Rumantsch

Di da rumantsch 2016

12. fanadur 2016 / Occurrenza / Rumantsch

Sco annunzià è la realisaziun dal Di da rumantsch da quest onn in project da cuminanza tranter la LR e las trais conferenzas scolasticas CRGC, CGL e CGS. Il Di da rumantsch communabel ha lieu ils 9 da november 2016 a Landquart el Forum. Avantmezdi: referats; suentermezdi: radunanzas generalas.

www.conferenza.ch

Lia Rumantscha duai daventar pli transparenta

13. zercladur 2016 / Rumantsch / Societad d'infurmaziun

La Lia Rumantsch ha envidà ad ina dieta publica a Cuira. En workshops èsi vegnì discutà davart tematicas relevantas. Igl è vegnì giavischà che las structuras daventian pli transparentas. Er duessan Rumantschs e Rumantschas che vivan ordaifer il territori rumantsch vegnir integrads meglier.

www.rtr.ch

Cudesch davart cancer

22. avrigl 2016 / Rumantsch / Resursa didactica / Publicaziun

In nivel dissegna Bram sco cumià per sia sora gronda. In nivel che vegn adina ad esser qua, era sche Fran n'è betg pli cun els. Fran mora cun deschset onns da cancer da l'ossa. Ella ha mess ses accents, en la vita ed en la musica. Il cudesch rumantsch grischun è adattà per il stgalim aut.

www.chatta.ch

Ta registrescha per Tia lingua

9. december 2015 / Rumantsch

30’000? 60’000? U la finala schizunt 100’000? Igl è difficil d’eruir precis quantas persunas che discurran e chapeschan rumantsch. Perquai dumbra la Lia Rumantscha fin il 2019 (giubileum da 100 onns) las Rumantschas ed ils Rumantschs. Ta registrescha per tia lingua online.

www.liarumantscha.ch

Confederaziun avertescha en cas da privels

4. december 2015 / Rumantsch / Resursa didactica

La Confederaziun infurmescha ed avertescha la populaziun, las medias e las autoritads en cas da privels da la natira smanatschants danovamain era per rumantsch. Ils posts spezialisads federals sa coordineschan en in comité directiv LAINAT. Il portal vegn actualisà ura per ura.

www.privels-natira.ch

Lectura sursilvana per uffants: Il Vamperlin

5. schaner 2016 / Rumantsch / Resursa didactica / Publicaziun

"Na, qua na datti betg!", di Dunna Lucia cura ch'ella chatta in pitschen vampir en sia abitaziun. Suenter avair magunà l’emprim starment sa decida ella da nutrir il Vamperlin cun il gutter… in’istorgia cun cor ed umor. Il cudesch è da retrair per il pretsch da fr. 10.00.

www.liarumantscha.ch

Nov cudesch da fantasy: Emalio

30. november 2015 / Rumantsch / Resursa didactica / Publicaziun

L’emprim roman da fantasy sursilvan scrit da duas giuvnas auturas sut la batgetta da la Chasa Editura Rumantscha è qua. Il retg conquista cun sia armada adina dapli regiuns. Il pievel dad Uldauns vegn chatschà adina pli fitg a chantun. Emalio va a la tschertga dals centaurs...

chasaeditura.ch

Cartulinas cun proverbis en puter

7. schaner 2016 / Rumantsch / Resursa didactica / Publicaziun

Questas cartulinas èn vegnidas stgaffidas d’ina gruppa da Samedrinas e Samedrins ed han la finamira da promover il rumantsch e da multiplitgar uschia la preschientscha da nossa lingua e cultura. Mintga proverbi è enramà d’ina illustraziun e porta la translaziun tudestga.

www.liarumantscha.ch

Ultim Top Kids: Oh, tge bel è Panama

16. december 2015 / Rumantsch / Resursa didactica / Publicaziun

Il pitschen tigher ed il pitschen urs èn buns amis. In bel di chatta il pitschen tigher ina chista da lain cun scrit si «Panama». La chista savura da bananas. Perquai ch'els han gugent bananas, decidan l'urs ed il tigher dad ir a tschertgar Panama. Quai sto bain esser il pajais da lur siemis.

www.liarumantscha.ch

Reediziun sursilvana: 24 istorgias d’advent

11. schaner 2016 / Rumantsch / Resursa didactica / Publicaziun

Ina saira cupitga l’anghelet cun in chapitscha da misarocla giu dal tschiel. El è a la tschertga d’in regal tut spezial. Las 24 istorgias d’advent d’auturas e d’auturs enconuschents cun illustraziuns fascinantas è in bellezza cudesch per preleger u per leger sez.. en 11 mais èsi puspè uschè lunsch.

www.liarumantscha.ch

Syndicate content

Logo SEFRI

Logo EDK

Job