Publicaziun

Nov studi davart cyberviolenza

6. favrer 2018 / Publicaziun / Internaziunal

Dapli che la mesadad dals uffants tranter 8 e 12 onns suffrescha d’almain in problem da cyberviolenza. Quai è in dals resultats da la retschertga tar passa 34’000 uffants en 29 pajais manà tras dal DQ (Digital Intelligence) Institute e dal Forum economic mundial.

www.weforum.org

Set mesiras per la scola dal futur

12. favrer 2018 / Publicaziun / Cumpetenza da medias

Il nov dossier politic d'economiesuisse enumerescha set pussaivladads co ch’il sistem da furmaziun svizzer po dumagnar la transfurmaziun digitala. Sin stgalim primar duessan per exempel ils roms matematica e lingua vegnir instruids per gronda part a moda digitala.

www.economiesuisse.ch

Dissegna tes futur

24. schaner 2018 / Publicaziun / Internaziunal

Il studi internaziunal da l’organisaziun nunguvernamentala englaisa NGO Education and Employers davart l’avegnir professiunal dals uffants tranter 7 ed 11 onns mussa ina fascinaziun per l’internet e las medias socialas. Professiuns da la domena MINT, Social Media e Gaming èn fitg popularas.

www.educationandemployers.org

Studi MEKIS – ils resultats

15. schaner 2018 / Publicaziun / Cumpetenza da medias

Il rapport e las recumandaziuns dal studi «Cumpetenza da medias en instituziuns staziunaras per agid a la giuventetgna» èn disponibels online. 361 persunas involvidas da 125 instituziuns da tut la Svizra han fatg part a la retschertga che ha gì lieu tranter il settember ed il november 2016.

www.mekis.ch

Guids EUN davart Bring Your Own Device

23. schaner 2018 / Ambient d'emprender digital / Publicaziun

L’Interactive Classroom Working Group da l’European Schoolnet (EUN) ha elavurà quatter guids da giaglioffa che dattan cussegls als manaders ed als responsabels dad IT en scolas per introducir a moda pratica Bring Your Own Device (BYOD). Quests guids èn disponibels per il mument unicamain en englais.

www.educa.ch

Sistem da furmaziun è preparà bain per la digitalisaziun

22. schaner 2018 / Publicaziun

En in artitgel cumparà en la «Volkswirtschaft» davart il tema digitalisaziun vegnan dus responsabels dal SEFRI tar la conclusiun ch’il sistem da furmaziun saja preparà bain per s’adaptar a la digitalisaziun, però stuessi l’infrastructura existenta vegnir nizzegiada meglier.

dievolkswirtschaft.ch

Savair è uman

4. december 2017 / Publicaziun / Societad d'infurmaziun

Heinz Rhyn, rectur da la SAP Turitg, sa deditgescha en quest artitgel dal Tagesanzeiger a la digitalisaziun en l’instrucziun. El admonescha da l’euforia cumplaina sco er da la tema areguard las novas pussaivladads. Percunter metta el gronda paisa sin infurmaziuns reflectadas.

www.tagesanzeiger.ch

Ambient digital d’emprender e d’instruir

1. december 2017 / Good Practice / Publicaziun

L’Associaziun svizra da telecommunicaziun (asut) ha publitgà in studi davart las scolas publicas svizras e la digitalisaziun. El ha la mira da far enconuschent projects ed iniziativas en scolas ed uschia avrir ina discussiun multifara.

asut.ch (pdf)

Tablet en l’instrucziun ...

12. december 2017 / Publicaziun / Cumpetenza da medias

En quest artitgel s’expriman ils responsabels da la Scola pedagogica da Schaffusa e lur magistraglia co che la digitalisaziun vegn a midar la furmaziun da scolastas e scolasts. Uschia vegn ICT a daventar ina «tecnica culturala, sco scriver e far quints a chau».

www.shn.ch

Uffants en il mund digital

14. december 2017 / Publicaziun / Societad d'infurmaziun

Il nov studi dad UNICEF davart la situaziun dals uffants en tut il mund s’occupa da la dumonda co che las tecnologias digitalas influenzeschan lur vitas e lur schanzas. El vegn tar la conclusiun che milliuns d’uffants na pon betg profitar perquai ch’els n’han betg access a la digitalisaziun.

www.unicef.de

Syndicate content

Logo SEFRI

Logo EDK

Job