Concurrenza da scola

Science on Stage

8. matg 2018 / Concurrenza da scola / MINT

Organisà da Science on Stage Switzerland pon persunas d’instrucziun MINT da tut ils stgalims inoltrar projects da scola che vegnan alura preschentads al festival a Winterthur. Ils quatter megliers projects vegnan envidads a Portugal l’atun 2019. Il termin d’annunzia è ils 30 da settember 2018.

naturwissenschaften.ch

Concurrenza First Lego League

26. avrigl 2018 / Concurrenza da scola / MINT / Internaziunal

En Svizra mancan inschigneras e scienziads. First Lego League s’engascha per la promoziun da la generaziun giuvna en il sectur da la scienza e cumbinescha savida e plaschair. La concurrenza mundiala da giuvenils tranter 9 e 16 onns ha lieu ils 24 da november 2018 a la SAP GR a Cuira.

www.phgr.ch

Mobile Stories

26. mars 2018 / Concurrenza da scola / Cumpetenza da medias

Per la segunda giada lantscha SRG SSR ina concurrenza da Mobile Stories per giuvnas e giuvens tranter 15 e 24 onns. Las producziuns duain esser low-cost ed integrar tipics elements da mobile-devices (filter, emojis, etc.). Il termin per inoltrar il project è ils 20 da matg 2018.

www.srgd.ch

Open Data Student Award

15. mars 2018 / Open source / Concurrenza da scola / Cumpetenza da medias

opendata.ch realisescha l’emprima concurrenza per studentas e students da las universitads svizras u per tals che han terminà ils studis ils ultims trais onns. Ils participants inoltreschan ina lavur u in studi nua ch’els han utilisà open data u open government data fin ils 31 da matg 2018.

opendata.ch

«Parlo un’altra lingua, ma ti capisco»

12. favrer 2018 / Concurrenza da scola / Cumpetenza da medias

La Fundaziun Coscienza Svizzera organisescha ina concurrenza davart la plurilinguitad per las classas dal stgalim secundar I. Las scolaras ed ils scolars pon trametter in manuscrit fin ils 2 da mars 2018. Sche quel gudogna, survegnan els ils meds per realisar in film curt durant l’onn 2018.

www.parlounaltralingua.ch

Festival da film GaYA

8. favrer 2018 / Concurrenza da scola / Cumpetenza da medias

A chaschun dal Festival da film GaYA «My Alps – My Chance» èn ils giuvenils envidads a producir clips da video davart ina tematica alpina. Il termin d’inscripziun è fixà sin ils 31 da matg. Ils 15 megliers clips vegnan preschentads a Chambéry ils 30 da november u il 1. da december 2018.

www.alpine-space.eu

Di digital 2017: Concurrenza per scolas

5. settember 2017 / Concurrenza da scola

digitalswitzerland organisescha ina concurrenza davart «smartphones, applications, robots and cie – co influenzeschan els mia vita quotidiana en scola, mes avegnir e mia vita?» Giuvenils tranter 6 e 19 onns pon inoltrar videos tar il tema en lavur singula u en classa fin ils 31 d’october.

schulwettbewerb.digitaltag.swiss

bugnplay.ch 2018

13. settember 2017 / Concurrenza da scola

L’inscripziun per la concurrenza digitala per giuvenils tranter 8 e 20 onns è averta fin ils 31 da schaner 2018. Las scolaras ed ils scolars svizzers pon proponer, sulet u en gruppa, in project en la domena da gieus digitals, animaziun, code, robotica u multimedia.

bugnplay.ch

Concurrenza scientifica per giuvenils 2018

7. fanadur 2017 / Concurrenza da scola / MINT

Il termin d’inscripziun da la concurrenza naziunala Giuventetgna e scienza è fixà sin ils 15 d’october 2017. La finamira è d’encuraschar giuvens talents en la domena da las scienzas. Las lavurs ston cuntegnair ina dumonda scientifica e pon vegnir inoltradas sco lavurs da gruppa u lavur singula.

sjf.ch/nationaler-wettbewerb

Media Future Day concurrenza

16. zercladur 2017 / Concurrenza da scola

Per l’emprima giada organisescha Media Future Day 2017 er ina concurrenza da films curts. Participants da la Svizra (fin 30 onns) dastgan sa deditgar al tema «addicted» en in film che cuzza maximalmain 90 secundas. Fin ils 31 d’avust 2017 ston ils filmins esser vesaivels sin YouTube u Vimeo.

mediafutureday.ch

Syndicate content

Logo SEFRI

Logo EDK

Job