Cumpetenza da medias

Retschertga davart tablets en l’instrucziun

21. mars 2016 / Cumpetenza da medias

L’Institut da medias en scola da la SAP Sviz maina en incumbensa da Samsung Svizra ina retschertga davart l’utilisaziun da tablets en scola e la midada da l’instrucziun che sa resulta ordlonder. Fin 2018 vegn l’influenza dals tablets sin l’instrucziun perscrutada.

www.lernen-mit-tablets.ch

Programmar cun Bee-Bot

24. favrer 2016 / Resursa didactica / Cumpetenza da medias / MINT

Il labor d’uffants ha elavurà cun «programmar per uffants» ina nova purschida per las scolaras ed ils scolars da la scolina e dal stgalim primar (1. e 2. classa). Bee-Bot, il pitschen roboter en furma d’in avieul sa vegnir programmà cun quatter tastas uschia ch’el sa schliar simpels pensums (tud.).

kinderlabor.ch

Plazzas d’emprendissadi tar Somedia

29. favrer 2016 / Occurrenza / Resursa didactica / Cumpetenza da medias

S’interesseschan ils scolars e las scolaras per medias, chaussas squitschadas, radio e televisiun? Tar tut questas differentas spartas porscha Somedia plazzas d’emprendissadi. Il suentermezdi dals 16 da mars 2016 è deditgà ad in emprim inscunter cun ils divers mastergns. As annunziai online!

lehrberufe.somedia.ch

Youtube – tschertgar films per l'instrucziun

26. favrer 2016 / Resursa didactica / Cumpetenza da medias

La Scola auta da Lucerna mussa co ch’ins tschertga a moda intenziunada films per duvrar en l’instrucziun. Latiers vegn declerà il champ «Youtube for Schools» ed ulteriuras infurmaziuns, sco per exempel ils dossiers SRF mySchool u ils dossiers da la SAP Lucerna (tud.).

www.blog.hslu.ch

Cussegls per utilisar medias digitalas

22. favrer 2016 / Resursa didactica / Cumpetenza da medias

A chaschun dal Safer Internet Day 2016, ha publitgà upc cablecom ina broschura cun cussegls per utilisar a moda segira las medias digitalas. La broschura po vegnir telechargiada gratuitamain ed è dividida tenor tematicas: tv, videos, computer e reclama (tud.).

www.upc-cablecom.ch

Nov test davart las cumpetenzas da medias

24. favrer 2016 / Cumpetenza da medias

La Pro Juventute elavurescha cun la SAP Sviz in test ch'evaluescha las cumpetenzas da medias da las scolaras e dals scolars da la 3. - 8. classa. I test è adaptà al Plan d’instrucziun 21. Il test interactiv vegn a vegnir en funcziun gratuitamain en il decurs da l’atun 2016 (tud.).

www.projuventute.ch

Video Good Practice: Cumpetenza da medias

29. schaner 2016 / Resursa didactica / educa.ch / Cumpetenza da medias

Il guid da Giuventetgna e medias «Cumpetenza da medias en il mintgadi da scola» è vegnì cumplettà cun in exempel d’ina scola primara. Las experientschas cun l’iPad durant lur emna da project dattan novas ideas per tractar a moda ludica ils concepts da basa da la furmaziun da medias (tud.).

guides.educa.ch

MINT cun il smartphone

12. schaner 2016 / Resursa didactica / Cumpetenza da medias / MINT

In gimnasi tudestg ha perscrutà en collavuraziun cun la SAP Freiburg en Br. con fisica e matematica ch’ins po far cun agid dals smartphones. Passa 60 experiments han els alura publitgà sin la pagina-web. Ils responsabels han alura pretendì da lavurar cun smartphones en tut ils roms da la scola (tu).

mascil.ph-freiburg.de

Tge sas Ti da cybersecurity?

26. schaner 2016 / Cumpetenza da medias

L’ Academia svizra da las scienzas tecnicas (ASST/SATW) ha publitgà ina concurrenza davart il tema «cybersecurity». Giuvenils pon respunder a dumondas online e gudagnar in bon da Digitec cun la valita da fr. 150.-. Ultim termin è ils 30 d’avrigl 2016 (tud.).

www.satw.ch

Cumpetenza da medias per uffants sut 12 onns

13. schaner 2016 / Resursa didactica / Cumpetenza da medias / Societad d'infurmaziun

La Prevenziun svizra da la criminalitad (PSC/SKP) elavura era broschuras e material davart temas e privels en l’internet. Ils films curts (en tudestg, talian e franzos) s’occupan – cun far allusiun a las paraulas da Grimm – als temas: dependenza da l’internet, pedofilia, mobing euv.

www.skppsc.ch

Syndicate content

Logo SEFRI

Logo EDK

Job