News

Format: 18.02.2018
Format: 18.02.2018

«Parlo un’altra lingua, ma ti capisco»

12. favrer 2018 / /

La Fundaziun Coscienza Svizzera organisescha ina concurrenza davart la plurilinguitad per las classas dal stgalim secundar I. Las scolaras ed ils scolars duain trametter fin ils 2 da mars 2018 in manuscrit. Sche quel gudogna survegnan els ils meds per realisar in film curt durant l’onn 2018.

www.parlounaltralingua.ch

Set mesiras per la scola dal futur

12. favrer 2018 / /

Il nov dossier politic d'economiesuisse enumerescha set pussaivladads co ch’il sistem da furmaziun svizzer po dumagnar la transfurmaziun digitala. Sin stgalim primar duessan per exempel ils roms matematica e lingua vegnir instruids per gronda part a moda digitala.

www.economiesuisse.ch

Nov studi davart cyberviolenza

6. favrer 2018 / /

Dapli che la mesadad dals uffants tranter 8 e 12 onns suffrescha d’almain in problem da cyberviolenza. Quai è in dals resultats da la retschertga tar passa 34’000 uffants en 29 pajais manà tras dal DQ (Digital Intelligence) Institute e dal Forum economic mundial.

www.weforum.org

Offertas extrascolasticas MINT en Svizra

5. favrer 2018 /

La Svizra ha in manco da spezialists en ils champs da la tecnica e da l’informatica. Il rapport da Swiss Academies Communications dat ina survista ed analisa da las purschidas extrascolaras MINT. E formulescha er recumandaziuns d’acziun.

naturwissenschaften.ch

E-learning-App «Babulins»

1. favrer 2018 / / /

Per promover ch'uffants tranter 3 e 6 onns emprendan rumantsch a moda simpla, ha la Lia Rumantscha sviluppà cun 08Eins la app «Babulins». Ensemen cun Luisa e Nic, Brutus e Lupo ed ils ulteriurs commembers da la famiglia Babulin, pon ils pitschens scuvrir divers munds dal mintgadi.

www.itbusiness.ch

Programmar enstagl da studegiar

31. schaner 2018 /

DigitalSwitzerland porscha workshops da programmar da trais uras per scolastas e scolasts. Fin l’avrigl duain magisters da passa 100 scolas da tut ils stgalims e da tut las quatter regiuns linguisticas survegnir in’invista en la programmaziun, en l’atgna scola u er online.

workshop.ict-scouts.ch

Di da la rait remplazza e²change 2018

25. schaner 2018 / /

educanet² va novas vias per il futur. Per quest motiv vegn l’occurrenza e²change remplazzada cun ina dieta da la rait che offra discussiuns davart il svilup e l’avegnir da la plattafurma. Responsabels or da la pratica, da l’administraziun e da la politica vegnan envidads.

www.educanet2.ch

Projects da digitalisaziun en l’instrucziun

25. schaner 2018 / /

Emprender linguas estras cun agid d’ina conferenza da video? Emprender a moda ludica cun games? Colliar lieus d’emprender cun videos? La Fundaziun svizra per la furmaziun audiovisuala preschenta tschintg projects che promovan la digitalisaziun en l’instrucziun.

www.ssab-online.ch

Evaluaziun dals videos da prevenziun

24. schaner 2018 / /

Giuventetgna e medias ha producì sis videos da prevenziun che mussan il mund virtual ad uffants e geniturs. Per savair co che quests videos èn vegnids percepids èn geniturs, instituziuns e persunas pertutgadas envidads a sa participar a questa curta evaluaziun online fin ils 12 da favrer.

www.jugendundmedien.ch

Dissegna tes futur

24. schaner 2018 / /

Il studi internaziunal da l’organisaziun nunguvernamentala englaisa NGO Education and Employers davart l’avegnir professiunal dals uffants tranter 7 ed 11 onns mussa ina fascinaziun per l’internet e las medias socialas. Professiuns da la domena MINT, Social Media e Gaming èn fitg popularas.

