News

Format: 20.01.2017
Format: 20.01.2017

Furmaziun digitala envers l’onn 2025

19. schaner 2017 / /

LEARNTEC ha incaricà in studi che mussa co ch’il progress tecnologic influenza l’emprender. Il pli impurtant element saja la cumpetenza digitala da las persunas d’instrucziun. In’ulteriura sfida saja ils meds finanzials – senza finanzas, nagina tecnologia en stanza da scola.

www.bildungaktuell.at

Cundiziuns per in’economia digitalisada

12. schaner 2017 /

Il Cussegl federal ha approvà il rapport davart las cundiziuns da basa per in’economia digitalisada nua ch’i vegn prognostitgà che la dumonda da cumpetenzas dad ICT vegn a s’augmentar. Fin il zercladur 2017 vegn elavurà in rapport davart las pretensiuns al sistem da furmaziun.

www.admin.ch

Perscripziuns UE per protecziun da datas

12. schaner 2017 / /

La Cumissiun europeica ha proponì da meglierar la sfera privata per la communicaziun electronica e per las perscripziuns modernas per la protecziun da datas. Proteger la sfera privata na vul betg mo dir proteger il cuntegn mabain er proteger las metadatas dal lieu e dal temp.

europa.eu

Red or Blue VR Lab

11. schaner 2017 / /

A Turitg ha l’emprim Virtual Reality Lab avert sias portas per giuvens e vegls che han plaschair da laschar far il «beamen» en in auter mund. Capitanis da pirats, pilots dal spazi ed artists ed artistas 3D pon uschia far experientschas unicas en in cyberspace.

www.redorbluelabs.ch

educa.ch occurrenzas 2017

22. december 2016 / /

La nova pagina d’occurrenzas dad educa.ch en tudestg e franzos pertutgant ICT ed educaziun vegn mess en lingia el decurs da las proximas emnas. La dieta dad educanet² e²change ha lieu ils 31 da matg 2017 e la dieta da spezialists ils 22 d’avust 2017.

www.educa.ch

Bellas festas!

22. december 2016 /

educa.ch As giavischa legraivlas, calmas e bellas festas da Nadal. Stai si legher e giai cun schlantsch e plaschair tras l’onn 2017. In cordial engraziament per Voss interess e Vossa fidanza!

www.educa.ch

Di internaziunal da la protecziun da datas 2017

21. december 2016 /

Sin iniziativa dal Cussegl da l’Europa vegn quest di celebrà ils 28 da schaner per sensibilisar la populaziun per il tema protecziun da datas. Tut ils pajais-commembers publitgeschan lur activitads ed ulteriuras infurmaziuns davart il tema sin la pagina-web dal Cussegl da l’Europa.

www.coe.int

educa.ch cun nova structura

20. december 2016 /

Correspundent a sias novas incumbensas ha educa.ch, l’agentura spezialisada da la Confederaziun e dals chantuns per ICT ed educaziun, adattà sia pagina-web. Il portal è uss sutdividì en trais champs: spazi da furmaziun, digitalisaziun en la furmaziun, educa.ch.

www.educa.ch

Gieu davart protecziun da datas

19. december 2016 /

DATAK è in gieu interactiv che vul sensibilisar ils users davart datas persunalas, protecziun da datas e Big Data. Giuvenils a partir da 15 onns ston prender decisiun dal mintgadi che stattan en connex cun metter en la rait datas persunalas.

www.datak.ch

Castur pitschen per l’emprim ciclus

16. december 2016 /

Il castur pitschen, il Minibiber, da la concurrenza dal Castur da l'informatica Svizra sa drizza tenor il Plan d’instrucziun 21 a las persunas d’instrucziun da l’emprim ciclus, po però er esser interessant per il 2. ed il 3. ciclus. La SAP Lucerna empresta ina chista cun tut il material necessari.

