MINT

educamint.ch è online

18. fanadur 2017 / MINT

La nova plattafurma educamint.ch è online. La purschida engrondida remplazza educa.MINT. Ella furnescha infurmaziuns concernent novitads, occurrenzas, dat cussegls e porscha material ed exempels or da la pratica per l’instrucziun dals roms MINT.

educamint.ch

Concurrenza scientifica per giuvenils 2018

7. fanadur 2017 / Concurrenza da scola / MINT

Il termin d’inscripziun da la concurrenza naziunala Giuventetgna e scienza è fixà sin ils 15 d’october 2017. La finamira è d’encuraschar giuvens talents en la domena da las scienzas. Las lavurs ston cuntegnair ina dumonda scientifica e pon vegnir inoltradas sco lavurs da gruppa u lavur singula.

sjf.ch/nationaler-wettbewerb

Plan d’acziun per la digitalisaziun

5. fanadur 2017 / Cumpetenza da medias / MINT

Il Cussegl federal ha prendì per enconuschientscha il «Plan d’acziun per la digitalisaziun en la domena da la furmaziun ed innovaziun per ils onns 2019 – 2020». El preveda da rinforzar la digitalisaziun en la furmaziun ed en la retschertga. Perquai vegn mess a disposiziun daners supplementars.

www.admin.ch

Nova plattafurma educamint.ch

28. zercladur 2017 / MINT

Las purschidas sin educa.MINT dattan a las persunas d’instrucziun impuls nizzaivels per instruir roms da MINT. Per engrondir e render pli interessant la purschida, concepescha la SATW da preschent ina nova plattafurma extendida. Quella vegn a remplazzar educa.MINT a partir da mez fanadur.

www.educamint.ch

Fascinaziun informatica

19. zercladur 2017 / Occurrenza / MINT

Scienza e giuventetgna organisescha dals 10 als 16 da settember 2017 in’emna da studi per giuvenils tranter 16 e 20 onns. Ils participants pon experimentar da programmar differents projects e vegnan sustegnids d’experts da las scolas autas. Termin d’inscripziun è ils 17 d’avust.

sjf.ch

Roboter Thymio

4. matg 2017 / Resursa didactica / MINT

La pagina uffiziala dal roboter Thymio metta a disposiziun a las scolas bler material per l’instrucziun adaptà als stgalims da scola. Il project «1, 2, 3… codai!» è ina cumpletta introducziun en l’informatica per l’emprim ed il segund ciclus – dals emprims pass fin a la programmaziun.

www.thymio.org

TecDay ad Uster

19. avrigl 2017 / Ambient d'emprender digital / Occurrenza / MINT

Organisà da la Scola chantunala ad Uster en collavuraziun cun la SATW, porscha il «TecDay» als 470 scolars passa 34 moduls da la direcziun informatica, matematica e scienza. Mintga modul cuzza 90 minutas ed è manà d’ina persuna che deriva da la pratica. Uschia vegn il gust per la tecnica sveglià.

www.satw.ch

Studis MINT

24. avrigl 2017 / Publicaziun / MINT

La nova publicaziun da l’Uffizi federal da statistica rapporta da las studentas e dals students che frequentan studis cun ils roms da MINT (matematica, informatica, scienza natirala, tecnica). Ella dat ina survista statistica da las plazzas da studi e davart l’origin dals students e lur mobilitad.

www.bfs.admin.ch

Studi MINT

22. favrer 2017 / Ambient d'emprender digital / MINT

La ETH/SFP Turitg fa in studi a lung temp cun var 350 scolas svizras per meglierar l’instrucziun da la scienza natirala. Il studi MINT examinescha las enconuschientschas acquistadas durant las emprimas classas e la moda e maniera d’utilisar questa savida en il stgalim aut.

www.educ.ethz.ch

Education Digital

24. schaner 2017 / Cumpetenza da medias / MINT / Furmaziun cuntinuada

Questa nova plattafurma è in’iniziativa naziunala da digitalswitzerland cun la mira da sustegnair interpresas svizras en il sectur digital. Education Digital porscha ina survista transparenta davart scolaziuns e furmaziuns cuntinuadas da partenaris privats e publics.

www.educationdigital.ch

Syndicate content

Logo SEFRI

Logo EDK

Job