Ambient d'emprender digital

Tablets duain remplazzar ils cudeschs da scola

7. zercladur 2017 / Good Practice / Ambient d'emprender digital

A chaschun d’in project da pilot en il chantun Lucerna èn pliras classas vegnidas equipadas cun tablets. Las experientschas èn stadas uschè positivas ch’il chantun cusseglia a las scolas d’acquistar quests apparats. La cumissiun da meds d’instrucziun vegn a s’occupar da la realisaziun.

www.luzernerzeitung.ch

393 apps per iPads evaluads

17. matg 2017 / Ambient d'emprender digital

Il Center fri-tic metta a disposiziun a las persunas d’instrucziun ina datoteca libra cun apps per iPads ch’èn vegnids evaluads dad experts. Fin uss è il focus mess sin 1. e 2. ciclus e sin la pedagogia speziala. La banca da datas è franzosa, ils apps èn però plurilings.

www.friportal.ch

TecDay ad Uster

19. avrigl 2017 / Ambient d'emprender digital / Occurrenza / MINT

Organisà da la Scola chantunala ad Uster en collavuraziun cun la SATW, porscha il «TecDay» als 470 scolars passa 34 moduls da la direcziun informatica, matematica e scienza. Mintga modul cuzza 90 minutas ed è manà d’ina persuna che deriva da la pratica. Uschia vegn il gust per la tecnica sveglià.

www.satw.ch

WSIS 2017

28. avrigl 2017 / Ambient d'emprender digital / Internaziunal

Il «World Summit on the Information Society» è la pli gronda reuniun annuala da la community «ICT e svilup». Questa occurrenza internaziunala a Genevra discutescha a moda profunda la rolla dad ICT per cuntanscher las finamiras d'in svilup persistent da nossa societad.

www.itu.int

Forum furmaziun digitalisaziun

21. mars 2017 / Ambient d'emprender digital / Cumpetenza da medias

Il Forum furmaziun digitalisaziun s’occupa da trais accents principals da la digitalisaziun: persunalisar l’emprender, sviluppar cumpetenzas e crear midaments. Sia pagina-web infurmescha dad occurrenzas, avra discussiuns e mussa svilups en la digitalisaziun ed en l’inclusiun da l’instrucziun.

www.forumbd.de

Ghemar per cumbatter debits

7. mars 2017 / Ambient d'emprender digital / Resursa didactica

Cun il gieu didactic «FinanceMission Heroes» s’engaschanl’Associaziun tetgala svizra da magistras e magisters MCH/LCH, SER e las bancas chantunalas svizras cuminaivlamain per augmentar la cumpetenza da finanzas dals giuvenils. Qua emprendan ils giuvenils ils princips da l’economia.

financemissionheroes.ch

Computers vegnan utilisads pauc

23. favrer 2017 / Ambient d'emprender digital / Publicaziun

Tenor il nov studi KIM (medias en la vita quotidiana d’uffants) han mo dus da tschintg uffants tranter 6 e 13 onns gia lavurà ina giada al computer en las scolas tudestgas. Però utiliseschan els lur computers per far ils pensums, scriver messadis e guardar videos sur YouTube.

www.mpfs.de

BYOD per la scola professiunala

27. favrer 2017 / Ambient d'emprender digital / Furmaziun cuntinuada

La EHB porscha a las persunas d’instrucziun da las scolas professiunalas ina retscha da curs per daventar fit en la tecnologia per in’instrucziun cun BYOD. L’emprima occurrenza ils 6 d’avrigl sa deditgescha a documentaziuns e preschentaziuns cun tablets e smartphones.

www.ehb.swiss

Furmaziun 4.0 – il futur da l’emprender

14. favrer 2017 / Identitad digitala / Ambient d'emprender digital / Occurrenza

Quant enavant è la furmaziun professiunala superiura e la furmaziun da creschids pertutgada da la quarta revoluziun industriala? È la digitalisaziun omnipreschenta mo in hype u ston ils acturs propi s’occupar da quest trend? A la dieta a Son Gagl datti las respostas latiers.

www.zbw.ch

Studi MINT

22. favrer 2017 / Ambient d'emprender digital / MINT

La ETH/SFP Turitg fa in studi a lung temp cun var 350 scolas svizras per meglierar l’instrucziun da la scienza natirala. Il studi MINT examinescha las enconuschientschas acquistadas durant las emprimas classas e la moda e maniera d’utilisar questa savida en il stgalim aut.

www.educ.ethz.ch

Syndicate content

Logo SEFRI

Logo EDK

Job