www.minibiber.ch

Gronda cuntentientscha cun emprendissadi dad ICT

13. december 2016 /

Ina retschertga tar var 1’000 emprendists dad ICT ha resultà che 95% sajan fitg cuntent cun lur elecziun da professiun e ch’els recumondian er vinavant quest emprendissadi. Tar ils motivs principals tutgan ina plazza da lavur segira, ina lavur interessanta e pussaivladads da far carriera.

ictswitzerland.ch

Transfurmaziun digitala e giuventetgna

9. december 2016 /

La Cumissiun federala per uffants e giuventetgna (EKKJ) s’occupa da dumondas actualas e l’influenza da la transfurmaziun digitala sin ils uffants e sin la giuventetgna. Oravant tut sa deditgescha ella a la tematica plazzas e cundiziuns da lavur e las cumpetenzas recumandadas en chaussa.

www.ekkj.admin.ch

Furmaziun professiunala 2030

9. december 2016 /

La plattafurma Furmaziun professiunala 2030 è online. Tut ils acturs ed interessents da la furmaziun professiunala èn envidads da discutar process e megatrends da la furmaziun sco per exempel la digitalisaziun. La mira è da sviluppar ina visiun cuminaivla.

www.berufsbildung2030.ch

Resultats da PISA 2015

6. december 2016 / /

La OECD (Organisaziun da cooperaziun e svilup economic en Europa) ha publitgà ils emprims resultats da PISA 2015 - focus sin la scienza natirala. La Svizra è er stada da la partida. Per l’emprima giada è il test vegnì exequis cun agid da computers, quai che evochescha numerusas dumondas.

www.edk.ch

«ich | du | wir | digital» è online

30. november 2016 / /

L’applicaziun web per tudestg e franzos davart il tema «identitad digitala» ch’educa.ch ha preschentà als Swiss Education Days è uss online. Ella dat in’interessanta survista dals numerus aspects da questa tematica cumplexa e sper ils ristgs pussaivels er ses grond potenzial.

eid.educa.ch

Retrospectiva da la dieta da spezialists

30. november 2016 / /

La dieta da spezialists CTII che ha gì lieu en il rom dals Swiss Education Days a Berna ha procurà cun il tema da l’identitad digitala per grond interess. Las preschentaziuns ed ils videos curts da la dieta èn uss online.

fachtagung.educa.ch

Lecziuns privatas sin Youtube

28. november 2016 / /

Sin Youtube vegnan adina dapli furmas ed ideas mussadas co che lecziuns privatas pon vegnir creadas. Latiers dattan giuvenils cussegls en agens videos d’emprender e quai per prest tut ils roms da scola. Videos curts èn fitg populars ed han l’avantatg ch’els pon vegnir guardads adina e dapertut.

www.wired.de

CEDID: Dal graun tar il paun

26. november 2016 /

En il CEDID chattan ins danovamain fegls da lavur areguard graun e paun. Cun graficas e dissegns pon ils uffants sa deditgar al tema: istorgia dal paun, impurtantas sorts da grauns, proverbis e locuziuns, semnar e racoltar etc. Ils fegls en sursilvan èn adattads per il stgalim primar.

instrucziun.educa.ch

Ranking ICT: la Svizra sin il 4. Plaz

25. november 2016 / /

La «Internationale Fernmeldeunion» ha publitgà l’ ICT Development Index da quest onn, nua che la Svizra è posiziunada sin il quart rang. Questa rangaziun tegna quint a plirs indicaturs da svilup sco per exempel l’access a las tecnologias modernas sco er la furmaziun e las cumpetenzas d’ICT.

www.itmagazine.ch

Studi JIM 2016

22. november 2016 / /

Ils emprims resultats da quest studi davart l’utilisaziun da medias da giuvenils tranter 12 e 19 onns en Germania è vegnida publitgada: 95% dovran regularmain WhatsApp per communitgar e Facebook perda adina dapli users. Il diever da las plattafurmas da social media mida cun la vegliadetgna.

www.mpfs.de

Syndicate content

Job