Newsletter educa.ch - distribuziun 12/2016

Bellas festas!

22. decembre 2016 /

educa.ch As giavischa legraivlas, calmas e bellas festas da Nadal. Stai si legher e giai cun schlantsch e plaschair tras l’onn 2017. In cordial engraziament per Voss interess e Vossa fidanza!

www.educa.ch

educa.ch cun nova structura

20. decembre 2016 /

Correspundent a sias novas incumbensas ha educa.ch, l’agentura spezialisada da la Confederaziun e dals chantuns per ICT ed educaziun, adattà sia pagina-web. Il portal è uss sutdividì en trais champs: spazi da furmaziun, digitalisaziun en la furmaziun, educa.ch.

www.educa.ch

Furmaziun professiunala 2030

9. decembre 2016 /

La plattafurma Furmaziun professiunala 2030 è online. Tut ils acturs ed interessents da la furmaziun professiunala èn envidads da discutar process e megatrends da la furmaziun sco per exempel la digitalisaziun. La mira è da sviluppar ina visiun cuminaivla.

www.berufsbildung2030.ch

Transfurmaziun digitala e giuventetgna

9. decembre 2016

La Cumissiun federala per uffants e giuventetgna (EKKJ) s’occupa da dumondas actualas e l’influenza da la transfurmaziun digitala sin ils uffants e sin la giuventetgna. Oravant tut sa deditgescha ella a la tematica plazzas e cundiziuns da lavur e las cumpetenzas recumandadas en chaussa.

www.ekkj.admin.ch

Resultats da PISA 2015

6. decembre 2016 / /

La OECD (Organisaziun da cooperaziun e svilup economic en Europa) ha publitgà ils emprims resultats da PISA 2015 - focus sin la scienza natirala. La Svizra è er stada da la partida. Per l’emprima giada è il test vegnì exequis cun agid da computers, quai che evochescha numerusas dumondas.

www.edk.ch

Gronda cuntentientscha cun emprendissadi dad ICT

13. decembre 2016

Ina retschertga tar var 1’000 emprendists dad ICT ha resultà che 95% sajan fitg cuntent cun lur elecziun da professiun e ch’els recumondian er vinavant quest emprendissadi. Tar ils motivs principals tutgan ina plazza da lavur segira, ina lavur interessanta e pussaivladads da far carriera.

ictswitzerland.ch

Gieu davart protecziun da datas

19. decembre 2016 /

DATAK è in gieu interactiv che vul sensibilisar ils users davart datas persunalas, protecziun da datas e Big Data. Giuvenils a partir da 15 onns ston prender decisiun dal mintgadi che stattan en connex cun metter en la rait datas persunalas.

www.datak.ch

Castur pitschen per l’emprim ciclus

16. decembre 2016 /

Il castur pitschen, il Minibiber, da la concurrenza dal Castur da l'informatica Svizra sa drizza tenor il Plan d’instrucziun 21 a las persunas d’instrucziun da l’emprim ciclus, po però er esser interessant per il 2. ed il 3. ciclus. La SAP Lucerna empresta ina chista cun tut il material necessari.

www.minibiber.ch

educa.ch occurrenzas 2017

22. decembre 2016 / /

La nova pagina d’occurrenzas dad educa.ch en tudestg e franzos pertutgant ICT ed educaziun vegn mess en lingia el decurs da las proximas emnas. La dieta dad educanet² e²change ha lieu ils 31 da matg 2017 e la dieta da spezialists ils 22 d’avust 2017.

www.educa.ch

Di internaziunal da la protecziun da datas 2017

21. decembre 2016 /

Sin iniziativa dal Cussegl da l’Europa vegn quest di celebrà ils 28 da schaner per sensibilisar la populaziun per il tema protecziun da datas. Tut ils pajais-commembers publitgeschan lur activitads ed ulteriuras infurmaziuns davart il tema sin la pagina-web dal Cussegl da l’Europa.

www.coe.int


Ultima actualisaziun da questa pagina: 22.12.2016

Job