News

Format: 16.12.2017
Format: 16.12.2017

Conferenza naziunala «Svizra digitala»

16. avust 2017 / /

La conferenza ha la mira da preschentar la realisaziun planisada da la strategia «Svizra digitala», sco er da mussar novas tendenzas e svilups da la societad d’infurmaziun. Ella vegn organisada ils 20 da november a Bienna da l’Uffizi federal da la communicaziun (UFCOM).

www.digitaldialog.swiss

Pussaivladads digitalas en la furmaziun professiunala

16. avust 2017 / /

En la davosa newsletter da la Societad svizra per la retschertga applitgada en la furmaziun professiunala vegn rapportà dal project da pilot «Dual-T». Quest project ha la mira da meglierar la collavuraziun tranter las scolas ed ils manaschis e quai cunzunt er cun meds digitals.

www.sgab-srfp.ch

Focus Internet

28. fanadur 2017 / /

«Sucht Schweiz» ha edì ina nova broschura da la retscha «Im Fokus», cun examinar la dependenza da l’internet dals giuvenils en Svizra. Cura daventa l’utilisaziun da l’internet problematic e tge pon ins far encunter. Ulteriuramain chattan ins cussegls concrets per la prevenziun.

shop.addictionsuisse.ch

Tge ha Tesla da far cun la furmaziun

24. fanadur 2017 / /

Il designer da furmaziun Christoph Schmitt cumpareglia en ses blog il Tesla cun il martgà da la furmaziun. Sco Tesla mida cumplettamain l’industria classica dad autos, uschia vegnan er ils purschiders privats e la «Digital Education Community» a midar il sistem classic da la furmaziun.

www.lebendiglernen.ch

educamint.ch è online

18. fanadur 2017 /

La nova plattafurma educamint.ch è online. La purschida engrondida remplazza educa.MINT. Ella furnescha infurmaziuns concernent novitads, occurrenzas, dat cussegls e porscha material ed exempels or da la pratica per l’instrucziun dals roms MINT.

educamint.ch

JAMESfocus cumportament online

12. fanadur 2017 / /

Il nov rapport JAMESfocus «Cumportament online: negin problem – cun ristg – problematic» è telechargiabel da la pagina-web ZHAW. Il rapport enumerescha ils criteris cura ch’in giuvenil vala sco dependent da l’internet e mussa tge furmas d’utilisaziun che pon gia esser patologicas.

www.zhaw.ch

Nov contract tranter educa.ch – Microsoft

11. fanadur 2017 /

Il nov contract general entra en vigur l’emprim d’avust per pussibilitar a las instituziuns educativas acquisiziuns da software e servetschs online cun bunas cundiziuns. Il contract definescha er ils aspects liads a la protecziun da las datas ed a la responsabladad.

www.educa.ch

Concurrenza scientifica per giuvenils 2018

7. fanadur 2017 / /

Il termin d’inscripziun da la concurrenza naziunala Giuventetgna e scienza è fixà sin ils 15 d’october 2017. La finamira è d’encuraschar giuvens talents en la domena da las scienzas. Las lavurs ston cuntegnair ina dumonda scientifica e pon vegnir inoltradas sco lavurs da gruppa u lavur singula.

sjf.ch/nationaler-wettbewerb

Plan d’acziun per la digitalisaziun

5. fanadur 2017 / /

Il Cussegl federal ha prendì per enconuschientscha il «Plan d’acziun per la digitalisaziun en la domena da la furmaziun ed innovaziun per ils onns 2019 – 2020». El preveda da rinforzar la digitalisaziun en la furmaziun ed en la retschertga. Perquai vegn mess a disposiziun daners supplementars.

www.admin.ch

Simposi da la furmaziun e direcziun da scola

28. zercladur 2017 /

Il simposi dals 6 als 8 da settember a la SAP Zug è ina dieta da spezialists davart qualitad, svilup e management da scola e stat sut il motto «Furmaziun 5.0? Futur da l’emprender – futur da la scola». Il simposi mussa pussaivladads co che la qualitad da la lavur pedagogica po sa sviluppar.

