Cumpetenza da medias

Olimpiada svizra d’informatica 2017

28. october 2016 / Cumpetenza da medias

Ils pensums da la concurrenza èn uss online. Ils giuvenils passiunads pon metter sin emprova lur cumpetenza da programmar e trametter lur soluziuns fin ils 30 da november al team da l’olimpiada. Workshops per interessads vegnan organisads a Losanna, Berna e Turitg.

soi.ch

Emprima scuntrada «Rait cumpetenza da medias»

25. october 2016 / Cumpetenza da medias

Sco cuntinuaziun dal program Giuventetgna e medias e per manar vinavant in barat dals acturs che promovan cumpetenzas da medias en Svizra, iniziescha l’Uffizi federal d'assicuranzas socialas (UFAS) ina «Rait cumpetenza da medias Svizra». L‘emprim inscunter ha lieu ils 24 da november a Berna.

www.jugendundmedien.ch

Top 200 Tools for Learning 2016

27. october 2016 / Cumpetenza da medias

Jane Hart dal Centre for Learning and Performance Technologies ha enumerà ils «Top 200 Tools for Learning 2016». La glista datti a partir da l’onn 2007 ed ins vegn a savair tge guaffens digitals, tge process da lavurar, d’emprender e da barat che simplifitgeschan la lavur en la rait.

www.c4lpt.co.uk

Novas medias e furmaziun professiunala

14. october 2016 / Occurrenza / Cumpetenza da medias

Il Forum svizzer per la furmaziun professiunala e la cooperaziun internaziunala (FOBBIZ) tegna sia radunanza annuala igl 1. da december a Zollikofen. Las novas medias midan er la relaziun tranter scolader ed emprendist. En workshops e discussiuns vegn discutà davart questa tematica.

www.fobbiz.ch

Festival per films didactics 2017

4. october 2016 / Cumpetenza da medias

Sut il motto «Co protegel jau l’ambient?» èn classas da scola envidadas a prender part a la concurrenza da films didactics. Films davart consum, clima, mobilitad e natira cun ina durada maximala da trais minutas pon vegnir inoltrads fin ils 7 d’avrigl 2017.

www.lernfilm-festival.ch

Castur da l’informatica 2016

28. settember 2016 / Cumpetenza da medias

La concurrenza Castur da l’informatica è destinada per uffants e giuvenils da 8 a 20 onns ed ha lieu dals 7 als 11 da november. Quest quiz online vul svegliar l’interess per l’informatica e las scienzas digitalas. Ils participants na ston betg avair enconuschientschas en l’informatica.

informatik-biber.ch

Smart@Media

25. settember 2016 / Cumpetenza da medias

imedias, il post da cussegliaziun per medias digitalas en scola ed instrucziun da la Scol’auta FHNW è a la tschertga da projects che promovan d’utilisar las medias a moda segira e cumpetenta. Scumonds na portian nagut per ina prevenziuns persistenta. Quai vul il post spezialisà documentar e premiar.

www.imedias.ch

Festival d’emprender: retrospectiva

22. settember 2016 / Occurrenza / Cumpetenza da medias

Ils 16 ed ils 17 da settember ha il Festival d’emprender svizzer purschì passa 250 experientschas d’emprender davart il tema «digitalisaziun» en tut las regiuns linguisticas. Las purschidas èn stadas multifaras, a partir dal curs intensiv da spagnol fin a la programmaziun digitala.

www.alice.ch

Focus sin la digitalisaziun

25. fanadur 2016 / Occurrenza / Societad d'infurmaziun / Cumpetenza da medias

La digitalisaziun stat en il center dal Festival svizzer da la furmaziun dals 16 e 17 da settember 2016. En tut la Svizra porschan occurrenzas localas divers eveniments d’emprender a moda digitala. Il program metta l’accent sin las cumpetenzas medialas.

www.alice.ch

ECDL per educanet²: novs moduls

18. avust 2016 / educa.ch / Resursa didactica / Cumpetenza da medias

Cun il curs autodidactic pon ils interessads far part al curs dapertut ed adina e pon sa preparar cun ina controlla dal success d’emprender per ils examens. Ils novs moduls porschan cuntegns interactivs per Windows 7, 8 e 10, Office 2010, 2013 e 2016 sco er per Internet Explorer 10 e Gimp 2.8.

www.educanet2.ch

Syndicate content

Logo SEFRI

Logo EDK

Job