News
Parcs svizzers - Quants datti / quants dovri?
21. May 2012 / Rumantsch
Prest tschient onns a la lunga è il Parc Naziunal stà l’unic parc da natira en Svizra. Dapi il 2008 crescha la concurrenza. Trais ulteriurs parcs han obtegnì en il fratemp il label «parc da muntada naziunala». La pagina-web dals parcs svizzers dat bunas infurmaziuns latiers.
iconomix en nov look
16. May 2012 / Resursa didactica / Pagina pedagogica
Iconomix – la pagina interactiva per economia applitgada en scola - ha actualisà ed optimà sia pagina-web. Empè da «a la Carte» e «moduls» chattan ins uss la rubrica «material d’instrucziun». Là pon las persunas d’instrucziun tschertgar material sut «tip da scola», «rubrica» ni «retscha». (tud.)
Il telefon d'agid - Maun offert – sin Facebook
16. May 2012 / Prevenziun
Il Maun offert (die dargebotene Hand) cun ses numer da telefon 143 stat tradiziunalmain a disposiziun a persunas cun problems emoziunals, patratgs da suicidi ed auter. Tras la collavuraziun cun Facebook pon amis da periclitads als far attent sin las purschidas da l’organisaziun Maun offert. (tud.)
Textilias - Launa, mangola, saida e glin
15. May 2012 / Resursa didactica / Rumantsch
Material da partenza per la producziun da textilias furman fibras natiralas e sinteticas. Tar las fibras natiralas differenziesch’ins tranter fibras da plantas (mangola, juta, glin e chonv) e fibras d’animals (launa e saida). L’artitgel en La Quotidiana dat ina survista.
Di internaziunal da museums
15. May 2012 / Agenda
Sut il motto «Mussar quai ch’è impurtant» envidan blers museums grond e pitschen, dumengia, ils 20 da matg 2012 per perscrutar las exposiziuns spezialas e permanentas. Era blers museums grischuns èn da la partida – Museum d’art, Museum da la natira e Museum retic.
Club svizzer per geniturs
14. May 2012 / Pagina pedagogica
Per ses 100avel anniversari ha la Pro Juventute lantschà in project naziunal cha sa numna «Club svizzer per geniturs». Sortent dad in portal online porscha la Pro Juventute in servetsch da cussegliaziun da di e da notg sco era tips, rapports specifics ed adressas nizzaivlas. (tud.)
EPICT.CH – ICT en l’instrucziun
11. May 2012 / ICT en l'instrucziun / Cumpetenza da medias / Furmaziun cuntinuada
EPICT.CH prepara las persunas d’instrucziun sco era las studentas ed ils students didacticamain e pedagogicamain sin il tema «ICT e medias» confurm al Plan d’instrucziun 21. La pagina porscha scolaziun supplementara per utilisar medias digitalas durant las lecziun.
Emprender durant durmir
8. May 2012 / Prevenziun / Publicaziun
La NZZ è sa fatschentada en ses artitgel cun l’effect da la sien sin las prestaziuns d’uffants e da giuvenils en scola e sa referescha a numerus studis moderns. Facit: Betg sulettamain il cuz da la sien, mabain oravant tut la qualitad da la sien è decisiva per la prestaziun. (tud.)
Blog da Margrit Stamm davart la furmaziun
8. May 2012 / Politica da furmaziun / Pagina pedagogica / Artitgel pedagogic
«La fugia en il gimnasi e sia consequenza per la furmaziun professiunala» sa numna ina contribuziun-blog da Margrit Stamm, professura da pedagogia a l’Universitad da Friburg. Tgi che veglia ina plazza d’emprendissadi sto prestar dapli che las scolaras ed ils scolars dal gimnasi, pretenda Stamm.
Coaching da medias per geniturs
7. May 2012 / Pagina pedagogica / Segirtad IT
L’Uniun elternet.ch ha mess en la rait ina pagina-web che dat bun cussegl areguard l’educaziun da medias. Ins chatta là dumondas e respostas davart las medias novas: Tge è lubì, tge è correct, nua ston ins metter cunfins, nua sa chattan ils privels da las medias novas? (tud.)
