Rumantsch

Lia Rumantscha cun nova pagina-web e nov logo

29. avrigl 2015 / Furmaziun cuntinuada / Rumantsch

Suenter il Pledari Grond survegn era la pagina-web da la LR ina parita dal tuttafatg nova. E sco gia il Pledari Grond sa basa ella sin l'interacziun e la participaziun dals utilisaders: els pon dar agens impuls e publitgar infurmaziuns, per exempel en la nova rubrica «chalender».

www.liarumantscha.ch

Furmaziun da stad: Dis da rumantsch

24. avrigl 2015 / Occurrenza / Rumantsch

Ils Dis da rumantsch dals 12 e 13 d’avust 2015 a la SAPGR porschan in vast program da furmaziun supplementara. Sper referats ed approfundaziun pratica e lavuratoris nua che las participantas ed ils participants survegnan agids didactics èn ils avantmezdis deditgads al perfecziunament linguistic.

www.phgr.ch

Minisguard: Uffants en l’internet

25. favrer 2015 / Resursa didactica / Rumantsch

Èn ils uffants grischuns conscients dals privels ch’i dat en l’internet? In studi beltg pretenda che blers uffants beltgs possian ir en l’internet senza surveglianza dals geniturs. Co è quai tar ils uffants grischuns? E quant gronds èn ils privels propi? Il Minisguard va a la tschertga da respostas.

www.simsalabim.rtr.ch

Cudesch d’uffants: Il purschè Léon

23. favrer 2015 / Resursa didactica / Publicaziun / Rumantsch

En il cudesch biling sursilvan e tudestg è il purschè Léon l’actur principal. Il purschè ha savens nauscha luna ed el ha era lungurus. Pli savens ch’el ha lungurella e pli savens ch’el ha nauscha luna. Da retrair en mintga libraria ni tar la Lia per il pretsch da frs. 14.00.

www.liarumantscha.ch

Concurrenza da scriver per fabuluns e poetins

20. favrer 2015 / educa.ch / Rumantsch

Cun la concurrenza fabuluns e poetins vul la Lia Rumantscha promover il plaschair da scriver dals uffants, giuvenils e giuvens creschids da 9 fin 25 onns. Il 2015 pon els scriver davart il tema «En 10 onns». La concurrenza ha lieu mintga dus onns. Il termin d’annunzia è ils 31 da matg 2015.

www.liarumantscha.ch

CEDID: Exercizis da concentraziun per uffants

28. schaner 2015 / Resursa didactica / Publicaziun / Rumantsch

En il Center didactic online chattan ins fegls da lavur per megliurar la concentraziun. A moda divertenta e cun bels dissegns d’animals pon ils uffants elavurar en lavur singula passa 30 exercizis. Ils fegls en sursilvan èn adattads per il stgalim primar.

instrucziun.educa.ch

iBook e cudesch: mintgin_cuschin

23. schaner 2015 / Resursa didactica / Publicaziun / Rumantsch

mintgin_cuschin è in nov med sursilvan per cuschinar. Cun blers recepts, cun agid da fotografias e videos ès el in bun agid per tut ils novizs en cuschina. Oravant tut las scolars ed ils scolars vegnan ad appreziar la lavur cun l’iBook. Per telechargiar gratuitamain u da cumprar sco cudesch.

www.surselva-romontscha.ch

Nov’ediziun: L'emprendist striun

23. schaner 2015 / Resursa didactica / Publicaziun / Rumantsch

L'emprendist striun Flo vul exnum emprender da striunar. Cura ch'il vegl maister striun sto ir in di en citad, emprova Flo ora in verset da striegn. Ed i gartegia: las scuas van e van per aua. Ina paraula (RG) per uffants da 5 fin 12 onns cun poster miraculus, DC cun musica e models per dissegnar.

www.zauberlehrlinge.ch

Biografias linguisticas rumantschas

21. schaner 2015 / Publicaziun / Rumantsch

Co vivan persunas da lingua rumantscha en il Grischun lur situaziun linguistica? Tge relaziun han els cun lur lingua materna periclitada? La publicaziun «Sprachwelten – Munds da linguas» da Renata Coray e Barbara Strebel mussa diesch persunas dal Grischun che raquintan da lur vita.

www.chatta.ch

Uffants: «Il beschin nair chatta seis meglder ami»

3. december 2014 / Resursa didactica / Publicaziun / Rumantsch

Il cudesch d’uffants en vallader «Il beschin nair chatta seis meglder ami» da Heidi Laurent-Domenig è cumparì. L’aventura cumenza cun in asen che n’è betg gugent sulet. El viva en ina stalla ed è trist perquai che tschels asens al rian ora. Il cudesch pon ins retrair per il pretsch da CHF 22.-.

www.liarumantscha.ch

Syndicate content

Logo SEFRI

Logo EDK

Job