Furmaziun cuntinuada

21. October 2011 / Resursa didactica / Furmaziun cuntinuada / Rumantsch

L’Institut dal DRG, fundà l’onn 1904, publitgescha il pli grond vocabulari rumantsch. Quel cuntegna l’entir stgazi da pleds da tut ils idioms e dialects, documentà dal 16avel tschientaner fin al di dad oz. Il DRG sa preschanta en la rait en nov vestgì.

www.drg.ch

18. October 2011 / Agenda / Exposiziun / Furmaziun cuntinuada

Il museum retic ha rimnà fotografias veglias e novas che mussan umans dal Grischun. L’introducziun per persunas d’instrucziun ha lieu ils 29 d’october, a las 9.00 – 11.00 uras. Per plaschair s’annunziar fin ils 21 d’october per telefon (081 257 48 33).

www.raetischesmuseum.gr.ch

3. August 2011 / Furmaziun cuntinuada

Ils «Dis da films curts» a Winterthur s’engascha per la mediaziun da films curts en l’instrucziun. Sper ina visita d’ in expert da film e material d’instrucziun datti ina furmaziun per scolastas e scolasts tar il film curt e ses diever. Termin d’annunzia è ils 30 da settember. (tudestg)

www.kurzfilmtage.ch

23. June 2011 / Agenda / Furmaziun cuntinuada / Rumantsch / Project da scola

Has ti gust da ta deditgar 2 dis al scriver? Il curs da scriver ha lieu la fin d’emna dals 27 e 28 d’avust 2011 a Vnà ed è avert per tut ils interessents. L’autura Angelika Overath ed il docent da litteratura Manfred Koch accumpognan il process da scriver. S'annunziar bainspert.

www.litteraturarumantscha.ch

18. May 2011 / Agenda / Furmaziun cuntinuada / Prevenziun / Project da scola

L'instrucziun da traffic da la polizia chantunala dal Grischun ha creà in char annex cun in parcours d'inschign che cuntegn elements d'exercizi interessants. Ils exercizis èn orientads a scolaras e scolars. Di da las portas avertas a Landquat è ils 25 da matg 2011.

www.suedostschweiz.ch

21. February 2011 / Furmaziun cuntinuada / Rumantsch

cultuRa+ promova il barat cultural e sustegna artistas ed artists e lur cultura d’origin rumantsch. Lur cultura stgaffescha access artistics al mund da la lingua rumantscha, raquinta per rumantsch u dat era mo in’egliada sin il mund rumantsch. cultuRa+ preschenta 5 occurrenzas.

www.liarumantscha.ch

7. June 2011 / Resursa didactica / Politica da furmaziun / Furmaziun cuntinuada

smartvote è in agid d'elecziun per tut las elecziuns en Svizra. A basa da dumondas vegnan elavurads ils profils politics dals candidats. Ins po alura respunder a las medemas dumondas. Uschia chattan ins ils politichers che correspundan il meglier a la tenuta politica persunala.

www.smartvote.ch

15. February 2011 / Furmaziun cuntinuada

Cumpetenza è la premissa per la qualitad da lavur. La “Furmaziun cuntinuada” da la SAPGR pussibilitescha in svilup persunal ed ina qualificaziun professiunala. Ils curs sa drizzan a mussadras, scolast(a)s, mainascolas, terapeut(a)s, a geniturs e cussegls da scola.

www.phgr.ch