www.educationandemployers.org

Guids EUN davart Bring Your Own Device

23. schaner 2018 / /

L’Interactive Classroom Working Group da l’European Schoolnet (EUN) ha elavurà quatter guids da giaglioffa che dattan cussegls als manaders ed als responsabels dad IT en scolas per introducir a moda pratica Bring Your Own Device (BYOD). Quests guids èn disponibels per il mument unicamain en englais.

www.educa.ch

Sistem da furmaziun è preparà bain per la digitalisaziun

22. schaner 2018 /

En in artitgel cumparà en la «Volkswirtschaft» davart il tema digitalisaziun vegnan dus responsabels dal SEFRI tar la conclusiun ch’il sistem da furmaziun saja preparà bain per s’adaptar a la digitalisaziun, però stuessi l’infrastructura existenta vegnir nizzegiada meglier.

dievolkswirtschaft.ch

Informatica: visiun per damaun

18. schaner 2018 /

L’Academia svizra da las scienzas natiralas SCNAT preschenta a Berna ils 8 da favrer las pussaivladads e las visiuns da l’informatica per tut ils acturs dal mund scolastic. La mira è da discutar davart in’instrucziun d’informatica orientada al futur per tut ils stgalims da scola.

naturwissenschaften.ch

Studi MEKIS – ils resultats

15. schaner 2018 / /

Il rapport e las recumandaziuns dal studi «Cumpetenza da medias en instituziuns staziunaras per agid a la giuventetgna» èn disponibels online. 361 persunas involvidas da 125 instituziuns da tut la Svizra han fatg part a la retschertga che ha gì lieu tranter il settember ed il november 2016.

www.mekis.ch

Digitalisaziun en la furmaziun

10. schaner 2018 /

L’occurrenza per mainascolas e per persunas d’instrucziun ils 3 da favrer a Cuira dumonda suenter las sfidas da la digitalisaziun per il sistem da furmaziun. Suandants temas vegnan tangads: politica da furmaziun, sfidas per las scolas, OER e cumpetenza da medias sco cumpetenzas-clav.

www.bgs-chur.ch

Digital Lives

8. schaner 2018 /

Il Fond naziunal svizzer (FNS) promova projects en las scienzas umanas e socialas che sa fatschentan cun ils effects da la transfurmaziun digitala sin tut las domenas da la vita. Projects da pilot cun ina durada maximala da 18 mais vegnan sustegnids.

www.snf.ch

Lescha tudestga cunter l’odi en l’internet

4. schaner 2018 /

En la Germania ha lieu ina debatta animada davart la lescha «Netzwerkdurchsetzungsgesetz» ch’è entrada en vigur l’emprim da schaner. La NetzDG preveda ina multa per interpresas che cuntrafan a l’obligaziun da stizzar datas, però na reglamentescha ella betg la dumonda da la chastiabladad dal cuntegn.

www.faz.net

Bellas festas

22. december 2017 /

educa.ch giavischa a las utilisadras ed als utilisaders legraivlas, calmas e bellas festas da Nadal ed in nov onn plain da success. Nus As engraziain per l’interess e la confidenza che nus avain dastgà resentir danovamain durant l’onn passà.

www.educa.ch

Dossier MINT

15. december 2017 / /

Il nov dossier MINT dad educa.ch preschenta ina survista naziunala e chantunala davart las mesiras per promover ils roms matematica, informatica, scienza natirala e tecnica en scola. A medem temp vegn explitgà ils privels, las sfidas ed il potenzial da MINT en Svizra.

www.educa.ch

Uffants en il mund digital

14. december 2017 / /

Il nov studi dad UNICEF davart la situaziun dals uffants en tut il mund s’occupa da la dumonda co che las tecnologias digitalas influenzeschan lur vitas e lur schanzas. El vegn tar la conclusiun che milliuns d’uffants na pon betg profitar perquai ch’els n’han betg access a la digitalisaziun.

www.unicef.de

Syndicate content

Job