Rumantsch

Dieta da spezialists a Cuira: Tudestg sco lingua estra

14. december 2015 / Occurrenza / Rumantsch / Furmaziun cuntinuada

La 12avla dieta s’occupa cun la promoziun da la lingua da scola che vegn duvrada en tut ils roms. Senza ina buna enconuschientscha da la lingua da scola na pon ils cuntegns dals differents roms betg vegnir recepids; ella è la clav per recaltgar savida. La dieta ha lieu ils 19/03/2016 a la SapGR.

www.phgr.ch

Minisguard: Terror a Paris

27. november 2015 / Rumantsch / Resursa didactica

Gia per la segunda gia han terrorists attatgà la chapitala da la Frantscha quest onn. La pli gronda part dals terrorists che han fatg questas attatgas èn sezs Franzos. Il Minisguard declera tge influenza che l’istorgia ed intgins quartiers pon avair sin ils terrorists.

www.minisguard.ch

Monopoly Grischun

17. november 2015 / Rumantsch / Publicaziun

Monopoly datti era en ina versiun dal chantun Grischun en rumantsch grischun e tudestg. L’idea da realisar in agen monopoly per il chantun grischun ha gì Grischun Vacanzas. Il gieu pon ins retrair tar la Lia Rumantscha ed en tut las librarias che vendan products rumantschs. El custa 79.90 francs.

www.liarumantscha.ch

Bluztgers e talers - Istorgia da la munaida

26. november 2015 / Rumantsch / Resursa didactica / Publicaziun

Il territori da las anteriuras Trais Lias è caracterisà d’ina istorgia numismatica unica en Svizra. Las diesch differentas instanzas da batter munaida han procurà per bleras variaziuns da munaida. Il 958 ha l’imperatur Otto accordà a l’uvestg Hartpert da Cuira il privilegi da batter munaidas.

www.chatta.ch

CEDID: Tema Nadal

27. november 2015 / Rumantsch / Resursa didactica

En il Center didactic online chattais Vus fegls da lavur, texts, posias e chanzuns per il temp da Nadal. Il material en plirs idioms è adattà per differents stgalims. Forsa vulais era Vus inserir nov material cun la bella tematica d’advent, Son Niclà e Nadal?

instrucziun.educa.ch

Istorgias da l‘internet er per rumantsch

24. november 2015 / Rumantsch / Resursa didactica / Publicaziun / Cumpetenza da medias

La publicaziun da l’Uffizi federal da communicaziun cun pitschnas istorgias da l’internet è vegnida surlavurada cumplettamain. En consequenza dal svilup tecnologic e da la preschientscha rasanta d’apparats mobils sco smartphones e tablets stat ella a disposiziun en tut las linguas naziunalas.

www.thewebsters.ch

Material da rumantsch per ils pitschens

13. november 2015 / Rumantsch / Resursa didactica

kidsfits, il nov program da famiglia da la Lia Rumantscha, è ina purschida per famiglias, canortas, gruppas da gieu e scolinas. Sin la pagina-web pon ins cliccar sin kidsfits ed alura eleger l‘idiom. Sut «meds» sa chattan: cartinas cun maletg e pleds, chanzuns e versets ed anc auter.

www.liarumantscha.ch

Publicaziun: Mintga di - 14 auturas ed auturs

29. november 2015 / Rumantsch / Resursa didactica / Publicaziun

Quest cudesch cun dies liber vegn edì sco rimnada da carnets. Ils fascichels cun ina cuverta colurada èn deditgads mintgamai ad in tema. 14 auturas ed auturs èn da la partida. Sin bunamain mintga pagina datti fotograms e pleds che vegnan preschentads en tut ils idioms ed en tudestg.

chasaeditura.ch

Cudesch da giuvenils: In nivel per cumià

16. october 2015 / Resursa didactica / Publicaziun / Rumantsch

In nivel dissegna Bram sco cumià per sia sora gronda. In nivel che vegn adina ad esser qua, era sche Fran n'è betg pli. Fran mora cun deschset onns da cancer da l'ossa. Ella ha mess ses accents, en la vita ed en la musica. In'istorgia undrada cun il renumà premi beltg per cudeschs da giuvenils.

www.chatta.ch

Di da rumantsch CGS 2015

28. october 2015 / Rumantsch

Ils 25 da november 2015 ha lieu il Di da rumantsch Sursilvan en la Chasa da sentupada da las soras dominicanas a Glion. L’avantmezdi vul dar impuls e promover collavuraziuns. Il suentermezdi è deditgà a la radunanza generala annuala. In giast da surpraisa arrundescha il di. S’annunziar online.

www.cgsurselva.ch

Syndicate content

Logo SEFRI

Logo EDK

Job