Newsletter educa.ch - distribuziun 10/2016

educa.ch a l’arena da Swisscom

24. october 2016 / /

En il rom dals Swiss Education Days vegn educa.ch a s’occupar cun l’identitad digitala durant la dieta da spezialists CTII sco er en l’arena da Swisscom. Segirtad, promoziun da las cumpetenzas medialas, exempels Good Practice ed Open Educational Resources stattan en il focus.

sfib.educa.ch

Furmaziun professiunala e digitalisaziun en scola

20. october 2016 /

Jörg Aebischer è manader da l’associaziun naziunala «ICT-Berufsbildung Schweiz». En nossa rubrica Insight dat el scleriment davart la digitalisaziun en scola e ses effect sin nossa societad. Ultra da quai dat el cussegls co che la scola pudess reagir a moda commensurada.

Insight Berufsbildung

«Generaziun stress?»

17. october 2016 / /

Il Barometer da la giuventetgna da la Credit Suisse 2016 realisà en Svizra, Brasilia, a Singapur ed en ils Stadis Unids revelescha ch’ils giuvenils vulan sa profitar da la purschida mundiala cun lur smartphones ed apps. Adina e dapertut esser cuntanschibel maina dentant tar ina «generaziun stress».

www.credit-suisse.com

Top 200 Tools for Learning 2016

27. october 2016 /

Jane Hart dal Centre for Learning and Performance Technologies ha enumerà ils «Top 200 Tools for Learning 2016». La glista datti a partir da l’onn 2007 ed ins vegn a savair tge guaffens digitals, tge process da lavurar, d’emprender e da barat che simplifitgeschan la lavur en la rait.

www.c4lpt.co.uk

Emprima scuntrada «Rait cumpetenza da medias»

25. october 2016 /

Sco cuntinuaziun dal program Giuventetgna e medias e per manar vinavant in barat dals acturs che promovan cumpetenzas da medias en Svizra, iniziescha l’Uffizi federal d'assicuranzas socialas (UFAS) ina «Rait cumpetenza da medias Svizra». L‘emprim inscunter ha lieu ils 24 da november a Berna.

www.jugendundmedien.ch

Olimpiada svizra d’informatica 2017

28. october 2016 /

Ils pensums da la concurrenza èn uss online. Ils giuvenils passiunads pon metter sin emprova lur cumpetenza da programmar e trametter lur soluziuns fin ils 30 da november al team da l’olimpiada. Workshops per interessads vegnan organisads a Losanna, Berna e Turitg.

soi.ch

Dialog cun in astronaut

11. october 2016 /

En il rom dal project ARISS Europe pon intginas classa communitgar cun agid d’in radio cun in astronaut a la staziun spaziala internaziunala. Las classas pon deponer lur candidatura fin ils 30 da november 2016. La conversaziun cun in astronaut è previsa tranter il settember 2017 ed il schaner 2018.

www.ariss-eu.org

Novas medias e furmaziun professiunala

14. october 2016 / /

Il Forum svizzer per la furmaziun professiunala e la cooperaziun internaziunala (FOBBIZ) tegna sia radunanza annuala igl 1. da december a Zollikofen. Las novas medias midan er la relaziun tranter scolader ed emprendist. En workshops e discussiuns vegn discutà davart questa tematica.

www.fobbiz.ch

Concurrenza da medias e robotica 2017

25. october 2016 /

Uffants e giuvenils tranter 8 e 20 onns pon inoltrar projects individuals, da gruppa u da classa che s’occupan en moda creativa cun medias e tecnologias novas. I vegn tschertgà innovaziun ed originalitad! Fin ils 31 da schaner 2017 pon ins s’inscriver a la concurrenza.

www.bugnplay.ch

Festival per films didactics 2017

4. october 2016 /

Sut il motto «Co protegel jau l’ambient?» èn classas da scola envidadas a prender part a la concurrenza da films didactics. Films davart consum, clima, mobilitad e natira cun ina durada maximala da trais minutas pon vegnir inoltrads fin ils 7 d’avrigl 2017.

www.lernfilm-festival.ch


Ultima actualisaziun da questa pagina: 16.12.2016

Job