www.schulleitungssymposium.net

Nova plattafurma educamint.ch

28. zercladur 2017 /

Las purschidas sin educa.MINT dattan a las persunas d’instrucziun impuls nizzaivels per instruir roms da MINT. Per engrondir e render pli interessant la purschida, concepescha la SATW da preschent ina nova plattafurma extendida. Quella vegn a remplazzar educa.MINT a partir da mez fanadur.

www.educamint.ch

As annunziai per la dieta d’experts dad ICT e furmaziun

27. zercladur 2017 / /

L’occurrenza dals 22 d’avust a Berna stat sut il motto «Think big, start small, act fast – transfurmaziun digitala dovra leadership». Per l’emprima giada organisescha educa.ch questa dieta sco agentura spezialisada per ICT ed educaziun. Il program ed il formular d’annunzia èn online.

www.educa.ch

La Svizra sco pajais ospitant per IGF

20. zercladur 2017 / /

Dals 18 als 21 da december 2017 sa raduna a Genevra l’Internet Governance Forum per lantschar ina discussiun mundiala davart la digitalisaziun. L’Uffizi federal da communicaziun (UFCOM) envida tut ils acturs da la politica, da l’economia e da la scienza da sa participar a moda activa.

www.admin.ch

ICT Scouts / Campus

19. zercladur 2017 /

L’iniziativa dal Nordvest da la Svizra per eliminar il manco d’experts visita cun agid dad uschenumnads «scouts» scolas dal stgalim superiur. Cun in workshop dad ICT vulan els chattar talents dad IT ed als promover durant la scola obligatorica en in «campus».

ict-scouts.ch

Fascinaziun informatica

19. zercladur 2017 / /

Scienza e giuventetgna organisescha dals 10 als 16 da settember 2017 in’emna da studi per giuvenils tranter 16 e 20 onns. Ils participants pon experimentar da programmar differents projects e vegnan sustegnids d’experts da las scolas autas. Termin d’inscripziun è ils 17 d’avust.

sjf.ch

Media Future Day concurrenza

16. zercladur 2017 /

Per l’emprima giada organisescha Media Future Day 2017 er ina concurrenza da films curts. Participants da la Svizra (fin 30 onns) dastgan sa deditgar al tema «addicted» en in film che cuzza maximalmain 90 secundas. Fin ils 31 d’avust 2017 ston ils filmins esser vesaivels sin YouTube u Vimeo.

mediafutureday.ch

Guaffens digitals en l’instrucziun

12. zercladur 2017 / /

Per l’instrucziun dals mecatronists d’automobils metta Roland Züger gronda paisa sin guaffens digitals. Ils emprendiders dissegnan perquai a moda auto-organisada ed independenta. En nossa rubrica «Insight furmaziun professiunala» rapporta el da sias experientschas.

Insight Berufsbildung

Tablets duain remplazzar ils cudeschs da scola

7. zercladur 2017 / /

A chaschun d’in project da pilot en il chantun Lucerna èn pliras classas vegnidas equipadas cun tablets. Las experientschas èn stadas uschè positivas ch’il chantun cusseglia a las scolas d’acquistar quests apparats. La cumissiun da meds d’instrucziun vegn a s’occupar da la realisaziun.

www.luzernerzeitung.ch

Rapport d’experts: medias d’emprender

6. zercladur 2017 /

En il rom dal project «Medias d’emprender en il chantuns dal Nordvest da la Svizra» ha la Conferenza dals directurs da l'educaziun dal Nordvest da la Svizra (CDEP NW) publitgà in rapport d’experts interchantunal. El vegn a furmar il punct da partenza per mesiras davart meds d’emprender e d’instruir.

nwedk.d-edk.ch

Furmaziun cuntinuada a la EPFL

1. zercladur 2017 / /

Svilup da paginas-web, mobile e data science vegnan ad esser ils emprims curs online per la furmaziun cuntinuada che la nova EPFL Extension Scholl vegn a lantschà l’atun vegnint. Persunas cun u senza furmaziun academica pon uschia acquistar cumpetenzas digitalas cun diplom renconuschì.

exts.epfl.ch

Syndicate content

Job