Societad d'infurmaziun

Novas cundiziuns per las licenzas dad Adobe

26. settember 2016 / educa.ch / Societad d'infurmaziun

La dumonda dad educa.ch ad Adobe per stipular novas cundiziuns da basa n’ha fin uss betg purtà in accord. I vegn perquai recumandà a las scolas da s’infurmar directamain tar Adobe davart licenzas e cundiziuns da diever a partir dal november.

rahmenvertraege.educa.ch

Digitalisaziun da la furmaziun

8. settember 2016 / Resursa didactica / Societad d'infurmaziun

La Fundaziun Bertelsmann ed il Center da perscrutaziun da l'instrucziun infurmeschan sin lur plattafurma davart il tema «Digitalisaziun da la furmaziun». Studis, occurrenzas e projects infurmeschan davart propostas raschunaivlas, per che tut ils participants da la furmaziun sa profiteschian.

www.digitalisierung-bildung.de

Plattafurma per la digitalisaziun en Svizra

6. settember 2016 / Societad d'infurmaziun

ICTswitzerland ha lantschà ina plattafurma che furnescha en maniera interactiva il stan da la digitalisaziun en Svizra, tranter auter davart la furmaziun ed ils spezialists. Il rom «medias ed informatica» dal Plan d’instrucziun 21 vegn en quel reguard declerà indispensabel per il futur d’in pajais.

digital.swiss

Dieta edu-ict 2016

19. avust 2016 / Occurrenza / Societad d'infurmaziun

La transfurmaziun digitala stat en il center da la dieta annuala «furmaziun ed ICT» dals 28 da settember a Turitg. Experts porschan invistas en ils process da midaments digitals en l’economia ed en la furmaziun. In concept per scolas vegn er preschentà.

blog.edu-ict.ch

Horizon Report 2016

26. avust 2016 / Societad d'infurmaziun / Internaziunal

Il studi da trend american datti uss er per tudestg. El preschenta mintga onn sis tecnologias che vegnan a sa profilar a la scolas autas ed universitaras ils tschintg onns vegnints. Latiers evaluescha il studi ils trends e mussa las grondas sfidas en chaussa.

www.mmkh.de

Focus sin la digitalisaziun

25. fanadur 2016 / Occurrenza / Societad d'infurmaziun / Cumpetenza da medias

La digitalisaziun stat en il center dal Festival svizzer da la furmaziun dals 16 e 17 da settember 2016. En tut la Svizra porschan occurrenzas localas divers eveniments d’emprender a moda digitala. Il program metta l’accent sin las cumpetenzas medialas.

www.alice.ch

KommSchau 2016

13. settember 2016 / Occurrenza / Societad d'infurmaziun

L’occurrenza da la PH FHNW dals 16 da november a Soloturn e dals 23 da november a Windisch stat sut il motto «Scola 2020 – Lieu d’emprender en il futur». Il focus vegn drizzà sin las midadas en il mund da las medias, lur influenza sin la scola sco er dumondas ed effects dals trends per il futur.

imedias.fhnw-ph.ch/kommschau16

Lia Rumantscha duai daventar pli transparenta

13. zercladur 2016 / Rumantsch / Societad d'infurmaziun

La Lia Rumantsch ha envidà ad ina dieta publica a Cuira. En workshops èsi vegnì discutà davart tematicas relevantas. Igl è vegnì giavischà che las structuras daventian pli transparentas. Er duessan Rumantschs e Rumantschas che vivan ordaifer il territori rumantsch vegnir integrads meglier.

www.rtr.ch

Linguatgs da programmar sco rom obligatoric

14. zercladur 2016 / Societad d'infurmaziun

Il schef da la Telekom pledescha per refurmas en il sistem da scola sco resposta a la digitalisaziun: «Linguatgs da programmar tutgan en ils plans d’instrucziun.» En in mund digital nua che software remplazza la lavur da patratgar ston las scolaras ed ils scolars emprender da crear novas chaussas.

www.faz.net

Save the date: Dieta SFIB 2016

31. matg 2016 / educa.ch / Occurrenza / Societad d'infurmaziun

Co s’occupa la scola da las identitads digitalas dals divers exponents en la furmaziun? Questa dumonda stat en il center da la dieta annuala dal Center svizzer per las tecnologias d'infurmaziuns en l'instrucziun che ha lieu ils 9 da november en il rom dals Swiss Education Days a la BERNEXPO.

fachtagung.sfib.ch

Syndicate content

Logo SEFRI

Logo EDK

Job