3. ciclus (7. fin il 9. onn scolar)

Di dal futur: Mattatschas-informatica-via!

8. november 2018 / entira Svizra

Al Di dal futur naziunal avran numerusas instituziuns lur partiziuns d’informatica ed envidan mattatschas dal stgalim secundar I a scuvrir il mund da lavur digital. A chaschun da quest di spezial pon ins tranter auter emprender a crear in’atgna pagina-web u programmar l’agen roboter.

www.nationalerzukunftstag.ch

DETAGLS

Lingua d’occurenza: Tudestg, Franzos, Talian
Stgalim d'instrucziun: 3. ciclus (7. fin il 9. onn scolar)

Castur d’informatica

5. november 2018 - 16. november 2018 / entira Svizra, online

Organisà da la Societad svizra per l’informatica en l’instrucziun (SSIE) sa drizza questa concurrenza a scolaras e scolars tranter 8 e 20 onns. Ella vul svegliar l’interess per l’informatica e las scienzas digitalas. I na dovra naginas enconuschientschas en la programmaziun.

informatik-biber.ch

Camp d'informatica i-Camps

6. avust 2018 - 11. avust 2018 / Flem

Cun sustegn ed accumpagnament da docents e students da la SPF e da la SAPGR pon 60 uffants e giuvenils emprender da programmar. «i-CAMPs Flem» porschan in curs emnil concentrà per scolars da la terza fin la novavla classa. Emprender da programmar e workshops davart MINT en cumbinaziun cun la grondiusa natira en il conturn da Flem.

www.phgr.ch

AHA! - Informatica: roboter da scola Thymio

14. zercladur 2017 / Campus SAP Turitg, Turitg

En quest workshop da la Scol’auta da pedagogia da Turitg preschenta il bab dal roboter da scola Thymio, Francesco Mondada, sia creaziun. Cun exercizis pratics emprendan ils participants d’enconuscher Thymio e vegnan a savair co ch’ins po integrar quest schani en l’instrucziun confurm al Plan d’instrucziun 21.

phzh.ch

FIUTSCHER 2016 – expo da professiuns

8. november 2016 - 13. november 2016 / Cuira

Durant tschintg dis mussan expositurs numerusas pussaivladads da furmaziun e perfecziunament en nossa regiun. Betg main che 120 professiuns e passa 220 furmaziuns supplementaras vegnan preschentadas. La visita da l’exposiziun po sustegnair ils giuvenils en la tschertga da lur via professiunala.

www.fiutscher.ch

DETAGLS

Lingua d’occurenza: Tudestg, Talian, Rumantsch
Stgalim d'instrucziun: 3. ciclus (7. fin il 9. onn scolar)

Castur da l’informatica 2016

7. november 2016 - 11. november 2016 / stanza da scola

La concurrenza Castur da l’informatica è destinada per uffants e giuvenils da 8 a 20 onns. Quest quiz online vul svegliar l’interess per l’informatica e las scienzas digitalas. Ils participants na ston betg avair enconuschientschas preliminaras en l’informatica (tud.).

informatik-biber.ch

GEO School Day

8. zercladur 2016 - 9. zercladur 2016 / Berna

L’occurrenza duai avischinar a moda ludica ils giuvenils al tema da la geoinfurmaziun ed uschia era promover ina nova generaziun en la branscha da GIS. Scolaras e scolars tranter 13 e 19 onns pon prender part. Il dumber dals participants è limità.

geoschoolday.ch

Dis da l'informatica 2016

3. zercladur 2016 - 4. zercladur 2016 / Regiun da Turitg

Per l’emprima giada organisescha ICTswitzerland ils Dis da l’informatica en Svizra. Diversas instituziuns da la branscha IT dal chantun Turitg avran lur portas per dar in’invista en lur professiun ad uffants, giuvenils, geniturs e students (tudestg.).

ictswitzerland.ch

Digital Days for Girls

30. matg 2016 - 1. zercladur 2016 / Turitg

Ils Digital Days for Girls – organisads da la Swisscom – empermettan a giuvnas da 13 a 15 onns d’astgar accumpagnar durant trais dis emprendists d’informatica e da mediamaticra per uschia scuvrir lur mintgadi professiunal.

www.swisscom.ch

DETAGLS

Lingua d’occurenza: Tudestg
Stgalim d'instrucziun: 3. ciclus (7. fin il 9. onn scolar)

Dieta da portfolio

8. avrigl 2016 / AGS, Basilea

La dieta ha per l’ina la mira da dar ina survista da lavurs cun portfolios analogs e digitals en las scolas medias ed en las scolas professiunalas. Per l’autra vul ella era mussar il niz pratic d’in portfolio per la transiziun dal stgalim secundar I al II ed a la furmaziun professiunala.

www.edubs.ch

Syndicate content

Logo SEFRI

Logo EDK

Job