Scola post-obligatorica

9. May 2012 / Museum retic, Cuira

Exposiziun

En il center da l'exposiziun actuala Mercur & co. (dals 9 da matg – 5 d’avust 2012) stattan religiun e cult, striegn e superstiziun. Per persunas d’instrucziun vegn manà tras in’introducziun ils 9 da matg 2012. Per plaschair s’annunziar directamain tar il Museum retic.

www.raetischesmuseum.gr.ch

6. October 2012 - 13. October 2012 / Center da Sport, Mustér / Disentis

Workshop

Showband.ch organisescha dals 6 als 13 d’october 2012 in camp da musica per giuvenils en il Center da sport e cultura Mustér. Tschertgads èn giuvenils svizzers da 12 fin 22 onns che sunan in instrument ni dattan sin il schumber. Il punct culminant è la show-demo a la fin da l’emna.

www.marchingband-jugendcamp.ch

13. April 2012 / Trun, Glion, Cuira

Workshop

Ils 13 d'avrigl 2012 viagia la raquintadra d'istorgias Justina Derungs da Trun, a Glion e vinavant a Cuira. Ella porta cun sai "gl'automat da historias" – ina maschina creada aposta per raquintar istorgias. Raquintada vegn in'istorgia dad amicizia e tradiment per uffants ed uffants creschids.

www.liarumantscha.ch

16. March 2012 - 25. March 2012 / enitra Svizra

Occurrenza d'infurmaziun / Referat

Questa occurrenza s’occupa cun tut las furmas da la lingua franzosa en Svizra e quai per in’entira emna. La pagina-web porscha ultra da fegls da lavur era ina survista d’occurrenzas per ils differents chantuns. (tudestg)

www.slff.ch

3. May 2012 - 5. May 2012 / Università della Svizzera italiana (USI) a Lugano

Concurrenza

La concurrenza naziunala da «Giuventetgna e scienza» ha lieu l’onn 2012 a l’ Università della Svizzera italiana a Lugano. Sco mintg’onn envida ella la giuventetgna da sa participar cun la lavur da matura ni in’autra lavur da profundaziun sin basa scientifica.

de.sjf.ch

18. May 2012 / Inoltrar las lavurs fin ils 18 da matg 2012

Concurrenza

Gia per la segunda giada vegn la concurrenza da project «go4peace» manada tras cun la mira da motivar la giuventetgna da s’engaschar per ina convivenza paschaivla tranter las culturas. Uffants e giuvenils tranter 7 e 18 onns èn envidads da prender part.

www.go4peace.ch

13. January 2012 - 1. April 2012 / internaziunal

Concurrenza

La concurrenza da la scienza da Google sa drizza a scolars da 13 fin 18 onns che intercureschan in problem u ina chaussa ch'als interessa. La concurrenza internaziunala cumpiglia plinavant era material da documentaziun per persunas d'instrucziun.

www.google.com

10. December 2011 - 22. January 2012 / Cuira

Exposiziun

L’exposiziun annuala dals artists grischuns furma puspè la finiziun dal program da l’onn dal Museum d’art dal Grischun. Quest onn pon sa participar 50 artists. Quai è var in terz dapli artists che l’ultim onn. Per l’emprima giada metta il museum a disposiziun dapli spazi a las ovras d’art.

www.buendner-kunstmuseum.ch

12. November 2011 / Cuira

Occurrenza d'infurmaziun / Workshop

Quest onn festivescha la sonda lunga (Langer Samstag) il giubileum da 5 onns. Era per uffants e giuvenils e lur accumpagnament vegn purschì in program che fa franc curturella: preschentaziuns da paraulas, concerts, differents workshops e divers teaters e quai en differentas localitads.

langersamstag.ch

24. September 2011 - 20. November 2011 / Cuira, Museum d'art dal Grischun

Exposiziun / Workshop

La collecziun dal Museum d'art dovra dapli spazi. Mintga onn s'augmenta ella en media per 150 objects e sulettamain 3% da tut las ovras pon vegnir mussadas. Cun inscenaziuns nunusitadas e cun ovras che vegnan preschentadas mo darar accentuescha l'exposiziun actuala la necessitad da far in engrondiment architectonic.

www.buendner-kunstmuseum.ch