Cumpetenza da medias

Camp d’informatica a Flem

23. november 2017 / Occurrenza / Cumpetenza da medias / MINT

Cun sustegn ed accumpagnament da docents e students da la SPF e da la SAPGR pon 60 uffants e giuvenils emprender da programmar. «i-CAMPs Flem» porschan in curs emnil concentrà per scolars da la terza fin la novavla classa durant la stad 2018.

www.suedostschweiz.ch

Mobilitad dal futur

20. november 2017 / Resursa didactica / Cumpetenza da medias

Il Museum svizzer da transports a Lucerna mussa en collavuraziun cun la VFF (SBB) in’exposiziun deditgada a la «Mobilitad da damaun». La digitalisaziun avra adina novas pussaivladads da transport sco per exempel numerus agids interactivs per ils viagiaturs.

www.verkehrshaus.ch

Cumpetenzas da la generaziun giuvna

20. november 2017 / Cumpetenza da medias / MINT

A la dieta Promoziun tecnica da la generaziun giuvna da la ASST (SATW) èn las cumpetenzas e la digitalisaziun stadas en il focus. Divers referats d’impuls han dilucidà ils midaments da las cumpetenzas tras la digitalisaziun. Las preschentaziuns èn uss online.

www.satw.ch

Informatica als gimnasis

30. october 2017 / Cumpetenza da medias

La CDEP s’exprima en favur da l’introducziun da l’instrucziun obligatorica da l’informatica als gimnasis e metta sin via la revisiun da la basa legala concernenta. Durant lur assamblea annuala ha ella er approvà il nov plan d’instrucziun per l’informatica en las scolas gimnasialas.

www.edk.ch

Digitalisaziun en la furmaziun

5. october 2017 / Occurrenza / Cumpetenza da medias

La dieta dal Center da furmaziun per la sanadad ed ils fatgs socials (cfss/bgs) a Cuira dals 3 da favrer 2018 guarda sin las sfidas per il sistem da furmaziun tras la digitalisaziun. Co sa mida l’instrucziun? Tge influenza han OER e tge cumpetenzas da basa ston ils uffants dumagnar?

www.bgs-chur.ch

Europe Code Week

7. settember 2017 / Occurrenza / Cumpetenza da medias

L’emna europeica da programmar ha la Cumissiun europeica lantschà 2013. Ella ha lieu mintg’onn en 46 pajais europeics ed en la Svizra. Dals 7 als 22 d’october 2017 èn uffants, creschids, scolaras e scolars envidads a prender part a workshops per emprender d’enconuscher la basa da la programmaziun.

codeweek.eu

Esser online cun segiranza per uffants?

18. settember 2017 / Publicaziun / Cumpetenza da medias

Il nov artitgel dal blog «Digitalisaziun en la furmaziun» da la Fundaziun Bertelsmann s’occupa dal tema «Medias digitalas per uffants dal stgalim primar: esser online cun segiranza per uffants». Co dumognan geniturs e persunas d’instrucziun il sbagat tranter segiranza e mirveglias dals uffants?

digitalisierung-bildung.de

Focus Internet

28. fanadur 2017 / Publicaziun / Cumpetenza da medias

«Sucht Schweiz» ha edì ina nova broschura da la retscha «Im Fokus», cun examinar la dependenza da l’internet dals giuvenils en Svizra. Cura daventa l’utilisaziun da l’internet problematic e tge pon ins far encunter. Ulteriuramain chattan ins cussegls concrets per la prevenziun.

shop.addictionsuisse.ch

Tge ha Tesla da far cun la furmaziun

24. fanadur 2017 / Societad d'infurmaziun / Cumpetenza da medias

Il designer da furmaziun Christoph Schmitt cumpareglia en ses blog il Tesla cun il martgà da la furmaziun. Sco Tesla mida cumplettamain l’industria classica dad autos, uschia vegnan er ils purschiders privats e la «Digital Education Community» a midar il sistem classic da la furmaziun.

www.lebendiglernen.ch

JAMESfocus cumportament online

12. fanadur 2017 / Publicaziun / Cumpetenza da medias

Il nov rapport JAMESfocus «Cumportament online: negin problem – cun ristg – problematic» è telechargiabel da la pagina-web ZHAW. Il rapport enumerescha ils criteris cura ch’in giuvenil vala sco dependent da l’internet e mussa tge furmas d’utilisaziun che pon gia esser patologicas.

www.zhaw.ch

Syndicate content

Logo SEFRI

Logo EDK

Job