3. ciclus (7. fin il 9. onn scolar)

6. October 2012 - 13. October 2012 / Center da Sport, Mustér / Disentis

Workshop

Showband.ch organisescha dals 6 als 13 d’october 2012 in camp da musica per giuvenils en il Center da sport e cultura Mustér. Tschertgads èn giuvenils svizzers da 12 fin 22 onns che sunan in instrument ni dattan sin il schumber. Il punct culminant è la show-demo a la fin da l’emna.

www.marchingband-jugendcamp.ch

10. March 2012 / Turitg

Occurrenza d'infurmaziun

Sonda, ils 10 da mars 2012 ha lieu en il Careum Bildungszentrum aTuritg il di da tscherna da la professiun. Quel di duai porscher sustegn a persunas en il rom da lur tscherna da la professiun, e quai independentamain da la professiun en mira. Ultra da divers workshops en connex cun proceders per s'annunziar per ina plazza survegnan ils giuvenils tips per tschertgar plazzas d'emprendissadi.

careum-bildungszentrum.ch

13. January 2012 - 1. April 2012 / internaziunal

Concurrenza

La concurrenza da la scienza da Google sa drizza a scolars da 13 fin 18 onns che intercureschan in problem u ina chaussa ch'als interessa. La concurrenza internaziunala cumpiglia plinavant era material da documentaziun per persunas d'instrucziun.

www.google.com

10. December 2011 - 22. January 2012 / Cuira

Exposiziun

L’exposiziun annuala dals artists grischuns furma puspè la finiziun dal program da l’onn dal Museum d’art dal Grischun. Quest onn pon sa participar 50 artists. Quai è var in terz dapli artists che l’ultim onn. Per l’emprima giada metta il museum a disposiziun dapli spazi a las ovras d’art.

www.buendner-kunstmuseum.ch

24. September 2011 - 20. November 2011 / Cuira, Museum d'art dal Grischun

Exposiziun / Workshop

La collecziun dal Museum d'art dovra dapli spazi. Mintga onn s'augmenta ella en media per 150 objects e sulettamain 3% da tut las ovras pon vegnir mussadas. Cun inscenaziuns nunusitadas e cun ovras che vegnan preschentadas mo darar accentuescha l'exposiziun actuala la necessitad da far in engrondiment architectonic.

www.buendner-kunstmuseum.ch

4. November 2011 - 6. November 2011 / Domat

Referat / Workshop

Il tema da quest onn è "Litterenza - Scienzatura". Il program da quest onn stat sut l’ensaina da la scienza litterara: perscrutaziuns, prelecziuns, translaziuns e discussiuns spetgan il public. Ma era la musica na dastga betg mancar: sco punct principal ans spetga sonda saira in concert tut aparti: Ils dus chantauturs Paulin Nuotclà e Benedetto Vigne festiveschan quest onn lur 60avel anniversari. 11 furmaziuns da la scena da musica giuvna interpreteschan divers hits dals dus giubilars. Sustegnids vegnan ils musicists da la gruppa Clamür.

www.litteraturarumantscha.ch

6. October 2011 - 18. March 2012 / Cuira, Museum retic

Exposiziun / Workshop

Il museum retic ha rimnà fotografias veglias e novas che mussan umans dal Grischun. Co sa preschentan umans sin fotografias e co pon ins far impressiun en l’epoca da la fotografia digitala? «Cheese!» na parta betg dals fotografs, mabain da la dumonda, co che las persunas fotografadas preschentan sasezzas.

www.raetischesmuseum.gr.ch

2. July 2011 - 16. October 2011 / Flem, la chasa melna

Exposiziun

In'exposiziun dal museum Vitra Design en cooperaziun cun HI-CONE. Tge fa ch'in object dal mintgadi è in erox? I vegn producì milliardas giadas l'object ed en il mintgadi na pon ins betg s'imaginar da vegnir a frida senza el. Uschia daventan ils objects dal mintgadi sur decennis eroxs zuppads.

www.dasgelbehaus.ch

27. August 2011 - 28. August 2011 / Vnà

Workshop

Il curs è avert per scripturas e scripturs versads sco er a persunas interessadas. L’autura Angelika Overath ed il docent da litteratura Manfred Koch sensibiliseschan las participantas ed ils participants per lur pussaivladads da s’exprimer ed als accumpognan en lur process da scriver.

www.litteraturarumantscha.ch

19. November 2011 / Cuira, SAP

Concurrenza

FIRST LEGO League è in program da promoziun che vul famigliarisar uffants e giuvenils cun scienza e tecnologia. En teams da 5 fin 10 scolaras e scolars duain ellas ed els skizzar, construir e programmar in roboter da legos. Mintga team cumenza cun ina concurrenza regiunala.

http://evento.phgr.ch