Cumpetenza da medias

Social media: nagin basegn da novas regulaziuns

12. matg 2017 / Identitad digitala / Cumpetenza da medias

Il Cussegl federal è vegnì tar la conclusiun ch’i na dovri betg novas mesiras da regulaziun per las medias socialas. Il Departament federal da l'intern elavurescha però ina protecziun da medias per giuvenils. Il sboz dalla lescha duai anc vegnir publitgà quest onn.

www.admin.ch

Moziun en favur da l’instrucziun d’informatica

4. matg 2017 / Cumpetenza da medias

La Cumissiun da la scienza, da l’educaziun e da la cultura ha deponì tar il Cussegl naziunal ina moziun per ina «Campagna en favur da l’instrucziun da l’informatica». La finamira da la moziun è d’augmentar la savida d’informatica basala dals uffants e da svegliar gust per dapli savida professiunala.

www.parlament.ch

Rom da referenza UE per cumpetenzas digitalas

25. matg 2017 / Societad d'infurmaziun / Cumpetenza da medias

Il rom da referenza europeic per cumpetenzas digitalas descriva 21 cumpetenzas che garanteschan in agir cumpetent en il mintgadi, en la professiun e per l’emprender. Sumegliant al rom da referenza per linguas illustrescha «DigiComp» las cumpetenzas ed ils stgalims da livel cun exempels concrets.

www.blog.edu-ict.ch

Realitad virtuala per ils geniturs

22. matg 2017 / Cumpetenza da medias

La plattafurma naziunala Giuventetgna e medias porscha a las persunas d’instrucziun ed als geniturs la pussaivladad da scuvrir l’univers da medias digitalas or da la vista dals uffants. Sis videos da prevenziun empermettan als creschids d’experimentar sezs la vita medialas dals uffants.

www.jugendundmedien.ch

Emprender da giuvenils da medema vegliadetgna

15. matg 2017 / Publicaziun / Cumpetenza da medias

La nova broschura «Cumpetenzas da medias e Peer Education» po vegnir telechargiada da la pagina Giuventetgna e Medias. Ella dat exempels pratics nua che giuvenils emprendan da giuvenils da medema vegliadetgna e mussa il potenzial pedagogic da questa metoda.

www.jugendundmedien.ch

Sa mover en il mund virtual

19. avrigl 2017 / Identitad digitala / Cumpetenza da medias

Persunas d’instrucziun da scolas professiunalas e gimnasis ch’instrueschan ils roms informatica, fisica u matematica pon retrair qua gratuitamain diversas unitads d’instrucziun. Las lecziuns sensibiliseschan las scolaras ed ils scolars per ils ristgs dal cyberspace.

www.satw.ch

Concurrenza naziunala da video

6. avrigl 2017 / Cumpetenza da medias

L’Institut federal per la perscrutaziun da guaud, naiv e cuntrada WSL organisescha la concurrenza «Just film it!» per giuvens cineasts tranter 12 e 18 onns. Cun agid da las novas medias e da la creativitad duai vegnir fatg ina retschertga da l’ambient e da la natira. Il termin è ils 6 d’avust 2017.

www.wsl.ch

15 princips tar BYOD per ils gimnasis

5. avrigl 2017 / Resursa didactica / Cumpetenza da medias

A partir da 2015 portan las scolaras ed ils scolars da Philippe Wampfler cun sai laptops e tablets en l’instrucziun. El ha perquai creà 15 princips didactics per lavurar en scola cun quests apparats. El manegia ch’i saja ina gronda sfida per il sistem da scola da dumagnar la midada digitala.

www.schulesocialmedia.com

Open Education Day 2017

28. mars 2017 / Cumpetenza da medias / Furmaziun cuntinuada

Questa occurrenza da la FHNW s’occupa tranter auter dals aspects giuridics liads a las Open Educational Resources, al lernstick, al LibreOffice Online sco er ad alternativas tar Facebook e WhatsApp. En lavuratoris ed en preschentaziuns curtas vegn infurmà davart Good Practice e novs trends.

www.open-education-day.ch

Mobile Stories

27. mars 2017 / Cumpetenza da medias

Suenter trais rundas da concurrenza cun serias da web classicas e per part interactivas èsi uras dad empruvar cun furmas novas: «Short-Web-Stories», filmadas cun meds pli simpels. La SSR lantscha perquai ina concurrenza per istorgias mobilas per giuvenils da 15 a 24 onns. Termin: 20 d’avrigl.

www.srgssr.ch

Syndicate content

Logo SEFRI

Logo EDK

Job