Internaziunal

WSIS 2017

28. avrigl 2017 / Ambient d'emprender digital / Internaziunal

Il «World Summit on the Information Society» è la pli gronda reuniun annuala da la community «ICT e svilup». Questa occurrenza internaziunala a Genevra discutescha a moda profunda la rolla dad ICT per cuntanscher las finamiras d'in svilup persistent da nossa societad.

www.itu.int

Uffants ed internet

14. favrer 2017 / Publicaziun / Cumpetenza da medias / Internaziunal

Tenor in nov studi davart l’internet da l’Unicef è in utilisader da tras in uffant. 53% dals giuvens interrogads èn conscients dals privels existents en l’internet. En cas da problems sa drizzan els plitost a persunas da la medema vegliadetgna che a creschids.

www.unicef.org

Perscripziuns UE per protecziun da datas

12. schaner 2017 / Societad d'infurmaziun / Internaziunal

La Cumissiun europeica ha proponì da meglierar la sfera privata per la communicaziun electronica e per las perscripziuns modernas per la protecziun da datas. Proteger la sfera privata na vul betg mo dir proteger il cuntegn mabain er proteger las metadatas dal lieu e dal temp.

europa.eu

Ranking ICT: la Svizra sin il 4. Plaz

25. november 2016 / Societad d'infurmaziun / Internaziunal

La «Internationale Fernmeldeunion» ha publitgà l’ ICT Development Index da quest onn, nua che la Svizra è posiziunada sin il quart rang. Questa rangaziun tegna quint a plirs indicaturs da svilup sco per exempel l’access a las tecnologias modernas sco er la furmaziun e las cumpetenzas d’ICT.

www.itmagazine.ch

Gieus da video: gea u na?

19. settember 2016 / Publicaziun / Internaziunal

In studi fatg a Madrid cun uffants da 7 a 11 onns ha mussà che giugar videos durant in’ura per emna porta avantatgs. Capacitads cognitivas e motoricas vegnan meglieradas. Surpassa il diever dals gieus dentant nov uras per emna è quai per ils uffants dischavantagius.

onlinelibrary.wiley.com

Prolungà la soluziun transitorica per Erasmus

20. settember 2016 / Internaziunal

Il Cussegl federal ha prolungà per in onn la soluziun transitorica 2014-2016 per la participaziun da la Svizra al program europeic da mobilitad «Erasmus+». Uschia han las Svizras ed ils Svizzers interessads la pussaivladad da sa participar als projects da cooperaziun fin il 2017.

www.admin.ch

Horizon Report 2016

26. avust 2016 / Societad d'infurmaziun / Internaziunal

Il studi da trend american datti uss er per tudestg. El preschenta mintga onn sis tecnologias che vegnan a sa profilar a la scolas autas ed universitaras ils tschintg onns vegnints. Latiers evaluescha il studi ils trends e mussa las grondas sfidas en chaussa.

www.mmkh.de

Social media sco funtauna da novitads

23. zercladur 2016 / Publicaziun / Internaziunal

Dal studi Digital News Report 2016 publitgà da l’Institut Reuters, Oxford, resulta che 44% da las persunas sut 35 onns nizzegian Facebook sco funtauna da novitads. Alura vegn Whatsapp cun 23% e Youtube cun 19%. La retschertga è vegnida fatga en 26 pajais.

www.persoenlich.com

Giugar ed engiavinar

14. avrigl 2016 / Resursa didactica / Internaziunal

La UE vul che tuts – era nus Svizzers – vivain bain: Ella guarda per nossa natira, per reglas da convivenza e cumbatta la criminalitad. La UE guarda era per ils pitschens. Sin questa pagina-web datti bler da scuvrir: bajetgs famus da l’entira Europa, persunas interessantas e gieus cha fan gust.

europa.eu

Duas premiaziuns per la SAPGR

15. schaner 2016 / Internaziunal

Duas giadas è la Scola auta da pedagogia dal Grischun vegnida undrada a Milaun per sia participaziun a projects dal program internaziunal Italia-Svizra. «Piccole Scuole di montagna» vul sustegnair a moda pedagogica e didactica las scolas en ils pitschens vitgs alpins. L’auter project è «Dedalus».

www.phgr.ch

Syndicate content

Logo SEFRI

Logo EDK

Job