017 / /

La Cumissiun europeica ha proponì da meglierar la sfera privata per la communicaziun electronica e per las perscripziuns modernas per la protecziun da datas. Proteger la sfera privata na vul betg mo dir proteger il cuntegn mabain er proteger las metadatas dal lieu e dal temp.

europa.eu

Swiss-US Privacy Shield

11. schaner 2017 /

In nov program è vegnì endrizzà per transferir datas da persunas da la Svizra ad interpresas americanas. Questa regulaziun correspunda a la soluziun tranter ils Stadis Unids e 31 pajais da la UE. La Svizra dispona uss da las medemas cundiziuns sco l’Uniun europeica.

www.admin.ch

Red or Blue VR Lab

11. schaner 2017 / /

A Turitg ha l’emprim Virtual Reality Lab avert sias portas per giuvens e vegls che han plaschair da laschar far il «beamen» en in auter mund. Capitanis da pirats, pilots dal spazi ed artists ed artistas 3D pon uschia far experientschas unicas en in cyberspace.

www.redorbluelabs.ch

Economia 4.0 mida la furmaziun professiunala

6. schaner 2017 /

Friedrich Hubert Esser, president da l’Institut tudestg per la furmaziun professiunala (BIBB) prognostitgescha grondas midadas en la furmaziun professiunala tras l’economia 4.0. Il sistem sto vegnir pli flexibel ed ils emprendissadis ston vegnir percepids sco mastergns da basa.

www.xing.com

educa.ch occurrenzas 2017

22. december 2016 / /

La nova pagina d’occurrenzas dad educa.ch en tudestg e franzos pertutgant ICT ed educaziun vegn mess en lingia el decurs da las proximas emnas. La dieta dad educanet² e²change ha lieu ils 31 da matg 2017 e la dieta da spezialists ils 22 d’avust 2017.

www.educa.ch

Di internaziunal da la protecziun da datas 2017

21. december 2016 /

Sin iniziativa dal Cussegl da l’Europa vegn quest di celebrà ils 28 da schaner per sensibilisar la populaziun per il tema protecziun da datas. Tut ils pajais-commembers publitgeschan lur activitads ed ulteriuras infurmaziuns davart il tema sin la pagina-web dal Cussegl da l’Europa.

www.coe.int

educa.ch cun nova structura

20. december 2016 /

Correspundent a sias novas incumbensas ha educa.ch, l’agentura spezialisada da la Confederaziun e dals chantuns per ICT ed educaziun, adattà sia pagina-web. Il portal è uss sutdividì en trais champs: spazi da furmaziun, digitalisaziun en la furmaziun, educa.ch.

www.educa.ch

Gieu davart protecziun da datas

19. december 2016 /

DATAK è in gieu interactiv che vul sensibilisar ils users davart datas persunalas, protecziun da datas e Big Data. Giuvenils a partir da 15 onns ston prender decisiun dal mintgadi che stattan en connex cun metter en la rait datas persunalas.

www.datak.ch

Castur pitschen per l’emprim ciclus

16. december 2016 /

Il castur pitschen, il Minibiber, da la concurrenza dal Castur da l'informatica Svizra sa drizza tenor il Plan d’instrucziun 21 a las persunas d’instrucziun da l’emprim ciclus, po però er esser interessant per il 2. ed il 3. ciclus. La SAP Lucerna empresta ina chista cun tut il material necessari.

www.minibiber.ch

Gronda cuntentientscha cun emprendissadi dad ICT

13. december 2016

Ina retschertga tar var 1’000 emprendists dad ICT ha resultà che 95% sajan fitg cuntent cun lur elecziun da professiun e ch’els recumondian er vinavant quest emprendissadi. Tar ils motivs principals tutgan ina plazza da lavur segira, ina lavur interessanta e pussaivladads da far carriera.

ictswitzerland.ch

Transfurmaziun digitala e giuventetgna

9. december 2016

La Cumissiun federala per uffants e giuventetgna (EKKJ) s’occupa da dumondas actualas e l’influenza da la transfurmaziun digitala sin ils uffants e sin la giuventetgna. Oravant tut sa deditgescha ella a la tematica plazzas e cundiziuns da lavur e las cumpetenzas recumandadas en chaussa.

www.ekkj.admin.ch

Furmaziun professiunala 2030

9. december 2016 /

La plattafurma Furmaziun professiunala 2030 è online. Tut ils acturs ed interessents da la furmaziun professiunala èn envidads da discutar process e megatrends da la furmaziun sco per exempel la digitalisaziun. La mira è da sviluppar ina visiun cuminaivla.

www.berufsbildung2030.ch

Resultats da PISA 2015

6. december 2016 / /

La OECD (Organisaziun da cooperaziun e svilup economic en Europa) ha publitgà ils emprims resultats da PISA 2015 - focus sin la scienza natirala. La Svizra è er stada da la partida. Per l’emprima giada è il test vegnì exequis cun agid da computers, quai che evochescha numerusas dumondas.

www.edk.ch

«ich | du | wir | digital» è online

30. november 2016 / /

L’applicaziun web per tudestg e franzos davart il tema «identitad digitala» ch’educa.ch ha preschentà als Swiss Education Days è uss online. Ella dat in’interessanta survista dals numerus aspects da questa tematica cumplexa e sper ils ristgs pussaivels er ses grond potenzial.

eid.educa.ch

Retrospectiva da la dieta da spezialists

30. november 2016 / /

La dieta da spezialists CTII che ha gì lieu en il rom dals Swiss Education Days a Berna ha procurà cun il tema da l’identitad digitala per grond interess. Las preschentaziuns ed ils videos curts da la dieta èn uss online.

fachtagung.educa.ch

Syndicate content

Job