Cumpetenza da medias

Festival d’emprender 2016

5. settember 2016 / Occurrenza / Cumpetenza da medias

Il Festival d’emprender 2016 dals 16 als 17 da settember metta il focus sin il tema «Digitalisaziun: schanzas e sfidas per la furmaziun cuntinuanta». Pliras occurrenzas da furmaziun en il rom dal festival vegnan purschidas gratuitamain en l’entira Svizra.

www.lernfestival.ch

Fascinaziun informatica

11. avust 2016 / Occurrenza / Cumpetenza da medias

Scienza e giuventetgna organisescha dals 11 als 17 da settember in’emna da studi per giuventetgna tranter 16 e 20 onns davart il tema informatica. Cun il sustegn d’experts da las scolas autas lavuran ils participants vi da divers projects. Il termin d’annunzia è ils 17 d’avust.

sjf.ch

Hack the City 2016

9. avust 2016 / Occurrenza / Cumpetenza da medias

En il rom dal Swiss open-air hackathon, che ha lieu dals 26 als 28 d’avust a Chiasso, han ils participants temp d’imaginar e sviluppar entaifer 48 uras in project innovativ davart il tema «Living a City in the Digital Era». Il termin d’inscripziun è ils 23 d’avust.

www.hackthecity.ch

Ideas per l’instrucziun da medias ed informatica

24. zercladur 2016 / Resursa didactica / Cumpetenza da medias

imedias, center d'infurmaziun per medias digitalas en la scola ed en l’instrucziun, ha creà ideas d’instrucziun (project mi4u.ch), per integrar ICT en ils process d’emprender e d’instruir. Il raster da cumpetenzas «medias & informatica» entaifer il Plan d’instrucziun 21 dat ina survista dals temas.

www.mi4u.ch

Projects online davart curaschi en la rait

6. zercladur 2016 / Cumpetenza da medias

Ils nominads per il premi tudestg klicksafe per promover la cumpetenza mediala e per dapli segirezza en la rait èn tschernids. Quest onn èn stads en il center mesiras, projects ed iniziativas che sa fatschentan cun «curaschi en la rait». La premiaziun ha lieu ils 24 da zercladur 2016.

bildungsklick.de

Mund da maletgs en la rait

22. zercladur 2016 / Publicaziun / Cumpetenza da medias

Saferinternet.at ha fatg ina retschertga online davart uffants e giuvenils e lur occupaziun cun maletgs en la rait. A la retschertga han uffants e giuvenils tranter 8 e 17 onns fatg part. Sin la pagina-web chattan ins ils resultats sco er ina survista dals resultats en furma pictografica.

www.saferinternet.at

Primalogo - Furmaziun d'ICT

6. matg 2016 / Cumpetenza da medias / MINT

La SAP Lucerna porscha a las scolas in project d’instrucziun ch‘explitga als uffants entaifer tschintg mez-dis co che computers funcziunan. Els emprendan da solver pensums cumplexs, da sviluppar musters matematics e programs sco er in concept da basa dals computers.

primalogo.phlu.ch

analog – digital – social– ideal

23. matg 2016 / Occurrenza / Cumpetenza da medias

La dieta da quest onn «instruir cun novas medias» dals 29 d’october 2016 a la SAP Turitg s’occupa da la cumbinaziun da guaffens digitals cun guaffens analogs. Cun cumbinar ils meds po l’instrucziun vegnir pli motivanta, viva e vegn uschia pli orientada a la finamira.

phzh.ch

Crear quizs a moda simpla

12. matg 2016 / Resursa didactica / Cumpetenza da medias

«Kahoot!» è ina plattafurma bleded-learning per crear quizs, retschertgas e danovamain per crear gieus per teams cun il Kahoot Creator. Sin la plattafurma pon las persunas d’instrucziun crear agens quizs e silsuenter laschar giugar teams da scolaras e scolars in encunter l’auter.

web2-unterricht.blogspot.ch

Sclauder il telefonin, dar attenziun

20. matg 2016 / Societad d'infurmaziun / Cumpetenza da medias

Sut quest motto ha Swisscom proclamà ils 20 da matg sco di da l’attenziun. L’intent è d’utilisar a moda responsabla il telefonin e da promover ina cumpetenza da medias che lai er tiers da sclauder ina giada las medias digitalas.

www.swisscom.ch

Syndicate content

Logo SEFRI

Logo EDK

Job