Rumantsch

Il pled rumantsch 2014

5. december 2014 / Rumantsch

Ensemen cun il public tschertga RTR ils 11 da december il pled rumantsch dal 2014. Il «raffader» è ì cun la plima l’onn passà, «arsuc» è stà il pled 2012 ed avant han las Rumantschas ed ils Rumantschs votà ensemen cun la giuria per «tgutglar» (2011). Has er Ti in’idea per in pled?

www.rtr.ch

Paraula: Tredeschin

12. november 2014 / Resursa didactica / Publicaziun / Rumantsch

«Tredeschin, lader fin, cura turnas?» Questa paraula raquinta dal tredeschavel uffant che sa cumprova tar il retg da Frantscha. Il text è adattà da Bettina Vital. Pia Valär enritgescha ed interpretescha questa istorgia cun sias illustraziuns significantas e cun umor. En vallader e rg.

chasaeditura.ch

Crestomat - Tge è il crestomat?

10. november 2014 / Resursa didactica / Publicaziun / Rumantsch

Dr. Clau è il protagonist dal nov comic rumantsch «Il Crestomat». Il comic duai cumparair en il turnus da mintgamai dus mais sco comic digital da var 20 paginas. Gratuit per in e scadin. Da chargiar giu sin tablet e telefonin smart u da giudair online sin la pagina-web.

www.crestomat.ch

Temp d'advent e Nadal en scola

24. november 2014 / Occurrenza / MINT / Resursa didactica / Rumantsch

Durant il pli bel temp da l’onn èsi era cool da far insatge spezial en scola. Perquai preschenta la redacziun d’educa.ch fegls da lavur cun poesias e teaters per il temp magic, chalenders d’advent online, istorgias ed autras surpraisas per giudair il temp d’advent en scola.

instrucziun.educa.ch

Di da romontsch 2014

22. october 2014 / Occurrenza / Rumantsch

Sco mintg’onn vegn il Di da romontsch (surs.) organisà da la CGRS. Quest onn ha el lieu ils 26 da november en la chasa da scola a Trun. L’avantmezdi è reservà per referats e lavuratoris. Suenter in gentar communabel vegn la radunanza generala tegnida ed in giast da surpraisa delectescha il public.

www.cgrs.ch

24. Dis da litteratura

24. october 2014 / Occurrenza / Publicaziun / Rumantsch

Sut il motto «Retro-Rumantsch» porschan ils Dis da litteratura discussiuns, vernissaschas multimedialas e musica armoniusa. Els han lieu da venderdi, ils 7 als 9 da november 2014 en la sala polivalenta Tircal a Domat. Pertge betg visitar questa occurrenza cun scolaras e scolars interessads?

www.litteraturarumantscha.ch

Monopoly Grischun – Da nov er en rumantsch

29. october 2014 / Resursa didactica / Publicaziun / Rumantsch

Il classicher dals gieus datti da nov er en rumantsch. Per amaturs dal Grischun u dal rumantsch è quest gieu perfetg. Il gieu cumprenda lieus da l'entir chantun. Dabot ir a Savognin cun skis? Cumprar ina chasa ad Arosa u pli gugent in hotel a Cuira? Faschai sez in viadi d'exploraziun!

www.liarumantscha.ch

TOP KIDS: Paraulas dals frars Grimm

27. october 2014 / Resursa didactica / Publicaziun / Rumantsch

RTR e la Lia Rumantscha publitgeschan cun lur nov disc cumpact da la seria TOP KIDS il davos disc cun paraulas dals frars Grimm. En il center stattan questa giada las mattas. Dunna Holla, Rampunella, la matta cun las stailas-marenghin ed autras accumpognan ils uffants en in mund plain magia.

www.liarumantscha.ch

Syndicate content

Logo SEFRI

Logo EDK

Job