Sistem da furmaziun actualisà
4. May 2012 / Monitoring / Publicaziun
La versiun online dal sistem da furmaziun svizzer è vegnì actualisà cumplettamain da la Conferenza da las directuras ed ils directurs chantunals da la furmaziun e dal Server svizzer da la furmaziun educa.ch. Questa survista en tschintg linguas tanscha da la scolina a la furmaziun supplementara.
Ideas per l’instrucziun da chemia
2. May 2012 / Resursa didactica
L’Associaziun European Petrochemical ha en collavuraziun cun il European Schoolnet elavurà in video davart chemia en noss mintgadi sco era creà in manual per magisters cun sequenzas e materialias d’instrucziun. Il material è adattà per il stgalim secundar I e II. (tud.)
Curs rumantsch sursilvan
2. May 2012 / Agenda / Scolaziun e perfecziunament professiunal / Rumantsch
Sco mintg’onn ha il curs intensiv da rumantsch sursilvan lieu a Laax en la Casa Caltgera e vegn manà tras dals 15 als 28 da fanadur 2012. I vegn purschì otg differents livels ed in vast program cultural. Ils curs stattan era a disposiziun per scolaras e scolars a partir da 12/13 onns.
Inscunter interrumantsch
1. May 2012 / Agenda
Las Rumantschas ed ils Rumantschs da Turitg e conturn pon prender part ad in inscunter interrumantsch che ha adina lieu l’emprima gievgia dal mais a partir da las 19.00 uras. In giast rumantsch è adina da la partida. Tar in bun sitg datti era temp e peda per discurs.
Acziun: Andri Peer e ses temp DC e DVD
30. April 2012 / Resursa didactica / Publicaziun / Rumantsch
Il DVD "Andri Peer e ses temp" è da retrair per in pretsch reducì da CHF 25.00 fin ils 31 da fanadur 2012. Il DC/DVD cun documents audiovisuals istorics dat in'impressiun en las activitads ed il svilup da las medias electronicas rumantschas, davent da las emprimas emissiuns dals onns 1940 fin 1980.
Adam da Chamues-ch - Erox dal chastè da Guardaval
27. April 2012 / Resursa didactica
Tenor la legenda duai il chastellan sur il vitg da Madulain avair torturà la glieud da la val ed avair pretendì per spusa la figlia d’Adam da Chamues-ch. Quel duai avair assassinà il chastellan odià e destruì il chastè cun l’agid da ses cumpogns. Istorgia e legenda locala. (Artitgel en LQ)
Novs cudeschs antiquars
27. April 2012 / Resursa didactica / Publicaziun / Rumantsch
La Lia Rumantscha maina danovamain in pitschen antiquariat per puspè render accessibel cudeschs exausts. En il sortiment da cudeschs antiquars chattan ins ovras da Cla Biert, Theo Candinas, Peter Cadosch e blers auters. Ils cudeschs pon ins retrair tar la Lia Rumantscha.
Visita guidada per scolas «Schuobacheclers»
26. April 2012 / Agenda / Resursa didactica / Rumantsch / Project da scola
Enturn la mesadad dal 19avel tschientaner emigravan mintg’onn var 1000 uffants dal Grischun per chattar lavur en il Schuob. Els partivan il mars e turnavan il november. Il Museum regiunal Surselva a Glion ha elavurà in lavuratori per il stgalim mesaun ed il stgalim aut en rumantsch e tudestg.
P. Thomas Häberle - il «pader da giabus»
26. April 2012 / Rumantsch
Per il 100avel anniversari da pader Thomas Häberle han persunas ch'admiran sia metoda da curar natirala – cun metter si feglia da giabus ed unscher cun ieli d’ulivas - fundà in'uniun cun la finamira da dar vinavant la savida rimnada. chatta.ch ha rimnà ils links.
Psichiatria d’uffants e da giuvenils dal Grischun
25. April 2012 / Collavuraziun / Politica da furmaziun / Pagina pedagogica
Ils uffants e giuvenils che vegnan tar quest post uffizial han difficultads cun amis e geniturs, problems en scola ni en la plazza da lavur. Forsa han ils uffants tema ni era in handicap corporal ni psichic. Ils spezialists vesan mintga uffant cun sias fermezzas ed emprovan da gidar individualmain.
