Tudestg

Preschentaziun da professiuns emax (Chemia EMS)

23. mars 2016 / Chemia Ems, restaurant dal persunal

Ils scolars e las scolaras han la pussaivladad da s’infurmar davart las plazzas d’emprendissadi ch’ils commembers dad emax porschan. Als stans d’infurmaziun dattan ils emprendists sezs resposta a las dumondas. Era survegnan els la pussaivladad da vesair tscherts mastergns «live» (tud.).

emax-gr.ch

DETAGLS

Lingua d’occurenza: Tudestg, Talian, Rumantsch
Stgalim d'instrucziun: 3. ciclus (7. fin il 9. onn scolar)

Futur da la furmaziun digitala en Svizra

23. mars 2016 / Samsung Svizra, Turitg

L’uniun «Furmaziun digitala svizra» s’engascha per in emprender avert ed autonom en la rait. La dieta s’occupa da divers temas: tge rolla ha la persuna d’instrucziun en la digitalisaziun da la scola, OER e la plattafurma d’emprender Learnify che l’uniun sezza ha manà en Svizra.

learnify.ch

DETAGLS

Lingua d’occurenza: Tudestg
Stgalim d'instrucziun:

12. Dieta da spezialists: Tudestg sco lingua estra

19. mars 2016 / SAPGR, Cuira

La 12avla dieta s’occupa cun la promoziun da la lingua da scola che vegn duvrada en tut ils roms en scola. Senza ina buna enconuschientscha da la lingua da scola na san ils cuntegns dals differents roms betg vegnir recepids; la lingua è la clav per recaltgar savida.

www.phgr.ch

DETAGLS

Lingua d’occurenza: Tudestg, Rumantsch
Stgalim d'instrucziun: Scola obligatorica , Scola post-obligatorica

TecJuniors 2016

16. mars 2016 / biblioteca, Landquart

«Cun GPS; trapla da fotos e co. sin la tschertga d’animals selvadis» sa numna l’emprima prelecziun da quest onn ch’il labor d’uffants porscha en collavuraziun cun l’Academia svizra da las scienzas tecnicas (SATW) sut il num TecJuniors. Las occurrenzas sa drizzan a giuventetgna a partir da 9 onns.

www.bibliothek-landquart.ch

DETAGLS

Lingua d’occurenza: Tudestg
Stgalim d'instrucziun: Scola obligatorica

Biologia e medischina

13. mars 2016 - 19. mars 2016 / diversas localitads

Scienza e giuventetgna organisescha ina emna da studi per giuvenils tranter 16 e 20 onns ch’èn interessads a la biologia ed a la genetica. Virus, bacterias, CNE e cellas da cancer stattan en il center da lur retschertgas. L’occurrenza publica ha lieu ils 19 da mars 2016 al Rolex Learning Center.

sjf.ch

DETAGLS

Lingua d’occurenza: Tudestg, Franzos, Talian
Stgalim d'instrucziun: Scola post-obligatorica
Termin da s'inscriver: 2016-02-26T00:00:00

Science Info Day 2016

12. mars 2016 / Uni Turitg, Campus Irchel (Winterthurerstr. 190)

La Uni Turitg infurmescha scolaras e scolars gimnasials, geniturs e persunas d’instrucziun davart las purschidas da studi en il sectur da las scienzas, da la matematica ed da l’informatica. Il program empermetta turas guidadas, referats curts e discurs cun professuras e professurs vegnints.

www.mnf.uzh.ch

DETAGLS

Lingua d’occurenza: Tudestg
Stgalim d'instrucziun: Scolas da maturitad gimnasiala

Congress da mars da la FSFA 2016

10. mars 2016 / SAPBerna, Berna

Sut il motto «Réalité virtuelle ou réalité augmentée?» dat il congress da la Fundaziun svizra per la furmaziun audiovisuala (FSFA) in’invista en la tematica cun exempels concrets: Learning by Doing, gemar (gieus da computer) ed immersive learning (emprender linguas en in context cultural) etc.

www.ssab-online.ch

DETAGLS

Lingua d’occurenza: Tudestg, Franzos
Stgalim d'instrucziun: Independet dal stgalim

Sentupada da barat SEC I

9. mars 2016 / Landquart, login

La sentupada da barat 2016 da la fracziun SEC 1 da la Magistraglia Grischun en il rom da la transiziun SEC I – emprendissadi ha lieu a Landquart ils 9 da mars (suentermezdi) en il «login». Il tema da quest onn è la furmaziun professiunala tar ils meds publics. As annunziai online (tud.).

www.legr.ch

DETAGLS

Lingua d’occurenza: Tudestg
Stgalim d'instrucziun: 3. ciclus (7. fin il 9. onn scolar)

TecDay@BKS

26. favrer 2016 / Cuira

Organisà da la Scola chantunala dal Grischun en collavuraziun cun la SATW, porscha il «TecDay» a las scolaras ed als scolars passa 63 differents moduls. Mintga modul cuzza 90 minutas ed è manà d’ina persuna da l’industria, da la retschertga u da l’administraziun.

www.satw.ch

DETAGLS

Lingua d’occurenza: Tudestg, Talian, Rumantsch, Englais
Stgalim d'instrucziun: 3. ciclus (7. fin il 9. onn scolar), Scola post-obligatorica
Termin d'annunzia: 2016-02-24T00:00:00

Sportech 2016

12. schaner 2016 - 15. schaner 2016 / Tenero

Organisà da l’Uffizi federal da sport, porschan ils Dis da la scienza e da la tecnologia en il sport numerus ateliers destinads a scolaras e scolars a partir da 13 onns. Els vegnan ad emprender d’enconuscher las pli modernas tecnologias per il sport.

www.sportech.ch

Syndicate content

Logo SEFRI

Logo EDK

Job