Societad d'infurmaziun

Cundiziuns per in’economia digitalisada

12. schaner 2017 / Societad d'infurmaziun

Il Cussegl federal ha approvà il rapport davart las cundiziuns da basa per in’economia digitalisada nua ch’i vegn prognostitgà che la dumonda da cumpetenzas dad ICT vegn a s’augmentar. Fin il zercladur 2017 vegn elavurà in rapport davart las pretensiuns al sistem da furmaziun.

www.admin.ch

Perscripziuns UE per protecziun da datas

12. schaner 2017 / Societad d'infurmaziun / Internaziunal

La Cumissiun europeica ha proponì da meglierar la sfera privata per la communicaziun electronica e per las perscripziuns modernas per la protecziun da datas. Proteger la sfera privata na vul betg mo dir proteger il cuntegn mabain er proteger las metadatas dal lieu e dal temp.

europa.eu

Red or Blue VR Lab

11. schaner 2017 / Occurrenza / Societad d'infurmaziun

A Turitg ha l’emprim Virtual Reality Lab avert sias portas per giuvens e vegls che han plaschair da laschar far il «beamen» en in auter mund. Capitanis da pirats, pilots dal spazi ed artists ed artistas 3D pon uschia far experientschas unicas en in cyberspace.

www.redorbluelabs.ch

Furmaziun professiunala 2030

9. december 2016 / Societad d'infurmaziun

La plattafurma Furmaziun professiunala 2030 è online. Tut ils acturs ed interessents da la furmaziun professiunala èn envidads da discutar process e megatrends da la furmaziun sco per exempel la digitalisaziun. La mira è da sviluppar ina visiun cuminaivla.

www.berufsbildung2030.ch

Lecziuns privatas sin Youtube

28. november 2016 / Resursa didactica / Societad d'infurmaziun

Sin Youtube vegnan adina dapli furmas ed ideas mussadas co che lecziuns privatas pon vegnir creadas. Latiers dattan giuvenils cussegls en agens videos d’emprender e quai per prest tut ils roms da scola. Videos curts èn fitg populars ed han l’avantatg ch’els pon vegnir guardads adina e dapertut.

www.wired.de

Ranking ICT: la Svizra sin il 4. Plaz

25. november 2016 / Societad d'infurmaziun / Internaziunal

La «Internationale Fernmeldeunion» ha publitgà l’ ICT Development Index da quest onn, nua che la Svizra è posiziunada sin il quart rang. Questa rangaziun tegna quint a plirs indicaturs da svilup sco per exempel l’access a las tecnologias modernas sco er la furmaziun e las cumpetenzas d’ICT.

www.itmagazine.ch

Il trend tar microlearning

4. november 2016 / Publicaziun / Societad d'infurmaziun

L’ediziun tudestga da CheckPoint eLearning s’occupa dal trend tar microlearning. Ils experts da Learning Delphi da MMB dattan respostas davart il futur da l’emprender cun «retschas da lecziuns che basan sin videos en il stil da YouTube». L’artitgel guarda sin l’origin ed il niz da quest trend.

www.checkpoint-elearning.de

Furmaziun professiunala e digitalisaziun en scola

20. october 2016 / Societad d'infurmaziun

Jörg Aebischer è manader da l’associaziun naziunala «ICT-Berufsbildung Schweiz». En nossa rubrica Insight dat el scleriment davart la digitalisaziun en scola e ses effect sin nossa societad. Ultra da quai dat el cussegls co che la scola pudess reagir a moda commensurada.

Insight Berufsbildung

«Generaziun stress?»

17. october 2016 / Publicaziun / Societad d'infurmaziun

Il Barometer da la giuventetgna da la Credit Suisse 2016 realisà en Svizra, Brasilia, a Singapur ed en ils Stadis Unids revelescha ch’ils giuvenils vulan sa profitar da la purschida mundiala cun lur smartphones ed apps. Adina e dapertut esser cuntanschibel maina dentant tar ina «generaziun stress».

www.credit-suisse.com

UZH Digital Society Initiative

23. settember 2016 / Societad d'infurmaziun

L’iniziativa da perscrutaziun da l’Universitad da Turitg duai cumbinar las cumpetenzas da l’universitad tar ina reflexiun critica ed interdisciplinara en tut ils aspects da la digitalisaziun da la societad e da la scienza. La mira actuala è da sviluppar novs champs da perscrutaziun.

www.media.uzh.ch

Syndicate content

Logo SEFRI

Logo EDK

Job