News

Format: 24.02.2018
Format: 24.02.2018

E-voting per il Grischun

22. favrer 2018 /

Il Cussegl grond dat glisch verda per introducir e-voting. Cun 98 cunter 3 vuschs han deputadas e deputads revedì la lescha. Introducì vegn il votar electronic a partir dal 2020. Er vinavant duain Grischunas e Grischuns avair la pussaivladad da votar a scrit u il di da votaziun a l'urna.

www.rtr.ch

Forum svizzer per la furmaziun

21. favrer 2018 /

Tenor il motto «maschina vs. uman – e la furmaziun?» discuteschan ils participants a la Scola auta spezialisada da Son Gagl suandantas dumondas: Vegnan las maschinas ina giada a stgatschar ils umans? Tge cumpetenzas èn necessarias per il futur? Co sa midan las pretensiuns vi da la furmaziun?

www.fhsg.ch

Emprender d’enconuscher il mund da film

16. favrer 2018 /

La pitschna scola da kino che mussa savida cinematografica è vegnida fundada sin iniziativa da la Laterna magica cun numerus partenaris bain enconuschents. La seria da films curts realisada da cineasts da renum è fatga aposta per in giuven public.

www.kinoschule.org

«Parlo un’altra lingua, ma ti capisco»

12. favrer 2018 / /

La Fundaziun Coscienza Svizzera organisescha ina concurrenza davart la plurilinguitad per las classas dal stgalim secundar I. Las scolaras ed ils scolars pon trametter in manuscrit fin ils 2 da mars 2018. Sche quel gudogna, survegnan els ils meds per realisar in film curt durant l’onn 2018.

www.parlounaltralingua.ch

Set mesiras per la scola dal futur

12. favrer 2018 / /

Il nov dossier politic d'economiesuisse enumerescha set pussaivladads co ch’il sistem da furmaziun svizzer po dumagnar la transfurmaziun digitala. Sin stgalim primar duessan per exempel ils roms matematica e lingua vegnir instruids per gronda part a moda digitala.

www.economiesuisse.ch

Festival da film GaYA

8. favrer 2018 / /

A chaschun dal Festival da film GaYA «My Alps – My Chance» èn ils giuvenils envidads a producir clips da video davart ina tematica alpina. Il termin d’inscripziun è fixà sin ils 31 da matg. Ils 15 megliers clips vegnan preschentads a Chambéry ils 30 da november u il 1. da december 2018.

www.alpine-space.eu

JAMESfocus «Films, gieus e YouTuber»

7. favrer 2018 / /

Il nov studi JAMESfocus realisà da la Scola auta turitgaisa per scienzas applitgadas (ZHAW) examinescha il cumportament medial da la giuventetgna pertutgant films, gieus e YouTubers preferids. El revelescha a medem temp sche la giuventetgna resguarda las recumandaziun da vegliadetgna.

www.zhaw.ch

Nov studi davart cyberviolenza

6. favrer 2018 / /

Dapli che la mesadad dals uffants tranter 8 e 12 onns suffrescha d’almain in problem da cyberviolenza. Quai è in dals resultats da la retschertga tar passa 34’000 uffants en 29 pajais manà tras dal DQ (Digital Intelligence) Institute e dal Forum economic mundial.

www.weforum.org

Offertas extrascolasticas MINT en Svizra

5. favrer 2018 /

La Svizra ha in manco da spezialists en ils champs da la tecnica e da l’informatica. Il rapport da Swiss Academies Communications dat ina survista ed analisa da las purschidas extrascolaras MINT. E formulescha er recumandaziuns d’acziun.

naturwissenschaften.ch

E-learning-App «Babulins»

1. favrer 2018 / / /

Per promover ch'uffants tranter 3 e 6 onns emprendan rumantsch a moda simpla, ha la Lia Rumantscha sviluppà cun 08Eins la app «Babulins». Ensemen cun Luisa e Nic, Brutus e Lupo ed ils ulteriurs commembers da la famiglia Babulin, pon ils pitschens scuvrir divers munds dal mintgadi.

