Publicaziun

iBook e cudesch: mintgin_cuschin

23. schaner 2015 / Resursa didactica / Publicaziun / Rumantsch

mintgin_cuschin è in nov med sursilvan per cuschinar. Cun blers recepts, cun agid da fotografias e videos ès el in bun agid per tut ils novizs en cuschina. Oravant tut las scolars ed ils scolars vegnan ad appreziar la lavur cun l’iBook. Per telechargiar gratuitamain u da cumprar sco cudesch.

www.surselva-romontscha.ch

Nov’ediziun: L'emprendist striun

23. schaner 2015 / Resursa didactica / Publicaziun / Rumantsch

L'emprendist striun Flo vul exnum emprender da striunar. Cura ch'il vegl maister striun sto ir in di en citad, emprova Flo ora in verset da striegn. Ed i gartegia: las scuas van e van per aua. Ina paraula (RG) per uffants da 5 fin 12 onns cun poster miraculus, DC cun musica e models per dissegnar.

www.zauberlehrlinge.ch

Biografias linguisticas rumantschas

21. schaner 2015 / Publicaziun / Rumantsch

Co vivan persunas da lingua rumantscha en il Grischun lur situaziun linguistica? Tge relaziun han els cun lur lingua materna periclitada? La publicaziun «Sprachwelten – Munds da linguas» da Renata Coray e Barbara Strebel mussa diesch persunas dal Grischun che raquintan da lur vita.

www.chatta.ch

«Emprender è magia»

10. schaner 2015 / Publicaziun

En in’intervista declera il president da la scola politecnica ETH pertge che l’ETH prenda mo part en furma selectiva al trend da curs per distanza. Per cumplettar l’instrucziun fetschian tals senn. Emprender sco impuls per patratgar dentant haja lieu en contact cun ils conumans.

www.nzz.ch

Uffants: «Il beschin nair chatta seis meglder ami»

3. december 2014 / Resursa didactica / Publicaziun / Rumantsch

Il cudesch d’uffants en vallader «Il beschin nair chatta seis meglder ami» da Heidi Laurent-Domenig è cumparì. L’aventura cumenza cun in asen che n’è betg gugent sulet. El viva en ina stalla ed è trist perquai che tschels asens al rian ora. Il cudesch pon ins retrair per il pretsch da CHF 22.-.

www.liarumantscha.ch

Bellas festas da Nadal e bun di – bun onn

18. december 2014 / Publicaziun

In cordial engraziament a tut las lecturas e tut ils lecturs per Voss interess al Server svizzer da la furmaziun. Il team d’educa.ch As giavischa legraivlas e bellas festas da Nadal. Stai si legher e giai cun schlantsch e plaschair tras l’onn 2015.

news.educa.ch

Plitsch Platsch - cudeschet da versets per uffants fin 6 onns

18. december 2014 / Resursa didactica / Publicaziun / Rumantsch

Plitsch Platsch è in nov product da la Lia Rumantscha. Il cudeschet da 23 paginas cuntegna vers e versets per pitschens e pitschnins. Ils texts ha scrit Rut Plouda. Plitsch Platsch cumpara en tut ils idioms ed ins al po retrair per il pretsch da CHF 12.–.

www.liarumantscha.ch

Paraula: Tredeschin

12. november 2014 / Resursa didactica / Publicaziun / Rumantsch

«Tredeschin, lader fin, cura turnas?» Questa paraula raquinta dal tredeschavel uffant che sa cumprova tar il retg da Frantscha. Il text è adattà da Bettina Vital. Pia Valär enritgescha ed interpretescha questa istorgia cun sias illustraziuns significantas e cun umor. En vallader e rg.

chasaeditura.ch

Crestomat - Tge è il crestomat?

10. november 2014 / Resursa didactica / Publicaziun / Rumantsch

Dr. Clau è il protagonist dal nov comic rumantsch «Il Crestomat». Il comic duai cumparair en il turnus da mintgamai dus mais sco comic digital da var 20 paginas. Gratuit per in e scadin. Da chargiar giu sin tablet e telefonin smart u da giudair online sin la pagina-web.

www.crestomat.ch

Sa participar a la vita

14. november 2014 / Publicaziun

UNICEF Svizra e l’Universitad da Turitg han preschentà ils resultads d’in project da retschertga realisà tranter il 2012 ed il 2014. La finamira da quest project era da studegiar las pussaivladads da participaziun dals uffants e dals giuvenils en l’ambient famigliar, scolastic e communal (tudestg).

www.unicef.ch

Syndicate content

Logo SEFRI

Logo EDK

Job