MINT

Workshop da construir roboters

16. november 2016 / Occurrenza / Cumpetenza da medias / MINT

En Svizra mancan inschigneras e scienziads. First lego league s’engascha per la promoziun da la generaziun giuvna en il sectur da la scienza e cumbinescha savida e plaschair. Il workshop da roboters duai fascinar ils uffants da 6 a 16 onns ed ha lieu ils 26 da november 2016 a la SAPGR a Cuira.

phgr.ch

Concurrenza da medias e robotica 2017

25. october 2016 / MINT

Uffants e giuvenils tranter 8 e 20 onns pon inoltrar projects individuals, da gruppa u da classa che s’occupan en moda creativa cun medias e tecnologias novas. I vegn tschertgà innovaziun ed originalitad! Fin ils 31 da schaner 2017 pon ins s’inscriver a la concurrenza.

www.bugnplay.ch

Dialog cun in astronaut

11. october 2016 / MINT

En il rom dal project ARISS Europe pon intginas classa communitgar cun agid d’in radio cun in astronaut a la staziun spaziala internaziunala. Las classas pon deponer lur candidatura fin ils 30 da november 2016. La conversaziun cun in astronaut è previsa tranter il settember 2017 ed il schaner 2018.

www.ariss-eu.org

Scienza e giuventetgna 2017

30. zercladur 2016 / MINT

Il termin d’inscripziun per l’ediziun 2017 da la concurrenza naziunala Scienza e giuventetgna è fixà per ils 15 d’october 2016. La mira è d’encuraschar ils giuvens talents en las domenas da la scienza umana, da la scienza natirala u da la tecnica. Il final ha lieu a Berna dals 22 als 29 d’avrigl 201

sjf.ch

Lavurs premiadas a la concurrenza naziunala

10. matg 2016 / MINT

Ils megliers talents scientifics da la Svizra èn sa radunads a Brugg-Windisch a chaschun da la 50avla concurrenza Giuventetgna e scienza. Er dus Grischuns – da Malans e da Roveredo - han obtegnì in premi per lur fitg bunas lavurs da maturitad.

sjf.ch

Primalogo - Furmaziun d'ICT

6. matg 2016 / Cumpetenza da medias / MINT

La SAP Lucerna porscha a las scolas in project d’instrucziun ch‘explitga als uffants entaifer tschintg mez-dis co che computers funcziunan. Els emprendan da solver pensums cumplexs, da sviluppar musters matematics e programs sco er in concept da basa dals computers.

primalogo.phlu.ch

Center didactic: Matematica 3-6

23. avrigl 2016 / Resursa didactica / MINT

En la matematica valan ils giatters da dumbers sco quantitad regulara. Cun questa tabella en il format excel datti bleras pussaivladads da crear novs giatters per las scolaras ed ils scolars da la 3. fin la 6. classa. Cun smatgar il buttun F9 vegnan novs giatters generads.

instrucziun.educa.ch

Discovery Week

1. avrigl 2016 / Occurrenza / MINT

Il Technorama Winterthur porscha 2016 per l’emprima giada ina Discovery Week durant las vacanzas da stad. Giuvenils che s’interesseschan per la scienza natirala ed èn tranter 12 e 16 onns pon vegnir a savair dapli da metodas da lavurar scientificamain. Termin d’annunzia è il 31 da matg 2016.

www.technorama.ch

PhaenoNet

1. avrigl 2016 / Resursa didactica / MINT

Lantschada da pliras organisaziuns, tranter auter da Globe Suisse, pussibilitescha la plattafurma PhaenoNet da registrar e da parter observaziuns stagiunalas davart la natira. Laics, scolaras e scolars, studentas e students sco er persunas d’instrucziun èn envidads da far part.

www.phaenonet.ch

Scola da stad grischuna 2016

30. mars 2016 / Resursa didactica / MINT / Furmaziun cuntinuada

La scola da stad grischuna dals 9-11 d’avust 2016 s’occupa dal tema «promoziun concreta dals roms MINT». Cun ina purschida multifara preschenta ella co ch’ils roms matematica, informatica, scienza natirala e tecnica (MINT) pon vegnir tractads cun blera pratica en l’instrucziun.

www.phgr.ch

Syndicate content

Logo SEFRI

Logo EDK

Job