Societad d'infurmaziun

Medias e la qualitad da la sien

8. avrigl 2016 / Societad d'infurmaziun

La sien è ina impurtanta part da nossa vita. Il studi da JAMES ha demussà l’influenza da las medias sin la sien da la giuventetgna svizra. Era cuntegna il studi cussegls per geniturs e persunas d’instrucziun che duain pussibilitar ina buna sien a la giuventetgna.

www.zhaw.ch

Nov portal per l’Open Government Data

3. favrer 2016 / Resursa didactica / Societad d'infurmaziun

La Confederaziun, ils chantuns, las vischnancas ed auters publitgeschan dad ussa davent lur datas libras sin la nova plattafurma ch’è realisada dad Open Government Data. En il champ da la furmaziun e da la scienza chattan las persunas d’instrucziun cuntegns interessants per telechargiar (tud.).

opendata.swiss

Novas furmas per las publicaziuns digitalas

9. favrer 2016 / Resursa didactica / Societad d'infurmaziun

Il portal professiunal svizzer da la scienza da l’istorgia ha lantschà il project «Living Books about History», che examinescha novas furmas per las publicaziuns scientificas. Essais digitals dals perscrutaders vegnan cumplettads cun cuntegns multimedials sco films, fotos e paginas-web (tud.).

www.livingbooksabouthistory.ch

Consequenzas da la digitalisaziun per la furmaziun

28. schaner 2016 / Societad d'infurmaziun

La Conferenza da directuras e directurs da las scolas professiunalas è sa deditgada a «Mobile Devices». Uschia èn las consequenzas da la digitalisaziun per la furmaziun e per la societad vegnidas eruidas e discutadas. Ils documents da la dieta stattan a disposiziun online (tud.).

www.sdk-csd.ch

Cumpetenza da medias per uffants sut 12 onns

13. schaner 2016 / Resursa didactica / Cumpetenza da medias / Societad d'infurmaziun

La Prevenziun svizra da la criminalitad (PSC/SKP) elavura era broschuras e material davart temas e privels en l’internet. Ils films curts (en tudestg, talian e franzos) s’occupan – cun far allusiun a las paraulas da Grimm – als temas: dependenza da l’internet, pedofilia, mobing euv.

www.skppsc.ch

Swiss Talent Forum: Big Data

20. schaner 2016 / Occurrenza / Societad d'infurmaziun

«Big Ideas for Big Data» è il tema dal Swiss Talent Forum da la Fundaziun giuventetgna e scienza ed ha lieu dals 28 fin ils 31 da schaner 2016 a Thun. Passa 70 giuvenils da la Svizra e da l’Europa debattan dumondas liadas a questa tematica e partan uschia lur visiuns per l’avegnir (tud.).

www.swiss-talent-forum.ch

e-books megliereschan l’abilitad da leger

18. december 2015 / Societad d'infurmaziun

Il National Literacy Trust ha incumbensà da far in studi per megliurar l’abilitad da leger dals giuvenils tranter 8 e 16 onns. Grazia ad e-books han oravant tut ils mats pudì meglierar lur abilitads. Suenter 4.2 mais eran quels mats sin in nivel da leger uschè aut sco il rest suenter 8.4 mais.

www.literacytrust.org.uk

Cussegl federal vul modernisar ils dretgs d’autur

16. december 2015 / Societad d'infurmaziun

Il Cussegl federal vul modernisar ils dretgs d’autur ed als adattar als novs svilups tecnologics. I va oravant tut per cumbatter pirateria a moda effizienta, dar indicaziuns davart ils dretgs d'autur en las raits Peer-to-Peer ed il diever simplifitgà da purschidas digitalas.

www.news.admin.ch

Syndicate content

Logo SEFRI

Logo EDK

Job