News

Format: 21.11.2017
Format: 21.11.2017

Tablets duain remplazzar ils cudeschs da scola

7. zercladur 2017 / /

A chaschun d’in project da pilot en il chantun Lucerna èn pliras classas vegnidas equipadas cun tablets. Las experientschas èn stadas uschè positivas ch’il chantun cusseglia a las scolas d’acquistar quests apparats. La cumissiun da meds d’instrucziun vegn a s’occupar da la realisaziun.

www.luzernerzeitung.ch

Rapport d’experts: medias d’emprender

6. zercladur 2017 /

En il rom dal project «Medias d’emprender en il chantuns dal Nordvest da la Svizra» ha la Conferenza dals directurs da l'educaziun dal Nordvest da la Svizra (CDEP NW) publitgà in rapport d’experts interchantunal. El vegn a furmar il punct da partenza per mesiras davart meds d’emprender e d’instruir.

nwedk.d-edk.ch

Furmaziun cuntinuada a la EPFL

1. zercladur 2017 / /

Svilup da paginas-web, mobile e data science vegnan ad esser ils emprims curs online per la furmaziun cuntinuada che la nova EPFL Extension Scholl vegn a lantschà l’atun vegnint. Persunas cun u senza furmaziun academica pon uschia acquistar cumpetenzas digitalas cun diplom renconuschì.

exts.epfl.ch

Rom da referenza UE per cumpetenzas digitalas

25. matg 2017 / /

Il rom da referenza europeic per cumpetenzas digitalas descriva 21 cumpetenzas che garanteschan in agir cumpetent en il mintgadi, en la professiun e per l’emprender. Sumegliant al rom da referenza per linguas illustrescha «DigiComp» las cumpetenzas ed ils stgalims da livel cun exempels concrets.

www.blog.edu-ict.ch

Uffants programmeschan roboters

23. matg 2017 /

La «scola da pensar» è in’uniun da la Svizra centrala che vul promover la scienza e la tecnica en il temp liber, en scola ed en l’emprendissadi. En il center stattan l’informatica ed il programmar. Sin sia pagina-web «Start Coding!» collia l’uniun iniziativas svizras cun iniziativas internaziunalas.

www.die-denkschule.ch

Realitad virtuala per ils geniturs

22. matg 2017 /

La plattafurma naziunala Giuventetgna e medias porscha a las persunas d’instrucziun ed als geniturs la pussaivladad da scuvrir l’univers da medias digitalas or da la vista dals uffants. Sis videos da prevenziun empermettan als creschids d’experimentar sezs la vita medialas dals uffants.

www.jugendundmedien.ch

393 apps per iPads evaluads

17. matg 2017 /

Il Center fri-tic metta a disposiziun a las persunas d’instrucziun ina datoteca libra cun apps per iPads ch’èn vegnids evaluads dad experts. Fin uss è il focus mess sin 1. e 2. ciclus e sin la pedagogia speziala. La banca da datas è franzosa, ils apps èn però plurilings.

www.friportal.ch

Emprender da giuvenils da medema vegliadetgna

15. matg 2017 / /

La nova broschura «Cumpetenzas da medias e Peer Education» po vegnir telechargiada da la pagina Giuventetgna e Medias. Ella dat exempels pratics nua che giuvenils emprendan da giuvenils da medema vegliadetgna e mussa il potenzial pedagogic da questa metoda.

www.jugendundmedien.ch

Social media: nagin basegn da novas regulaziuns

12. matg 2017 / /

Il Cussegl federal è vegnì tar la conclusiun ch’i na dovri betg novas mesiras da regulaziun per las medias socialas. Il Departament federal da l'intern elavurescha però ina protecziun da medias per giuvenils. Il sboz dalla lescha duai anc vegnir publitgà quest onn.

www.admin.ch

La digitalisaziun dal mund da lavur

11. matg 2017 /

Il sindicat da medias e da la communicaziun, Syndicom, ha publitgà ina broschura davart il tema «Co definin nus la lavur 4.0». Plirs temas vegnan tangads, sco per exempel la protecziun da datas, ils avantatgs da la digitalisaziun per las dunnas sco er l’emprender per vita duranta.

