Publicaziun

Studi JIM 2016

22. november 2016 / Publicaziun / Cumpetenza da medias

Ils emprims resultats da quest studi davart l’utilisaziun da medias da giuvenils tranter 12 e 19 onns en Germania è vegnida publitgada: 95% dovran regularmain WhatsApp per communitgar e Facebook perda adina dapli users. Il diever da las plattafurmas da social media mida cun la vegliadetgna.

www.mpfs.de

Nova presidenta da la CDEP

28. october 2016 / Publicaziun

La Conferenza svizra da las directuras e dals directurs chantunals da l'educaziun publica ha elegì ina nova presidenta. Suenter Christoph Eymann è Silvia Steiner, cussegliera guvernativa da Turitg, la nova presidenta da la conferenza. Susanne Hardmeier vegn nova secretaria generala da la CDEP.

www.edk.ch

«Generaziun stress?»

17. october 2016 / Publicaziun / Societad d'infurmaziun

Il Barometer da la giuventetgna da la Credit Suisse 2016 realisà en Svizra, Brasilia, a Singapur ed en ils Stadis Unids revelescha ch’ils giuvenils vulan sa profitar da la purschida mundiala cun lur smartphones ed apps. Adina e dapertut esser cuntanschibel maina dentant tar ina «generaziun stress».

www.credit-suisse.com

Gieus da video: gea u na?

19. settember 2016 / Publicaziun / Internaziunal

In studi fatg a Madrid cun uffants da 7 a 11 onns ha mussà che giugar videos durant in’ura per emna porta avantatgs. Capacitads cognitivas e motoricas vegnan meglieradas. Surpassa il diever dals gieus dentant nov uras per emna è quai per ils uffants dischavantagius.

onlinelibrary.wiley.com

Social media sco funtauna da novitads

23. zercladur 2016 / Publicaziun / Internaziunal

Dal studi Digital News Report 2016 publitgà da l’Institut Reuters, Oxford, resulta che 44% da las persunas sut 35 onns nizzegian Facebook sco funtauna da novitads. Alura vegn Whatsapp cun 23% e Youtube cun 19%. La retschertga è vegnida fatga en 26 pajais.

www.persoenlich.com

L’avegnir digital da la Svizra

10. zercladur 2016 / Publicaziun

Il studi EPFL, per incumbensa da Swisscom e SIX, vegn tar la conclusiun che la Svizra ha in basegn d’agir tar ils temas Digital Literacy e Digital Economy. Il studi recumonda da betg mo promover las abilitads digitalas, mabain er da stgaffir in’enclegientscha per l’avegnir digital.

www.six-group.com

Mund da maletgs en la rait

22. zercladur 2016 / Publicaziun / Cumpetenza da medias

Saferinternet.at ha fatg ina retschertga online davart uffants e giuvenils e lur occupaziun cun maletgs en la rait. A la retschertga han uffants e giuvenils tranter 8 e 17 onns fatg part. Sin la pagina-web chattan ins ils resultats sco er ina survista dals resultats en furma pictografica.

www.saferinternet.at

Helveticus II - istorgia svizra animada

19. matg 2016 / Publicaziun / Resursa didactica

A moda divertenta vegn raquintà en «Helveticus» biografias ubain fatgs relevants d’istorgias da success en Svizra: Sophie Taeuber-Arp, Roger Federer etc. Helveticus po vegnir duvrà en scola per l’instrucziun civica, u er sco agid per l’instrucziun linguistica dal tudestg, talian u franzos.

www.rtr.ch

Foss digital tranter persunas d’instrucziun e scolars

16. matg 2016 / Publicaziun / Societad d'infurmaziun

A chaschun d’ina occurrenza davart la societad digitala a Berlin han giuvenils dal project «Youth Leadership Conference 2016» furnì ina contribuziun tar il tema «Tge pensan giuvenils da la #furmaziun digitala?». Lur facit: Furmaziun digitala è per bleras persunas d’instrucziun in pled ester.

re-publica.de

Cudesch davart cancer

22. avrigl 2016 / Rumantsch / Resursa didactica / Publicaziun

In nivel dissegna Bram sco cumià per sia sora gronda. In nivel che vegn adina ad esser qua, era sche Fran n'è betg pli cun els. Fran mora cun deschset onns da cancer da l'ossa. Ella ha mess ses accents, en la vita ed en la musica. Il cudesch rumantsch grischun è adattà per il stgalim aut.

www.chatta.ch

Syndicate content

Logo SEFRI

Logo EDK

Job