Rumantsch

25avels Dis da litteratura Domat

17. zercladur 2015 / Occurrenza / Rumantsch

Ils Dis da litteratura porschan discussiuns, vernissaschas multimedialas e musica ed han lieu dals 6 als 8 da november 2015 en la sala polivalenta Tircal a Domat. Il venderdi saira è reservà al poetry slam. Pertge betg visitar questa occurrenza cun scolaras e scolars interessads?

www.litteraturarumantscha.ch

Co ha num questa planta?

26. zercladur 2015 / Resursa didactica / Publicaziun / Rumantsch

Ils documents preschentan las plantas indigenas las pli derasadas e gidan a las distinguer. Las plantas da feglia da l’Europa Centrala appartegnan a: ischis, ogna, badugns, charpins, chagliastretgs, faus, fraissens, fegliaspinas u ilaischems, paplas, ruvers, saleschs, figniclers, tigls ed ulms.

www.chatta.ch

Forum Helveticum

14. fanadur 2015 / Rumantsch

Tar quest forum per la chapientscha culturala chattan ins infurmaziuns actualas, publicaziuns, caricaturas, registraziuns e bler dapli davart la chapientscha tranter las cuminanzas linguisticas en Svizra. La plattafurma è averta: remartgas, infurmaziuns e documents èn bainvegnids.

forum-helveticum.ch

Ulrich Vital - Ils simbols populars e lur misteri

9. fanadur 2015 / Resursa didactica / Publicaziun / Rumantsch

Sco simbols pon servir segns, figuras ed objects che ans mussan la via dal mund exteriur, material vers quest interiur, spiritual. La reediziun en vallader e tudestg da l’Uniun dals Grischs po vegnir retratga per il pretsch da 60.00 CHF tar la Lia Rumantscha u tar tut las librarias.

www.liarumantscha.ch

Broschura: Tgira da confamigliars attempads

29. zercladur 2015 / Resursa didactica / Publicaziun / Rumantsch

Sin fundament dal svilup demografic è in'assistenza adequata da persunas che basegnan tgira ina gronda sfida per il provediment da la sanadad. La tgira tras confamigliars daventa perquai adina pli impurtanta. La broschura porscha vastas infurmaziuns a las persunas che tgiran lur confamigliars.

www.gr.ch

Cudesch d'uffants: Il grond sgol da Marmottin

1. zercladur 2015 / Resursa didactica / Publicaziun / Rumantsch

La nov’ediziun da la Chasa editura per sursilvan e rumantsch grischun: Finalmain, la savur da primavaira! Ussa dastga Marmottin vegnir or da la tauna e magliar il venter plain. Ma i dat era bler d'emprender: per exempel co far guardia e co dar in dretg tschivel en cas da privel.

chasaeditura.ch

Plazza: «Rumantscholina» a Cuira

18. matg 2015 / Rumantsch

La gruppa da gieus «Rumantscholina» a Cuira tschertga sin l’entschatta da l’onn da scola 2015/2016 ina nova mussadra! Has ti interess da tgirar ina gruppa d’uffants tranter 3 e 4 onns cun ragischs rumantschas ina giada per emna per ca. 2 1/2 uras? Robert Stecher sa legra sin las annunzias.

www.scolina.ch

Mussavia electoral 2015 er en rumantsch

11. matg 2015 / Occurrenza / Resursa didactica / Rumantsch

En vista a las elecziuns dal nov cussegl naziunal da l’atun proxim ha Corina Casanova preschentà a las medias il proceder ed il mussavia electoral per l’elecziun dals 200 represchentantas e represchentants dal pievel en il cussegl naziunal. La pagina-online datti en tschintg linguas.

www.ch.ch

Champ da vacanzas per uffants rumantschs

4. matg 2015 / Occurrenza / Rumantsch

Durant ils 19 – 24 da fanadur 2015 s’entaupan uffants rumantschs en la vegliadetgna da scola da l’Engiadina, dal Grischun central, da la Surselva e da la Bassa en in champ da vacanzas. Els van a la tschertga da cristals ed aur en las vals e muntognas enturn la tgina dal Rain.

www.rumantsch.ch

Lia Rumantscha cun nova pagina-web e nov logo

29. avrigl 2015 / Furmaziun cuntinuada / Rumantsch

Suenter il Pledari Grond survegn era la pagina-web da la LR ina parita dal tuttafatg nova. E sco gia il Pledari Grond sa basa ella sin l'interacziun e la participaziun dals utilisaders: els pon dar agens impuls e publitgar infurmaziuns, per exempel en la nova rubrica «chalender».

www.liarumantscha.ch

Syndicate content

Logo SEFRI

Logo EDK

Job