Rumantsch

Concurrenza da scriver: Ils morts da Falein

26. october 2015 / Resursa didactica / Rumantsch

Ensemen cun l’Uniun Parc Ela, il Servetsch archeologic dal GR, Somedia ed il Bergfahrt Festival ha la Lia Rumantscha lantschà la concurrenza criminala «Ils morts da Falein»: ella tschertga la meglra istorgia davart la scuverta dad ossa misteriusa a Falein. La fin d’annunzia è ils 31-12-2015.

www.parc-ela.ch

Nova app: Falleri Fallera

3. settember 2015 / Resursa didactica / Rumantsch

Ti ès en in champ d'uffants e vuls chantar da cuminanza. Ma co gieva il text? Cun in clic pos ti telechargiar passa 1'600 texts da chanzuns. Chanzuns popularas, chanzuns da festa, chanzuns d’uffants, chanzuns da Nadal u l’imni svizzer - en tudestg, franzos, talian, rumantsch ed englais.

www.appshopper.com

Nov med d’instrucziun: Verbs e grammatica RG

30. settember 2015 / Resursa didactica / Rumantsch

Quest cudesch duai servir a la scolara ed al scolar sco manual simpel e pratic per chattar a moda svelta agid en dumondas elementaras davart ils verbs e la grammatica. El cuntegna ina selecziun generusa dals verbs frequents. Da retrair per il pretsch da 29.40 CHF.

www.liarumantscha.ch

«Siador» - Med da lingua per la 9avla classa

30. settember 2015 / Resursa didactica / Publicaziun / Rumantsch

Il med modern cumpiglia quatter cudeschs da lavur, commentaris, in disc cumpact sco era ina plattafurma digitala. La lavur cuntinuescha dentant. «Ils meds en rumantsch grischun èn la basa per ils divers meds idiomatics che vegnan ussa dads en lavur», ha il schef dal departament Martin Jäger ditg.

www.chatta.ch

Plima d’aur/Pledpierla 2015: in grond success

29. settember 2015 / Resursa didactica / Rumantsch

La concurrenza da scriver Plima d’aur/Pledpierla che la Lia Rumantscha ha lantschà da nov ha gì in success nunspetgà. En tut han pudì vegnir giuditgads 184 texts ladins, 32 sursilvans e 45 surmirans e sutsilvans. La premiaziun ha lieu gievgia, il 1. d’october 2015 en differents lieus.

www.liarumantscha.ch

Med online: Chapeschas?

25. settember 2015 / Rumantsch

La Scol’auta da pedagogia GR ha en il rom dal program da lavur 2012-2014 dal Center da cumpetenza per plurilinguitad creà en collavuraziun cun RTR in med online gratuit per recepir a moda passiva la lingua rumantscha. Oravant tut è la pagina adattada per interessents da lingua tudestga.

chapeschas.ch

Poetry slam rumantsch

21. settember 2015 / Occurrenza / Rumantsch

Il venderdi, ils 6-11-2015 ha lieu l’occurrenza «Poetry Slam». Artists dal pled rumantsch e giasts prelegian istorgias, poesias, dialogs e scenettas – gia scrittas u improvisadas live on stage. A la fin elegia l’auditori il victur/la victura cun applaus. Has ti era gust da prender part?

www.litteraturarumantscha.ch

Di da las linguas

8. settember 2015 / Occurrenza / Resursa didactica / Rumantsch

Ils 26 da settember è il di da las linguas cun las finamiras da promover la diversitad linguistica e l’emprender linguas durant l’entira vita. La broschura elavurada da la CDEP «Ideas per l’instrucziun» reunescha impuls, guaffens ed ideas activas ch’ins po adina utilisar en l’instrucziun (tudestg).

www.edk.ch

Nov fascichel dal Dicziunari Rumantsch Grischun

27. fanadur 2015 / Resursa didactica / Publicaziun / Rumantsch

Il fascichel dubel 182/183 gist cumparì cuntegna tranter auter ils artitgels MELLAN, MENDA, MENDER, ils prenums MEN e MENGIA ed il cumenzament da l’artitgel MERDA. Il nov fascichel pudais Vus retrair en la butia online dal DRG per il pretsch da 52.00.

www.drg.ch

Las istorgias dal consorzi da scola Trun/Sumvitg

20. fanadur 2015 / Rumantsch

Ils scolars e las scolaras da la segunda secundara dal consorzi da scola Trun/Sumvitg han scrit trais istorgias e tramess ellas al Minisguard. La primavaira han els pudì vegnir en il studio dal Radio Rumantsch per registrar lur istorgias. Qua chattais vus las istorgias.

www.minisguard.ch

Syndicate content

Logo SEFRI

Logo EDK

Job