Ils 5 d’october è vegnì definì sco Di mundial da la magistraglia per celebrar la lavur da las persunas d’instrucziun e lur rolla fundamentala per il sustegn e l’orientaziun d’uffants, d’adolescents e da creschids. (englais)
Il Di europeic da logopedia dals 6 da mars 2012 porscha ina plattafurma per il tema balbegiar. Igl è ina gronda finamira da las logopedas da tut l’Europa da discutar il tema balbegiar per che la populaziun enconuschia las reglas impurtantas per il contact cun pertutgads.
La concurrenza da la scienza da Google sa drizza a scolars da 13 fin 18 onns che intercureschan in problem u ina chaussa ch'als interessa. La concurrenza internaziunala cumpiglia plinavant era material da documentaziun per persunas d'instrucziun.
Il Safer Internet Day 2012 ha lieu ils 7 da favrer ed è deditgà a l'agid a sasez che surmunta las generaziuns. In SID Kit cun resursas dad eSafety e propostas per l'instrucziun vegnan a star a disposiziun a las scolas a partir dal schaner.
Il program Comenius da la UE sa drizza a tut ils partenadis da scolas, a las persunas d’instrucziun, a scolas, a scolaras e scolars che s’interesseschan d’activitads communablas cun scolas d’auters pajais. L’emna Comenius porscha ina buna plattafurma per sa participar a questas collavuraziuns europeicas. (tud.)
Giuvens artists tranter 16 e 25 onns èn envidads da prender part a la concurrenza ‘Plaz fix – Stammplaz’. Fin ils 18 d’avrigl ston els crear ina foto, in film curt, ina ovra musicala ni era in text tar il tema ‘Plaz fix’. Las meglras contribuziuns vegnan integradas en in guid da viadi.
L'emna mundiala da l'univers (World Space Week) è ina festa internaziunala che vegn celebrada per l'entir mund enturn. En il center stattan l'univers, la scienza e la tecnologia.
Has gust dad emprender d’enconuscher nova glieud? Vuls savair tge minoritads linguisticas ch’i dat anc en l’Europa auter che nus Rumantschs? Lura ve cun la GiuRu al seminari da la GCEE, la Giuventetgna da las Cuminanzas Etnicas Europeicas. Termin per s'annunziar è ils 3 da mars 2011.
Support ed agid per persunas d’instrucziun – fegls da lavur, links per instruir ed emprender, scenaris pedagogics, adressas nizzaivlas, ideas ed exempels per la lavur cun ICT ed era partenadis da scola.
Manaders da scola e persunas d’instrucziun chattan qua adressas, infurmaziuns, studis davart administraziun da scolas, furmaziun cuntinuanta per magistraglia, collavuraziun cun geniturs e cun autras scolas.
La scena da furmaziun dat ina survista dal sistem da furmaziun svizzer, uffizis da furmaziun, organs da coordinaziun, posts spezialisads, instituziuns e federaziuns en Svizra ed en l’exteriur.
