Newsletter educa.ch - distribuziun 09/2017

Colloqui ICT e furmaziun

11. settember 2017 / /

«Think big, start small, act fast – transfurmaziun digitala en la furmaziun pretenda leadership» è stà il moto dal colloqui dals 22 d’avust a Berna. Ils videos da las conferenzas en il plenum, la discussiun da podium sco er las preschentaziuns èn disponiblas sin la pagina-web.

www.educa.ch

Economia 4.0 : effects per la furmaziun

13. settember 2017 / /

Al colloqui 2017 dad educa.ch è Markus Koch, Deloitte AG, s’exprimì davart l’economia 4.0 e sias perspectivas e consequenzas per la domena da la furmaziun. Per «Insight Berufsbildung» guarda el en detagl sin la furmaziun professiunala e dat cussegls per l’instrucziun.

Insight Berufsbildung

Revisiun da la lescha per la protecziun da datas

18. settember 2017 /

Il Cussegl federal ha preschentà la revisiun totala da la lescha per la protecziun da datas. Ina da sias intenziuns è d’armonisar il dretg svizzer cun ils standards da protecziun da l’UE e dal Cussegl europeic e da garantir in transfer liber da datas tranter interpresas svizras ed europeicas.

www.bj.admin.ch

Studi: consequenzas da la digitalisaziun

12. settember 2017 / /

Sarah Genner da l’Universitad da las scienzas applitgadas Turitg ZHAW, ha examinà l’influenza da la digitalisaziun sin uffants e giuvenils per la Cumissiun federala per l’uffanza e la giuventetgna. Stress tras las medias socialas è in punct principal dal rapport.

www.ekkj.admin.ch

Premi per concept d’emprender da Soloturn

12. settember 2017 /

Igl ICT Education and Training Award è vegnì surdà per il concept d’emprender da Soloturn. Cun quest concept vegn introducì la furmaziun dad ICT en la scola populara. El è vegnì elavurà da la SASNV/FHNW en collavuraziun cun l’Uffizi per la scola populara dal chantun da Soloturn.

www.fhnw.ch

Esser online cun segiranza per uffants?

18. settember 2017 / /

Il nov artitgel dal blog «Digitalisaziun en la furmaziun» da la Fundaziun Bertelsmann s’occupa dal tema «Medias digitalas per uffants dal stgalim primar: esser online cun segiranza per uffants». Co dumognan geniturs e persunas d’instrucziun il sbagat tranter segiranza e mirveglias dals uffants?

digitalisierung-bildung.de

Di digital 2017: Concurrenza per scolas

5. settember 2017 /

digitalswitzerland organisescha ina concurrenza davart «smartphones, applications, robots and cie – co influenzeschan els mia vita quotidiana en scola, mes avegnir e mia vita?» Giuvenils tranter 6 e 19 onns pon inoltrar videos tar il tema en lavur singula u en classa fin ils 31 d’october.

schulwettbewerb.digitaltag.swiss

KommSchau17: segir u privlus?

26. settember 2017 /

Il tema da las occurrenzas KommSchau da quest onn dals 15 e dals 22 da november guarda sin la segirezza da las datas en las scolas. Quant simpel èsi d’attatgar l’infrastructura digitala da las scolas? Tge po la scola far per segirar las datas da lur scolaras e scolars?

www.imedias.ch

Europe Code Week

7. settember 2017 / /

L’emna europeica da programmar ha la Cumissiun europeica lantschà 2013. Ella ha lieu mintg’onn en 46 pajais europeics ed en la Svizra. Dals 7 als 22 d’october 2017 èn uffants, creschids, scolaras e scolars envidads a prender part a workshops per emprender d’enconuscher la basa da la programmaziun.

codeweek.eu

bugnplay.ch 2018

13. settember 2017 /

L’inscripziun per la concurrenza digitala per giuvenils tranter 8 e 20 onns è averta fin ils 31 da schaner 2018. Las scolaras ed ils scolars svizzers pon proponer, sulet u en gruppa, in project en la domena da gieus digitals, animaziun, code, robotica u multimedia.

bugnplay.ch


Ultima actualisaziun da questa pagina: 27.09.2017

Job