Cumpetenza da medias

Medias ed uffants pitschens

28. avrigl 2016 / Publicaziun / Cumpetenza da medias

L’iniziativa «SCHAU HIN! Was Dein Kind mit Medien macht» cusseglia las educaturas ed ils educaturs co ch’uffants pitschens pon duvrar medias. Sin la pagina-web chattan geniturs ed educaturs recumandaziuns per uffants da dus a tschintg onn davart il tema «medias» e lur niz.

www.schau-hin.info

Far sez videos d’emprender

29. avrigl 2016 / Cumpetenza da medias

Co far in bun video d’emprender? Tge pussaivladads e tecnicas datti? Tge dovr jau e da tge stoss jau dar attenziun? En questa scolaziun-online demonstrescha la referenta cun videos animads, co ch’ins po cumenzar ed uschia prender a niz questa tecnica multifara.

www.e-teaching.org

Emprender mobil

17. mars 2016 / Resursa didactica / Cumpetenza da medias

Sin la pagina-web dad educa.Guide pon ins prender invista dad in video dal di da telefonins en ina scola primara a Basilea. Gist en il senn da BYOD discuteschan las scolaras ed ils scolars cun lur magistra davart il diever raschunaivel da telefonins e smartphones en l’instrucziun.

guides.educa.ch

Mussavia online SAT.1

10. mars 2016 / Resursa didactica / Cumpetenza da medias

La redacziun da l’emettur SAT.1 ha creà in mussavia davart il tema segirezza en l’internet sco er protecziun d’uffants e giuvenils durant utilisar novas medias. Sper temas multifars sco segirtad en l’internet vegnan er noziuns sco «Snapchat» e tecnicas d’endrizzar il browser explitgadas.

www.sat1.ch

Victur svizzer dal MEDEA Awards

24. mars 2016 / Occurrenza / Cumpetenza da medias

Il victur dal MEDEA Awards, il premi che promova l’innovaziun ed il Good Practice da medias novas en l’instrucziun, vegn per quest onn da la Svizra franzosa: «Wismo» è in gieu per uffants davart l’istorgia europeica e sias legendas multifaras. Il gieu è producì da Nadasy Film a Genevra.

www.wismo.ch

ICT en scola

11. mars 2016 / Cumpetenza da medias

La Scola chantunala da Zug ha organisà en in wiki per sias 1500 scolaras e scolars tranter 12 e 19 onns sco er per il corp da magisters da var 200 persunas in codex da cumportament e da proceder per l’infrastructura, ils programs, ils agens computers, la segirtad, las datas etc.

wiki.ksz.ch

Instrucziun Web2

23. mars 2016 / Cumpetenza da medias

Il blog «Web2-Unterricht» publitgescha mintga dumengia novitads per persunas d’instrucziun dal stgalim secundar II. Ils magisters Renée Lechner, Urs Henning ed Emil Müller preschentan tools Web2.0 per l’instrucziun e vulan sensibilisar e mussar trends e novitads en lur blog.

www.web2-unterricht.blogspot.ch

Digital Days for Girls

3. mars 2016 / Occurrenza / Cumpetenza da medias / MINT

Ils Digital Days for Girls da la Swisscom empermettan a giuvnas da 13 a 15 onns d’astgar accumpagnar durant tras dis (tranter avrigl e zercladur 2016) emprendists d’informatica e da mediamaticra per uschia scuvrir lur mintgadi professiunal. Las giuvnas pon s’annunziar per Turitg u Berna.

www.swisscom.ch

Retschertga davart tablets en l’instrucziun

21. mars 2016 / Cumpetenza da medias

L’Institut da medias en scola da la SAP Sviz maina en incumbensa da Samsung Svizra ina retschertga davart l’utilisaziun da tablets en scola e la midada da l’instrucziun che sa resulta ordlonder. Fin 2018 vegn l’influenza dals tablets sin l’instrucziun perscrutada.

www.lernen-mit-tablets.ch

Programmar cun Bee-Bot

24. favrer 2016 / Resursa didactica / Cumpetenza da medias / MINT

Il labor d’uffants ha elavurà cun «programmar per uffants» ina nova purschida per las scolaras ed ils scolars da la scolina e dal stgalim primar (1. e 2. classa). Bee-Bot, il pitschen roboter en furma d’in avieul sa vegnir programmà cun quatter tastas uschia ch’el sa schliar simpels pensums (tud.).

kinderlabor.ch

Syndicate content

Logo SEFRI

Logo EDK

Job