Societad d'infurmaziun

Roboter emprenda da far dumondas intelligentas

9. mars 2017 / Societad d'infurmaziun

Scienzads da l’universitad americana da Brown han sviluppà in algoritmus che fa dumandar anc ina giada ils roboters sch’els n'han betg chapì. Da las respostas po il sistem trair ina conclusiun intelligenta. Uschia daventa il roboter in meglier assistent perquai ch’el è abel da chapir cumonds.

www.pressetext.com

Politica da datas da la Confederaziun

27. mars 2017 / Societad d'infurmaziun

Il Cussegl federal ha definì ils 22 da mars las miras per la politica da datas sco part integrala da la «Svizra digitala». Tranter auter vai per crear la basa legala per datas e per avrir l’effectiv da datas.

www.admin.ch

Furmaziun (professiunala) 4.0

9. mars 2017 / educa.ch / Societad d'infurmaziun

Christoph Schmitt s’occupa en nossa rubrica «Insight Berufsbildung» cun la digitalisaziun en la furmaziun. Tar el na stat betg la tecnica en il focus, mabain vul el infurmar co ch’ina nova cultura en las instituziuns da furmaziun pudess gidar a crear la transfurmaziun digitala.

Insight Berufsbildung

Digitalisaziun en la furmaziun professiunala

4. mars 2017 / Societad d'infurmaziun

Dacurt han ils users da la plattafurma berufsbildung2030.ch votà davart l’impurtanza da megatrends: tenor ils participants da la votaziun è la digitalisaziun il megatrend il pli impurtant che ha la pli gronda influenza sin la furmaziun professiunala.

berufsbildung2030.ch

Instrucziun digitala dependa dals scolasts

11. favrer 2017 / Societad d'infurmaziun

Il success da la digitalisaziun en l’instrucziun dependi da las persunas d’instrucziun, scriva la gasetta austriaca «der Standard». Perquai saja ina buna furmaziun da scolasts evidenta. Quella garanteschi da nizzegiar medias en l’instrucziun a moda buna e raschunaivla.

www.derstandard.at

Cussegl federal vul stgaffir normas per E-ID

22. favrer 2017 / Identitad digitala / Societad d'infurmaziun

Contracts-online vegnan stipulads sin basa da fidanza. Il Cussegl federal vul perquai stgaffir cundiziuns da basa legalas ed organisatoricas per uschia renconuscher l’identitad electronica ed ils offerents. La procedura da consultaziun davart la E-ID è averta.

www.admin.ch

Di da trend europeic

6. favrer 2017 / Occurrenza / Societad d'infurmaziun

L’Institut Gottlieb Duttweiler envida ils 15 da mars 2017 tar il di da trend europeic «Leben zwischen Cloud und Location» a Rüschlikon. Persunas spezialisadas discutan co che nossa relaziun tar lieus e spazis vegn a sa midar e cun tge consequenzas che l’economia e nossa societad ha da far quint.

gdi.ch

Economia 4.0 mida la furmaziun professiunala

6. schaner 2017 / Societad d'infurmaziun

Friedrich Hubert Esser, president da l’Institut tudestg per la furmaziun professiunala (BIBB) prognostitgescha grondas midadas en la furmaziun professiunala tras l’economia 4.0. Il sistem sto vegnir pli flexibel ed ils emprendissadis ston vegnir percepids sco mastergns da basa.

www.xing.com

Collavuraziun tranter Confederaziun e chantuns

25. schaner 2017 / Societad d'infurmaziun / Monitoring da la furmaziun

A partir dal 1. da favrer 2017 va en vigur la Lescha federala davart la cooperaziun tranter la Confederaziun ed ils chantuns en la furmaziun svizra (BiZG). La giunta da coordinaziun en la furmaziun (KoA Digi) coordinescha las mesiras tranter Confederaziun, chantuns e partenaris.

www.educa.ch

Swiss-US Privacy Shield

11. schaner 2017 / Societad d'infurmaziun

In nov program è vegnì endrizzà per transferir datas da persunas da la Svizra ad interpresas americanas. Questa regulaziun correspunda a la soluziun tranter ils Stadis Unids e 31 pajais da la UE. La Svizra dispona uss da las medemas cundiziuns sco l’Uniun europeica.

www.admin.ch

Syndicate content

Logo SEFRI

Logo EDK

Job