EURO2008
Euro 2008 Svizra
La pagina web uffiziala “switzerland.com”, per infurmaziuns areguard la Svizra, porscha era ina pagina cun infurmaziuns pertutgant l’EURO 2008, che vegn actualisada permanentamain.
La Svizra sa mova – fit per l’EURO 2008
“La Svizra sa mova – fit per l’EURO 2008” è il program per l’onn da ballape 2008 da la Confederaziun e promova dapli moviment en las vischnancas svizras. Las vischnancas defineschan ensemen cun lur uniuns, scolas ed ulteriurs partenaris il lieu ed il gener da sport dals percurs.
“schule.bewegt” ballape+
A chaschun dals projects uffizials da la Confederaziun tar l’UEFA EURO 2008 en Svizra ed en l’Austria porscha “schule.bewegt” in nov model: “ballape+”. Mintga di duain ils scolars e las scolaras sa mover per 20 minutas en scola ed uschia s’avischinar al tema ballape ed EURO 2008.
Associaziun svizra da ballape
Tecnica, duels e spiert da gruppa èn las premissas per in ballape da qualitad. Questas premissas vegnan emprendidas en l’uffanza ed en il temp da l’adolescenza. L’Associaziun svizra da ballape (SFV) maina l’interess per il ballape puspè enavos en scola.
EUROSCHOOLS 2008
Durant il project EUROSCHOOLS 2008 daventan scolaras e scolars da l’Austria, la Svizra e dal Principadi da Liechtenstein experts da l’Europa. Quai n’è betg tut: Durant in onn daventan ils scolars e las scolaras ambassadurs da las 53 naziuns da l’UEFA e dal “Fair play”.
Ballape en scola
La chasa editura Klett e Balmer da Zug ha edì in carnet da lavur davart il tema campiunadi europeic da ballape 2008 per las 5.fin 9avlas classas. Vitiers datti in DC-ROM per scolastas e scolasts che vulan s’occupar dal tema ballape anc pli detagliadamain.
