Societad d'infurmaziun

Digitalisaziun en la mediaziun culturala

24. october 2017 / Occurrenza / Societad d'infurmaziun

Mediaziun culturala Svizra e la Chasa d’art electronic Basilea organiseschan cuminaivlamain ina dieta ils 17 da november a Basilea. La mira è da sa barattar davart las pussaivladads digitalas en la mediaziun culturala. Il focus vegn mess sin in’accordanza tranter analog e digital.

http://www.kultur-vermittlung.ch

Dialog «Svizra digitala»

19. october 2017 / Occurrenza / Societad d'infurmaziun

Il tema principal da la conferenza naziunala dals 20 da november a Bienna è la strategia «Svizra digitala». Il workshop «Furmaziun en l’economia ed en la societad digitala» elavura las pussaivladads che quella midada porta. In blog serva sco preparaziun.

www.digitaldialog.swiss

Il gimnasi digital

11. october 2017 / Publicaziun / Societad d'infurmaziun

Il commentari da la NZZ s’occupa da las sfidas ch’ina scola gimnasiala sto dumagnar. In punct evident saja che la vita n’è betg pli da superar senza cumpetenzas digitalas. Perquai ston las scolas er ir quella via digitala, er sche las directivas n’èn da preschent betg uschè cleras.

ww.nzz.ch

Cura ch’ils roboters arrivan

5. october 2017 / Publicaziun / Societad d'infurmaziun

L’ultim studi d’Avenir Suisse mussa che la «Robokalypse», in’acquisiziun da jobs tras maschinas intelligentas, na vegn betg a succeder en Svizra. La digitalisaziun è in svilup constant che n’eliminescha betg plazzas da lavur, però mida ella las cundiziuns da basa e creescha uschè novas plazzas.

www.avenir-suisse.ch

Studi: consequenzas da la digitalisaziun

12. settember 2017 / Publicaziun / Societad d'infurmaziun

Sarah Genner da l’Universitad da las scienzas applitgadas Turitg ZHAW, ha examinà l’influenza da la digitalisaziun sin uffants e giuvenils per la Cumissiun federala per l’uffanza e la giuventetgna. Stress tras las medias socialas è in punct principal dal rapport.

www.ekkj.admin.ch

Revisiun da la lescha per la protecziun da datas

18. settember 2017 / Societad d'infurmaziun

Il Cussegl federal ha preschentà la revisiun totala da la lescha per la protecziun da datas. Ina da sias intenziuns è d’armonisar il dretg svizzer cun ils standards da protecziun da l’UE e dal Cussegl europeic e da garantir in transfer liber da datas tranter interpresas svizras ed europeicas.

www.bj.admin.ch

Economia 4.0 : effects per la furmaziun

13. settember 2017 / Furmaziun professiunala / Societad d'infurmaziun

Al colloqui 2017 dad educa.ch è Markus Koch, Deloitte AG, s’exprimì davart l’economia 4.0 e sias perspectivas e consequenzas per la domena da la furmaziun. Per «Insight Berufsbildung» guarda el en detagl sin la furmaziun professiunala e dat cussegls per l’instrucziun.

Insight Berufsbildung

Conferenza naziunala «Svizra digitala»

16. avust 2017 / Occurrenza / Societad d'infurmaziun

La conferenza ha la mira da preschentar la realisaziun planisada da la strategia «Svizra digitala», sco er da mussar novas tendenzas e svilups da la societad d’infurmaziun. Ella vegn organisada ils 20 da november a Bienna da l’Uffizi federal da la communicaziun (UFCOM).

www.digitaldialog.swiss

Tge ha Tesla da far cun la furmaziun

24. fanadur 2017 / Societad d'infurmaziun / Cumpetenza da medias

Il designer da furmaziun Christoph Schmitt cumpareglia en ses blog il Tesla cun il martgà da la furmaziun. Sco Tesla mida cumplettamain l’industria classica dad autos, uschia vegnan er ils purschiders privats e la «Digital Education Community» a midar il sistem classic da la furmaziun.

www.lebendiglernen.ch

Futur da la Svizra digitala

24. avust 2017 / Publicaziun / Societad d'infurmaziun

In nov studi d’economiesuisse preschenta acturs e dumondas actualas da la digitalisaziun en Svizra. Ella analisescha las fermezzas e deblezzas da la Svizra concernent las cumpetenzas digitalas, l’infrastructura, il sistem social e la structura dal sistem ecologic e propona scenaris per il futur.

www.economiesuisse.ch

Syndicate content

Logo SEFRI

Logo EDK

Job