www.syndicom.ch

Digitalisaziun 2017

9. matg 2017 /

Il Forum Futur Furmaziun sa deditgescha a la dumonda co che noss mund sa mida ils proxims onns e tge che quai munta per la furmaziun. L’onn 2017 è il focus mess sin la digitalisaziun. Tge munta quai per las persunas d’instrucziun e tge schanzas e tge ristgs cuntegna ella.

zukunftbildung.ch

Moziun en favur da l’instrucziun d’informatica

4. matg 2017 /

La Cumissiun da la scienza, da l’educaziun e da la cultura ha deponì tar il Cussegl naziunal ina moziun per ina «Campagna en favur da l’instrucziun da l’informatica». La finamira da la moziun è d’augmentar la savida d’informatica basala dals uffants e da svegliar gust per dapli savida professiunala.

www.parlament.ch

Roboter Thymio

4. matg 2017 / /

La pagina uffiziala dal roboter Thymio metta a disposiziun a las scolas bler material per l’instrucziun adaptà als stgalims da scola. Il project «1, 2, 3… codai!» è ina cumpletta introducziun en l’informatica per l’emprim ed il segund ciclus – dals emprims pass fin a la programmaziun.

www.thymio.org

WSIS 2017

28. avrigl 2017 / /

Il «World Summit on the Information Society» è la pli gronda reuniun annuala da la community «ICT e svilup». Questa occurrenza internaziunala a Genevra discutescha a moda profunda la rolla dad ICT per cuntanscher las finamiras d'in svilup persistent da nossa societad.

www.itu.int

e²change 2017: As annunziai uss!

27. avrigl 2017 / /

Tge è ina identitad da scola digitala? Tge èn ils nizs e las schanzas da questa identitad? Quellas ed autras dumondas davart la e-ID, l’identitad digitala, stattan en il focus da las discussiuns a Berna ils 31 da matg. Il program è online. Per plaschair s’annunziar uss!

www.educanet2.ch

Studis MINT

24. avrigl 2017 / /

La nova publicaziun da l’Uffizi federal da statistica rapporta da las studentas e dals students che frequentan studis cun ils roms da MINT (matematica, informatica, scienza natirala, tecnica). Ella dat ina survista statistica da las plazzas da studi e davart l’origin dals students e lur mobilitad.

www.bfs.admin.ch

e²change 2017 - Identitad digitala en la furmaziun

24. avrigl 2017 / /

La dieta «e²change» dad educanet² ha lieu ils 31 da matg. Sper inputs e workshops nua ch’il diever da la plattafurma d’emprender stat en il center, sa deditgescha la sesida plenara dal tema da l’identitad digitala en la furmaziun. L’occurrenza sa drizza a tut ils utilisaders dad educanet².

www.educanet2.ch

MELANI: chaussas colliadas a l’internet

20. avrigl 2017 / /

Il rapport semestril da MELANI s’occupa per gronda part da las chaussas colliadas a l’internet. Adina dapli apparats da la vita quotidiana èn colliads cun la rait, però na s’empatschan ils producents memia pauc dals aspects da la segirezza da datas. Il rapport dat latiers infurmaziuns e cussegls.

www.admin.ch

PISA: Scolars svizzers cuntents

20. avrigl 2017 / /

Il nov studi da PISA mussa che las scolaras ed ils scolars svizzers da 15 onns èn pli cuntents che giuvenils da la medema vegliadetgna en auters pajais. En cumparegliaziun passenta la giuventetgna svizra er damain temp en la rait. Mobing è però er tar nus in grond problem.

www.watson.ch

Sa mover en il mund virtual

19. avrigl 2017 / /

Persunas d’instrucziun da scolas professiunalas e gimnasis ch’instrueschan ils roms informatica, fisica u matematica pon retrair qua gratuitamain diversas unitads d’instrucziun. Las lecziuns sensibiliseschan las scolaras ed ils scolars per ils ristgs dal cyberspace.

www.satw.ch

Syndicate content

Job