MINT

Primalogo - Furmaziun d'ICT

6. matg 2016 / Cumpetenza da medias / MINT

La SAP Lucerna porscha a las scolas in project d’instrucziun ch‘explitga als uffants entaifer tschintg mez-dis co che computers funcziunan. Els emprendan da solver pensums cumplexs, da sviluppar musters matematics e programs sco er in concept da basa dals computers.

primalogo.phlu.ch

Center didactic: Matematica 3-6

23. avrigl 2016 / Resursa didactica / MINT

En la matematica valan ils giatters da dumbers sco quantitad regulara. Cun questa tabella en il format excel datti bleras pussaivladads da crear novs giatters per las scolaras ed ils scolars da la 3. fin la 6. classa. Cun smatgar il buttun F9 vegnan novs giatters generads.

instrucziun.educa.ch

Discovery Week

1. avrigl 2016 / Occurrenza / MINT

Il Technorama Winterthur porscha 2016 per l’emprima giada ina Discovery Week durant las vacanzas da stad. Giuvenils che s’interesseschan per la scienza natirala ed èn tranter 12 e 16 onns pon vegnir a savair dapli da metodas da lavurar scientificamain. Termin d’annunzia è il 31 da matg 2016.

www.technorama.ch

PhaenoNet

1. avrigl 2016 / Resursa didactica / MINT

Lantschada da pliras organisaziuns, tranter auter da Globe Suisse, pussibilitescha la plattafurma PhaenoNet da registrar e da parter observaziuns stagiunalas davart la natira. Laics, scolaras e scolars, studentas e students sco er persunas d’instrucziun èn envidads da far part.

www.phaenonet.ch

Scola da stad grischuna 2016

30. mars 2016 / Resursa didactica / MINT / Furmaziun cuntinuada

La scola da stad grischuna dals 9-11 d’avust 2016 s’occupa dal tema «promoziun concreta dals roms MINT». Cun ina purschida multifara preschenta ella co ch’ils roms matematica, informatica, scienza natirala e tecnica (MINT) pon vegnir tractads cun blera pratica en l’instrucziun.

www.phgr.ch

Digital Days for Girls

3. mars 2016 / Occurrenza / Cumpetenza da medias / MINT

Ils Digital Days for Girls da la Swisscom empermettan a giuvnas da 13 a 15 onns d’astgar accumpagnar durant tras dis (tranter avrigl e zercladur 2016) emprendists d’informatica e da mediamaticra per uschia scuvrir lur mintgadi professiunal. Las giuvnas pon s’annunziar per Turitg u Berna.

www.swisscom.ch

Programmar cun Bee-Bot

24. favrer 2016 / Resursa didactica / Cumpetenza da medias / MINT

Il labor d’uffants ha elavurà cun «programmar per uffants» ina nova purschida per las scolaras ed ils scolars da la scolina e dal stgalim primar (1. e 2. classa). Bee-Bot, il pitschen roboter en furma d’in avieul sa vegnir programmà cun quatter tastas uschia ch’el sa schliar simpels pensums (tud.).

kinderlabor.ch

Emsorama – instrucziun cun palpar

17. favrer 2016 / Resursa didactica / MINT / Furmaziun cuntinuada

Emsorama è l’emprim Science Center dal Grischun. Passa 50 experiments spetgan sin scolaras e scolars. Qua dastgan els finalmain palpar ed experimentar. Fenomens da la natira e la fascinaziun per la scienza stattan en il center. La visita è adattada per tut ils stgalims ed è gratuita (tud.).

www.ems-group.com

Nova cumparsa per la pagina-web da la SAPGR

11. favrer 2016 / Occurrenza / MINT / Furmaziun cuntinuada

La SAPGR preschenta sia nova pagina-web cun funcziun mobila. En il focus da la nova concepziun stat la buna structuraziun d’infurmaziuns per pudair levgiar da chattar las infurmaziuns giavischadas. La survista da las occurrenzas è optimada.

www.phgr.ch

Program da promoziun «MINT Svizra»

24. favrer 2016 / Occurrenza / MINT / Furmaziun cuntinuada

En il rom dal program da promoziun «MINT Svizra» envida l’Academia svizra da la scienza tut ils acturs MINT ils 31 da matg 2016 a Friburg. Cun tut las activitads multifaras dals acturs MINT vegn l’interess per la scienza e la tecnica svegliada sin tut ils stgalims da scola (tudestg).

www.naturwissenschaften.ch

Syndicate content

Logo SEFRI

Logo EDK

Job