www.itbusiness.ch

Uffats e giuvenils 4.0

1. favrer 2018 / / /

Sco cumenzament da las festivitads da giubileum da 40 onns ha la Cumissiun federala per l'uffanza e la giuventetgna (CFUG) publitgà quatter tesas areguard l’influenza da la digitalisaziun sin uffants e giuvenils cun la mira da lantschar in debatta sociopolitica.

www.admin.ch

Programmar enstagl da studegiar

31. schaner 2018 /

DigitalSwitzerland porscha workshops da programmar da trais uras per scolastas e scolasts. Fin l’avrigl duain magisters da passa 100 scolas da tut ils stgalims e da tut las quatter regiuns linguisticas survegnir in’invista en la programmaziun, en l’atgna scola u er online.

workshop.ict-scouts.ch

Di da la rait remplazza e²change 2018

25. schaner 2018 / /

educanet² va novas vias per il futur. Per quest motiv vegn l’occurrenza e²change remplazzada cun ina dieta da la rait che offra discussiuns davart il svilup e l’avegnir da la plattafurma. Responsabels or da la pratica, da l’administraziun e da la politica vegnan envidads.

www.educanet2.ch

Projects da digitalisaziun en l’instrucziun

25. schaner 2018 / /

Emprender linguas estras cun agid d’ina conferenza da video? Emprender a moda ludica cun games? Colliar lieus d’emprender cun videos? La Fundaziun svizra per la furmaziun audiovisuala preschenta tschintg projects che promovan la digitalisaziun en l’instrucziun.

www.ssab-online.ch

Evaluaziun dals videos da prevenziun

24. schaner 2018 / /

Giuventetgna e medias ha producì sis videos da prevenziun che mussan il mund virtual ad uffants e geniturs. Per savair co che quests videos èn vegnids percepids èn geniturs, instituziuns e persunas pertutgadas envidads a sa participar a questa curta evaluaziun online fin ils 12 da favrer.

www.jugendundmedien.ch

Dissegna tes futur

24. schaner 2018 / /

Il studi internaziunal da l’organisaziun nunguvernamentala englaisa NGO Education and Employers davart l’avegnir professiunal dals uffants tranter 7 ed 11 onns mussa ina fascinaziun per l’internet e las medias socialas. Professiuns da la domena MINT, Social Media e Gaming èn fitg popularas.

www.educationandemployers.org

Guids EUN davart Bring Your Own Device

23. schaner 2018 / /

L’Interactive Classroom Working Group da l’European Schoolnet (EUN) ha elavurà quatter guids da giaglioffa che dattan cussegls als manaders ed als responsabels dad IT en scolas per introducir a moda pratica Bring Your Own Device (BYOD). Quests guids èn disponibels per il mument unicamain en englais.

www.educa.ch

Sistem da furmaziun è preparà bain per la digitalisaziun

22. schaner 2018 /

En in artitgel cumparà en la «Volkswirtschaft» davart il tema digitalisaziun vegnan dus responsabels dal SEFRI tar la conclusiun ch’il sistem da furmaziun saja preparà bain per s’adaptar a la digitalisaziun, però stuessi l’infrastructura existenta vegnir nizzegiada meglier.

dievolkswirtschaft.ch

Informatica: visiun per damaun

18. schaner 2018 /

L’Academia svizra da las scienzas natiralas SCNAT preschenta a Berna ils 8 da favrer las pussaivladads e las visiuns da l’informatica per tut ils acturs dal mund scolastic. La mira è da discutar davart in’instrucziun d’informatica orientada al futur per tut ils stgalims da scola.

naturwissenschaften.ch

Studi MEKIS – ils resultats

15. schaner 2018 / /

Il rapport e las recumandaziuns dal studi «Cumpetenza da medias en instituziuns staziunaras per agid a la giuventetgna» èn disponibels online. 361 persunas involvidas da 125 instituziuns da tut la Svizra han fatg part a la retschertga che ha gì lieu tranter il settember ed il november 2016.

www.mekis.ch

Syndicate content

Job